Sanjay Dutt: ‘ఆ సమయంలో ఎంత కంట్రోల్ చేసుకున్నా ఏడుపు ఆగలేదు’.. ఎమోషనలైన సంజయ్ దత్

బాలీవుడ్ బడా హీరోల్లో సంజయ్ దత్ ఒకరు. హిందీలో ఆయన ఓ స్టార్ హీరో.. ఆయన ఎంతో మందికి నటన పరంగా ఆదర్శం.. ఇక ఇప్పుడు ఆయన విలన్ గా నటించి మెప్పిస్తున్నారు.

Sanjay Dutt

Updated on: Apr 17, 2022 | 5:19 PM

బాలీవుడ్ బడా హీరోల్లో సంజయ్ దత్(Sanjay Dutt) ఒకరు. హిందీలో ఆయన ఓ స్టార్ హీరో.. ఆయన ఎంతో మందికి నటన పరంగా ఆదర్శం.. ఇక ఇప్పుడు ఆయన విలన్ గా నటించి మెప్పిస్తున్నారు. తనదైన నటనతో ప్రేక్షకులను కట్టిపడేస్తున్నారు సంజయ్ సాబ్. ఇక ఇటీవలే కేజీఎఫ్ 2 సినిమాతో సాలిడ్ హిట్ అందుకున్నాడు సంజయ్ దత్. అదీరా కేరక్టర్‌ కోసం షూట్‌ చేసే సమయానికే సంజయ్‌దత్‌కి కేన్సర్‌ అని చెప్పారు డాక్టర్లు. 2020 ఆగస్ట్ లో సంజయ్ కు లంగ్ కేన్సర్ ఉన్నట్టు పరీక్షల్లో బయటపడింది. అయినా ఆ దుమ్ములో, యష్‌తో చేసిన యాక్షన్‌ సీక్వెన్స్ లో సంజయ్‌దత్‌ పెర్ఫార్మెన్స్ నెక్స్ట్ లెవల్‌. ఆ కేరక్టర్‌ కోసం వేసుకున్న మేకప్‌ దగ్గరనుంచి, ఆ కేరక్టర్‌గా ఆయన కనిపించిన విధానం వరకూ ప్రతిదీ బావుంది. అయితే క్యాన్సర్ అని తెలిసినప్పుడు ఆయన ఎదుర్కొన్న అనుభవాలను తాజాగా ఓ ఇంటర్వ్యూలో చెప్పుకొచ్చారు సంజయ్ దత్.

సంజయ్ దత్ మాట్లాడుతూ.. డాక్టర్లు కేన్సర్ అని నాకు చెప్పిన వెంటనే ఏడుపొచ్చేసింది.. ఎంత కంట్రోల్ చేసుకున్నా ఏడుపు ఆగలేదు. నా కుటుంబం ఏమైపోతుందా అన్న భయం కలిగింది అన్నారు. ఒక రోజు మెట్లు ఎక్కుతుంటే శ్వాస ఆడ లేదు. స్నానం చేస్తున్న సమయంలోనూ శ్వాస తీసుకోవడానికి ఇబ్బంది పడ్డాను . దాంతో డాక్టర్ కు ఫోన్ చేశాను. ఊపిరితిత్తుల్లో సగం మేర నీరు చేరినట్టు డాక్టర్లు గుర్తించారు. దాన్ని టీబీ అనుకున్నారు. కానీ, అది కేన్సర్ అని తేలింది.. దాంతో వెంటనే విదేశాలకు వెళ్లి చికిత్స తీసుకోవాలని అనుకున్నా.. కానీ ముందు వీసా దొరకలేదు అని చెప్పుకొచ్చారు. తర్వాత నటుడు, నిర్మాత రాకేష్ రోషన్ ఓ డాక్టర్ ను సంజయ్ కు సూచించారట. దుబాయిలో కీమో థెరపీ తీసుకున్నా అని సంజయ్ తెలిపారు. ఆ సమయంలో చాలా కష్టపడ్డాను. మొత్తానికి సంకల్ప బలంతో, మనో ధైర్యంతో కేన్సర్ ను జయించాను అని సంజయ్ తెలిపారు.

మరిన్ని ఇక్కడ చదవండి :