Radhe Shyam : ఆర్ఆర్ఆర్ దారిలోనే ప్రభాస్ సినిమా కూడా..? రాధేశ్యామ్ వాయిదా పడనుందా..?

పాన్ ఇండియా స్టార్ ప్రభాస్ ప్రస్తుతం లైన్ లో పెట్టిన సినిమాలన్నీ భారీ ప్రాజెక్ట్ లే. ఇక ప్రభాస్ సినిమా కోసం అభిమానులు ఎంతో ఆసక్తిగా ఎదురుచూస్తున్నారు.

Prabhas

Updated on: Jan 02, 2022 | 1:01 PM

Radhe Shyam : పాన్ ఇండియా స్టార్ ప్రభాస్ ప్రస్తుతం లైన్ లో పెట్టిన సినిమాలన్నీ భారీ ప్రాజెక్ట్ లే. ఇక ప్రభాస్ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. బాహుబలి సినిమాతో పాన్ ఇండియా స్టార్‎గా మారిపోయాడు ప్రభాస్. ఈ మూవీతో డార్లింగ్ క్రేజ్ ఒక్కసారిగా మారిపోయింది. ఈ సినిమా తర్వాత ప్రభాస్ వరుస పాన్ ఇండియా చిత్రాలతో ఫుల్ బిజీగా మారిపోయాడు. డార్లింగ్‏తో సినిమా చేసేందుకు బాలీవుడ్, కోలీవుడ్ స్టార్ డైరెక్టర్స్ సైతం ఆసక్తి చూపిస్తున్నారు. ప్రస్తుతం ప్రభాస్ వరుస పాన్ ఇండియా చిత్రాలతో బిజీగా ఉన్న సంగతి తెలిసిందే. బాలీవుడ్ డైరెక్టర్ ఓం రౌత్ దర్శకత్వంలో ఆదిపురుష్ సినిమా చేస్తున్నారు. మరోవైపు.. కేజీఎఫ్ వంటి సంచలనం సృష్టించిన ప్రశాంత్ నీల్ దర్శకత్వంలో సలార్ సినిమా చేస్తున్నాడు. ఇదిలా ఉంటే.. ప్రభాస్ ప్రస్తుతం రాధాకృష్ణ కుమార్ దర్శకత్వంలో రాధేశ్యామ్ మూవీ చేస్తున్న సంగతి తెలిసిందే.

సంక్రాంతి 2022 బరిలో రిలీజ్ చేయాలని భావించిన రాధేశ్యామ్ మేకర్స్ తాము చెప్పిన తేదీకి స్ట్రాంగ్ గా ఫిక్స్ అయ్యి ఉన్నారు. జనవరి 14న మా సినిమాని రిలీజ్ చేస్తున్నామని చెప్పిన తర్వాత వరుసగా పోస్టర్లు రిలీజ్ చేస్తూ హడావిడి చేస్తున్నారు మేకర్స్. ఇదిలా ఉంటే ఇప్పుడు రాధేశ్యామ్ సినిమా కూడా వాయిదా వేసే అవకాశాలు ఉన్నాయని గుసగుసలు వినిపిస్తున్నాయి. ఇప్పటికే ఓమైక్రాన్ దెబ్బకు ఆర్ ఆర్ ఆర్ సినిమా వాయిదా పడింది. దాంతో ప్రభాస్ మూవీ కూడా వెనక్కి వెళ్లే అవకాశం ఉందని అంటున్నారు. ఇక ఇటీవలే విడుదలైన ఈ మూవీ ట్రైలర్ మంచి రెస్పాన్స్ వచ్చింది. దాదాపు రెండేళ్ల తర్వాత ప్రభాస్ నుంచి సినిమా రాబోతుండడంతో రాధేశ్యామ్ సినిమాపై అంచనాలు భారీగానే ఉన్నాయి. 1960 శాతాబ్దం నాటి వింటేజ్ ప్రేమకథ నేపథ్యంలో వస్తున్న ఈ మూవీ కోసం ప్రభాస్ అభిమానులు ఆసక్తిగా ఎదురుచూస్తున్నారు.

మరిన్ని ఇక్కడ చదవండి :