Nandamuri Balakrishna: భారీ యాక్షన్ సీక్వెన్స్ తో బరిలోకి దిగనున్న బాలయ్య.. గోపీచంద్ మలినేని సినిమా మొదలయ్యేది అపుడే..

Nandamuri Balakrishna: నందమూరి బాలకృష్ణ రీసెంట్ గా అఖండ సినిమాతో సాలిడ్ హిట్ అందుకున్న విషయం తెలిసిందే. యాక్షన్ ఎంటర్ టైనర్ గా తెరకెక్కిన ఈ సినిమాకు బోయపాటి శ్రీను దర్శకత్వం వహించారు. ఈ సినిమా సంచలన విజయాన్ని నమోదు చేసుకుంది. ఈ సినిమాలో రెండు విభిన్నమైన పాత్రల్లో కనిపించారు బాలకృష్ణ . అందులో ఒకటి అఘోర పాత్ర. ఇక ఈ పాత్రలో బాలకృష్ణ అద్భుతంగా నటించారు. ఇక ఈ సినిమా తర్వాత ఇప్పుడు గోపీచంద్ మలినేని దర్శకత్వంలో సినిమా చేస్తున్నారు బాలకృష్ణ ఇటీవలే ఈ సినిమా పూజ కార్యక్రమాలు జరుపుకుంది.  గోపీచంద్ మలినేని కూడా ఇటీవలే క్రాక్ సినిమా హిట్ అందుకున్నాడు. రవితేజ హీరోగా వచ్చిన ఈ సినిమా మంచి విజయాన్ని అందుకుంది. ఇక ఇప్పుడు అదిరిపోయే కథతో బాలకృష్ణ సినిమాను తెరపైకెక్కిస్తున్నాడు గోపీచంద్.

బాలయ్య – గోపీచంద్ కాంబోలో రాబోతున్న సినిమాలో శ్రుతిహాసన్ హీరోయిన్ గా నటిస్తుంది. అలాగే  వరలక్ష్మి శరత్ కుమార్ కీలక పాత్రలో కనిపించనున్నారు ఈ సినిమాలో. ఇక ఈ సినిమా మాఫియా బ్యాగ్రౌండ్ లో తెరకెక్కుతోందని కొందరు.. లేదు రాజకీయ నేపథ్యంలో ఉండబోతుందని మరికొందరు అంటున్నారు. అయితే ఈ నెల 11 నుంచి ఈ సినిమా రెగ్యులర్ షూటింగు మొదలుకావలసి ఉంది. కానీ కరోనా ఎఫక్ట్ కారణంగా ఆలస్యమైంది. వచ్చేనెల 12వ తేదీ నుంచి ఫస్టు షెడ్యూల్ ను మొదలుపెట్టనున్నారు. రామోజీ ఫిలిం సిటీలో ఈ సినిమాకు సంబంధించిన భారీ యాక్షన్ సీక్వెన్స్ ను షూట్ చేయనున్నారట. ఆతర్వాత మిగిలిన షూటింగ్ ను కడప ప్రాంతంలో చిత్రీకరించనున్నారని తెలుస్తుంది. ఇక ఈ సినిమా తర్వాత అనిల్ రావిపూడి దర్శకత్వంలో సినిమా చేస్తున్నారు బాలకృష్ణ .. బాలయ్యతో సినిమా చేయాలని ఎప్పటినుంచో ఎదురుచూస్తున్నాడు అనిల్.

మరిన్ని ఇక్కడ చదవండి : 

Namrata Shirodkar : అంతకన్నా బెస్ట్ ఆప్షన్ ఇంకొకటి లేదు అంటున్న మహేష్ సతీమణి.. వైరల్ అవుతున్న పోస్ట్

Dhanush And Aishwaryaa: విడాకుల ప్రకటన తర్వాత బిజీగా మారిపోయిన ధనుష్, ఐశ్వర్య.. ఏం చేస్తున్నారంటే..

Dhanush And Aishwaryaa: విడాకుల ప్రకటన తర్వాత బిజీగా మారిపోయిన ధనుష్, ఐశ్వర్య.. ఏం చేస్తున్నారంటే..