Chiranjeevi: కిరణ్ అబ్బవరంను ఇంటికి పిలిపించి మరీ అభినందించిన మెగాస్టార్.. ఆనందంతో మురిసిపోయిన ‘క’ హీరో

టాలీవుడ్ యంగ్ హీరో కిరణ్ అబ్బవరం నటించిన లేటెస్ట్ సినిమా ‘క’. విలేజ్ బ్యాక్ డ్రాప్ లో పీరియాడికల్ యాక్షన్ థ్రిల్లర్ గా తెరకెక్కిన ఈ మూవీలో తన్వీరామ్, నయన్ సారిక హీరోయిన్లుగా నటించారు. దీపావళి కానుకగా విడుదలైన ఈ సినిమా బ్లాక్ బస్టర్ టాక్ తో దూసుకెళుతోంది. దీపావళి కానుకగా అక్టోబర్ 31వ తేదీన విడుదలైన క రికార్డు స్థాయి వసూళ్లు సాధిస్తోంది. ఇప్పటికే ఈ సినిమా 30 కోట్లకు పైగా కలెక్షన్లు వసూళ్లు సాధించినట్లు ట్రేడ్ పండితులు చెబుతున్నారు. కాగా ఈ సినిమాకు ముందు వరుస వైఫల్యాలు ఎదుర్కొన్నాడు హీరో కిరణ్ అబ్బవరం. అతను నటించిన సినిమాలన్నీ బాక్సాఫీస్ వద్ద బోల్తా కొట్టాయి. దీనికి తోడు సోషల్ మీడియాలోనూ అతనిపై ట్రోలింగ్ జరిగింది. చాలా నెగిటివిటీ కిరణ్ క సినిమాను ప్రతిష్టాత్మకంగా తీసుకున్నాడు. సరికొత్త కథతో ఆడియెన్స్ ను మెప్పించాడు. కేవలం ప్రేక్షకులే కాదు సినీ ప్రముఖులు సైతం క సినిమాను చూసి టీమ్ ను అభినందిస్తున్నారు. ఇంతకు ముందే గీతా ఆర్ట్స్ అధినేత అల్లు అరవింద్ కిరణ్ అబ్బవరం అండ్ టీమ్ ను అభినందించారు. తాజాగా మెగాస్టార్ చిరంజీవి క సినిమాను వీక్షించారు. అనంతరం హీరో కిరణ్ అబ్బవరంను ఇంటికి పిలిపించారు. సుమారు గంటసేపు కిరణ్ తో మాట్లాడిన చిరంజీవి టీమ్ సభ్యులందరినీ అభినందించారు. ఈ విషయాన్ని కిరణ్ అబ్బవరం సోషల్ మీడియా ద్వారా అందరితో పంచుకున్నాడు. అలాగే మెగాస్టార్ చిరంజీవితో కలిసి దిగిన ఫొటోలను అందులో షేర్ చేసుకున్నాడు. ప్రస్తుతం ఈ ఫొటోలు సామాజిక మాధ్యమాల్లో బాగా వైరలవుతున్నాయి.

ఇవి కూడా చదవండి

46 ఏళ్ల వయసులో మళ్లీ పెళ్లి చేసుకోనున్న నువ్వే కావాలి నటుడు

ఈ కమెడియన్ కుమారుడు టాలీవుడ్‌లో క్రేజీ హీరో అని తెలుసా?

RGV మేనకోడలిని మనువాడిన కిదాంబి శ్రీకాంత్.. సందడి చేసిన రష్మిక

తిరుమల శ్రీవారి సేవలో హీరో నిఖిల్.. కుటుంబ సభ్యులతో కలిసి దర్శనం

మెగాస్టార్ తో దిగిన ఫొటోలను సోషల్ మీడియాలో షేర్ చేసిన కిరణ్ సబ్బవరం.. ‘ బాస్ నుంచి అభినందనలు. థ్యాంక్యూ సో మచ్ చిరంజీవి గారు గంట సేపు మీతో మాట్లాడినందుకు. నేను మిమ్మల్ని కలిసినప్పుడల్లా ఆశీర్వాదంగా భావిస్తాను’ అని తన ఆనందానికి అక్షర రూపమిచ్చాడు. వీటిని చూసిన అభిమానులు, నెటిజన్లు కిరణ్ అబ్బవరంకు కంగ్రాట్స్ చెబుతున్నారు. ‘ఇది కదా సక్సెస్’ అంటూ హీరోకు విషెస్ చెబుతున్నారు.

మెగాస్టార్ చిరంజీవితో కిరణ్ అబ్బవరం..

Appreciation from the BOSS 😇

Thank you so much @KChiruTweets gaaru for the 1 hour long memorable conversation ❤️

Always feels blessed whenever i meet you sir 😇#KA #DiwaliKAblockbuster pic.twitter.com/9TdAp5hqwT

— Kiran Abbavaram (@Kiran_Abbavaram) November 10, 2024

మరిన్ని సినిమా వార్తల కోసం ఇక్కడ క్లిక్ చేయండి.