Sai Dharam Tej: దర్శక నిర్మాతలతో కలిసి ఓటీటీలో “రిపబ్లిక్” సినిమా చూసిన తేజ్..

Sai Dharam Tej: మెగా మేనల్లుడు సాయి ధరమ్ తేజ్ నటించిన రిపబ్లిక్ సినిమా మంచి టాక్ ను సొంతం చేసుకున్న విషయం తెలిసిందే. కంటెంట్ ఉన్న దర్శకుడు దేవాకట్ట తెరకెక్కించిన ఈ సినిమా ఇటీవలే థియేటర్స్ లో విడుదలై మంచి రెస్పాన్స్ ను సొంతం చేసుకుంది. అయితే ఈ సినిమా రిలీజ్ కు ముందు సాయి ధరమ్ తేజ్ ప్రమాదానికి గురైన విషయం తెలిసిందే. బైక్ స్కిడ్ అవ్వడంతో కింద పడిపోయిన తేజ్ కూడా గాయాలయ్యాయి. ఈ ప్రమాదంలో తేజుకు తీవ్ర గాయాలు కావడంతో.. సమీపంలోని మెడికవర్ ఆసుపత్రికి తరలించి చికిత్స అందించారు. అనంతరం అక్కడి నుంచి జూబ్లి హిల్స్ ఆసుపత్రికి తరలించి చికిత్స అందించారు. తేజ్‌కు షోల్డర్ బోన్ సర్జరీ కూడా జరిగింది. దీపావళి పండగ రోజున తేజ్ పూర్తిగా కోలుకున్నడంటూ మెగాస్టార్ చిరంజీవి తెలిపారు. ఈ సందర్భంగా ఫ్యామిలీ అంతా కలిసి దిగిన ఫోటోను షేర్ చేశారు చిరు. ఇటీవలే గాయాలనుంచి తేజ్ కోలుకున్నారు.

ఇదిలా ఉంటే తేజ్ నటించిన రిపబ్లిక్ సినిమా ఓటీటీ వేదికగా విడుదలైంది. ప్రముఖ ఓటీటీ సంస్థ జీ 5 రిపబ్లిక్ సినిమాను స్ట్రీమింగ్ చేస్తుంది. ఈ సందర్భంగా దర్శక నిర్మాతలతో కలిసి ఓటీటీలో వీక్షించారు తేజ్. దీనికి సంబంధించిన ఫోటోలను వీడియోలను అభిమానులతో పంచుకున్నారు. ఇక ఇటీవల తేజ్ ఓ ఆడియో మెసేజ్ కూడా విడుదల చేశారు. “రిపబ్లిక్ సినిమాను థియేటర్‌లో మీతో కలిసి చూడటం కుదరలేదు, కానీ ఆ సినిమా ఓటీటీలో విడుదల అవుతోందని పేర్కొన్నారు. అందరు సినిమాను చూసి స్పందించాలని కోరారు తేజ్. ఇక తేజ్ పూర్తిగా కోలుకోవడంతో మెగా అభిమానులు సంతోషం వ్యక్తం చేస్తున్నారు.

Firstly, Thank you all for the love you’re showering for #RepublicOnZee5. This Friday remains very special for me as I have loved playing Panja Abhiram and yearned to watch with you all. I am watching with team and happy to see you all joining in ?#Republic pic.twitter.com/DMgP573tGL

— Sai Dharam Tej (@IamSaiDharamTej) November 26, 2021