Krithi Shetty: తొలిసారి అలాంటి పాత్రలో కనిపించనున్న బేబమ్మ.. ఏ సినిమాకోసమంటే..
ఒకేఒక్క సినిమాతో ఓవర్ నైట్ లో స్టార్ గా ఎదిగింది ముద్దుగుమ్మ కృతిశెట్టి(Krithi Shetty). బుచ్చిబాబు సన దర్శకత్వంలో మెగా హీరో వైష్ణవ్ తేజ్ హీరోగా పరిచయం అయిన ఉప్పెన సినిమాతో హీరోయిన్ గా అడుగు పెట్టింది కృతిశెట్టి.
ఒకేఒక్క సినిమాతో ఓవర్ నైట్ లో స్టార్ గా ఎదిగింది ముద్దుగుమ్మ కృతిశెట్టి(Krithi Shetty). బుచ్చిబాబు సన దర్శకత్వంలో మెగా హీరో వైష్ణవ్ తేజ్ హీరోగా పరిచయం అయిన ఉప్పెన సినిమాతో హీరోయిన్ గా అడుగు పెట్టింది కృతిశెట్టి. తొలి సినిమాతోనే అందం అభినయంతో ప్రేక్షకులను కట్టిపడేసింది. చూడటానికి అచ్చం మన పక్కింటి అమ్మాయిలా ఉంటుంది ఈ భామ. ఇక సెకండ్ సినిమా శ్యామ్ సింగరాయ్ సినిమాతో మంచి హిట్ ను అందుకుంది. అదేవిధంగా నాగ చైతన్య నటించిన బంగార్రాజు సినిమాతో హ్యాట్రిక్ హిట్ అందుకుంది ఈ చిన్నది. అయితే తాజాగా ఈ అమ్మడికి ఫస్ట్ ఫ్లాప్ ఎదురైంది. ఇటీవల ఈ చిన్నది ఎనర్జిటిక్ హీరో రామ్ సరసన ది వారియర్ అనే సినిమాలో నటించింది. లింగు స్వామి దర్శకత్వం వహించిన ఈ సినిమా తెలుగు , తమిళ్ భాషల్లో రిలీజ్ అయ్యింది. భారీ అంచనాల మధ్య విడుదలైన ఈ సినిమా బాక్సాఫీస్ దగ్గర బోల్తా కొట్టింది. రెండు భాషల్లో సినిమా నిరాశపరచడంతో ఇప్పుడు తన నెక్స్ట్ సినిమాల పై ఫోకస్ పెట్టింది కృతి.
ప్రస్తుతం సుధీర్ బాబు హీరోగా నటిస్తోన్న ఆ మ్మాయి గురించి మీకు చెప్పాలి సినిమాలో నటిస్తోంది. ఈ సినిమాకు ఇంద్రగంటి మోహన్ కృష్ణ దర్శకత్వం వహించారు. ఈ సినిమా త్వరలోనే ప్రేక్షకుమా ముందుకు రానుంది. అలాగే ఈ సినిమా తో పాటు అక్కినేని నాగచైతన్య సరసన మరో సినిమా చేస్తోంది. ఈ సినిమా వెంకట్ ప్రభు దర్శకత్వం వహిస్తున్నారు. ఇప్పటికే ఈ సినిమా కోసం కృతిని సంప్రదిండం ఆమె ఓకే చెప్పడం కూడా జరిగిపోయిందట. అయితే ఈ సినిమాలో కృతి మునుపెన్నడూ చేయని పాత్ర చేస్తుందని తెలుస్తోంది. ఈ సినిమాలో కృతి శెట్టి పాత్ర ఎంతో భిన్నంగా ఉండబోతుందని తెలుస్తోంది.ఇక ఈ సినిమాలో మొదటిసారి ఒక ప్రేతాత్మ పాత్రలో కనిపించనున్నట్లు తెలుస్తోంది. ఆత్మగా కనిపించి అందరిని భయపెట్టనుందట కృతిశెట్టి. మరి ఈవార్తల్లో వాస్తవమెంత అన్నది తెలియాల్సి ఉంది.
మరిన్నిఎంటర్టైన్మెంట్ వార్తల కోసం ఇక్కడ క్లిక్ చేయండి..