Kiccha Sudeep : ‘నాగార్జున మా కోసం గేట్లు తెరిచారు’.. ఆసక్తికర కామెంట్స్ చేసిన కిచ్చా సుదీప్

కిచ్చా సుదీప్.. తెలుగు ప్రేక్షకులకు కూడా సుపరిచితుడే..జక్కన్న తెరకెక్కించిన ఈగ సినిమాతో తెలుగు ప్రేక్షకులకు పరిచయం అయ్యాడు సుదీప్.

Kiccha Sudeep : 'నాగార్జున మా కోసం గేట్లు తెరిచారు'.. ఆసక్తికర కామెంట్స్ చేసిన కిచ్చా సుదీప్
Kiccha Sudeep
Rajeev Rayala

|

Jun 26, 2022 | 5:35 PM

కిచ్చా సుదీప్(Kiccha Sudeep ).. తెలుగు ప్రేక్షకులకు కూడా సుపరిచితుడే..జక్కన్న తెరకెక్కించిన ఈగ సినిమాతో తెలుగు ప్రేక్షకులకు పరిచయం అయ్యాడు సుదీప్. ఆ తరవాత ఈ స్టార్ హీరో నటించిన సినిమాలు తెలుగులోనూ డబ్ అయ్యి మంచి హిట్స్ గా నిలిచాయి. తాజాగా కిచ్చా సుదీప్ టైటిల్ పాత్రలో నటించిన భారీ బడ్జెట్ త్రీడీ మూవీ ‘విక్రాంత్ రోణ’. జూలై 28న ఈ త్రీడీ చిత్రం ప్ర‌పంచ వ్యాప్తంగా రిలీజ్ అవుతుంది. ఈ చిత్రాన్ని అనూప్ భండారి డైరెక్ట్ చేశారు. ఇంకా ఈ చిత్రంలో జాక్వ‌లైన్ ఫెర్నాండెజ్‌, నిరూప్ భండారి, నీతా అశోక్ ఇత‌ర కీల‌క పాత్ర‌ల్లో న‌టించారు. స‌ల్మాన్ ఖాన్ ఫిలింస్ స‌మ‌ర్ప‌ణ‌లో జీ స్టూడియోస్‌, కిచ్చా క్రియేష‌న్స్ బ్యాన‌ర్‌పై ఉత్త‌రాదిన రిలీజ్ అవుతున్న ఈ చిత్రాన్ని షాలిని ఆర్ట్స్ బ్యాన‌ర్‌పై జాక్ మంజునాథ్ నిర్మించారు. ఇన్‌వెనియో ఆరిజ‌న్స్ బ్యాన‌ర్‌పై అలంకార్ పాండియ‌న్ ఈ సినిమాకు స‌హ నిర్మాతగా వ్య‌వ‌హ‌రించారు. ఈ సినిమా తెలుగు ట్రైలర్ కార్యక్రమాన్ని హైదరాబాద్‌లో నిర్వ‌హించారు. ఈ కార్య‌క్ర‌మంలో రామ్ గోపాల్ వ‌ర్మ‌, అఖిల్ అక్కినేని, విజ‌యేంద్ర ప్ర‌సాద్‌, మంగ్లీ, అనూప్ భండారి, షాలిని త‌దిత‌రులు పాల్గొన్నారు.

కిచ్చా సుదీప్ మాట్లాడుతూ ‘‘విక్రాంత్ రోణ రూప క‌ల్ప‌న‌లో చాలా విష‌యాలు నాకు ద‌గ్గ‌ర‌య్యాయి. నా స్నేహితుడు జాక్ మంజునాథ్‌, ద‌ర్శ‌కుడు అనూప్‌కు ముందుగా థాంక్స్‌. అనూప్ నాతో ఈ సినిమా కోసం నాలుగేళ్ల‌కు పైగానే ట్రావెల్ అయ్యాడు. అనూప్ నా కార్యెక్ట‌ర్‌ను గొప్ప‌గా చూపించ‌డానికి ఎంతో ఆలోచించాడు అన్నారు. కోవిడ్ త‌ర్వాత ఈ సినిమా చేయాల‌ని నాగార్జున‌గారిని అడిగితే మా కోసం గేట్స్ తెరిచారు. అన్న‌పూర్ణ స్టూడియోలో రెండున్న‌ర నెల‌ల‌కు పైగానే చిత్రీక‌రించాం. అన్నీ ఫ్లోర్స్ మాకే ఇచ్చేశారు. కోవిడ్ భ‌యం ఉన్న‌ప్ప‌టికీ .. చాలా జాగ్ర‌త్త‌లు తీసుకున్నాం. ఓ కోవిడ్ కేసు లేకుండా షూటింగ్‌ను పూర్తి చేశాం. స‌మ‌యం కూడా మాకు స‌పోర్ట్ చేసింది. ఈగ సినిమా వంటి సినిమాను నాకు ఇచ్చిన రాజ‌మౌళిగారికి, విజ‌యేంద్ర ప్ర‌సాద్‌గారికి థాంక్స్‌. అలాగే నా జ‌ర్నీ స్టార్ట్ కావ‌టానికి కార‌కుడైన ఆర్జీవీగారు ఇక్క‌డ‌కు రావ‌డం ఎంతో ఆనందంగాఉంది. జూలై 28కోసం చాలా ఆస‌క్తిగా ఎదురు చూస్తున్నాను. ద‌ర్శ‌కుడు అనూప్ ఈ సినిమా కోసం ప్రాణం పెట్టి ప‌నిచేస్తున్నాడు. చాలా రోజుల పాటు నిద్ర పోలేదు. గొప్ప ఉద్దేశంతో సినిమా చేశాడు. జాక్ మంజునాథ్ గురించి ఎంత ఎక్కువ‌గా మాట్లాడినా త‌క్కువే. త‌ను బ్యాక్ బోన్‌లా నిల‌బ‌డ్డాడు కాబ‌ట్టే ఈ సినిమాను ఇంత గొప్ప‌గా చేయ‌గ‌లిగాం. జూలై 28న విక్రాంత్ రోణ‌ సినిమాను అంద‌రూ థియేట‌ర్స్‌లో చూసి ఎంజాయ్ చేయండి. ఓ మంచి గొప్ప ఎక్స్‌పీరియెన్స్ దొరుకుతుంది’’ అన్నారు.

మరిన్ని సినిమా వార్తల కోసం ఇక్కడ క్లిక్ చేయండి 

ఇవి కూడా చదవండి

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu