Pushpa: ‘రంగస్థలం’లో చిట్టిబాబులానే ‘పుష్ప’ సినిమాలో పుష్పరాజ్ కూడా లోపం ఉండనుందా..?
టాలీవుడ్లోని దర్శకుల్లో ఒకొక్కరిది ఒకొక్క శైలి. వీరిలో సుకుమార్ స్టైల్ ప్రత్యేకంగా ఉంటుంది. అదిరిపోయే లాజిక్స్తో సుకుమార్ సినిమాలు ఉంటాయి
Pushpa : టాలీవుడ్లోని దర్శకుల్లో ఒకొక్కరిది ఒకొక్క శైలి. వీరిలో సుకుమార్ స్టైల్ ప్రత్యేకంగా ఉంటుంది. అదిరిపోయే లాజిక్స్తో సుకుమార్ సినిమాలు ఉంటాయి. ఈ క్రమంలో వచ్చిన 1 నేనొక్కడినే, నాన్నకు ప్రేమతో సినిమాలు ప్రేక్షకులను ఆకట్టుకున్నాయి. ఇక ఈ మధ్య రంగస్థలం అనే సినిమాతో సుకుమార్ ఓ భారీ విజయాన్ని అందుకున్నాడు. మెగా పవర్ స్టార్ రామ్ చరణ్ నటించిన ఈ సినిమా సూపర్ హిట్ అవడమే కాకుండా చరణ్ నటనకు విమర్శకుల ప్రశంసలు దక్కాయి. గ్రామీణ నేపథ్యంలో తెరకెక్కిన ఈ మూవీలో చరణ్ చిట్టిబాబు పాత్రలో ఆకట్టుకున్నారు. అయితే చిట్టిబాబు పాత్రకు ఒక లోపం పెట్టాడు సుకుమార్. చరణ్ రంగస్థలం సినిమాలో చెవిటి వాడిగా చూపించాడు. ఇక ఇప్పుడు సుకుమార్ తెరకెక్కిస్తున్న పుష్ప సినిమాలో కూడా హీరోకు అలాంటి లోపమే ఉండబోతుందని అంటున్నారు. పుష్ప సినిమాలో బన్నీ పాత్రకు కూడా ఓ లోపం ఉంటుందని టాక్ వినిపిస్తుంది. ఇందుకోసం బన్నీ చాలా కష్టపడ్డాడని అంటున్నారు.
పుష్ప సినిమా గంధపు చెక్కల స్మగ్లింగ్ నేపథ్యంలో సాగుతున్న విషయం తెల్సిందే. ఈ సినిమా రెండు పార్టులుగా ప్రేక్షకుల ముందుకు రాబోతుంది. ఈ సినిమలో గంధపు చెక్కల స్మగ్లర్గా బన్నీ కనిపించనున్నాడు. అయితే ఈ పాత్రకోసం అల్లు అర్జున్ తన లుక్ను పూర్తిగా మార్చుకున్నాడు. గుబురు గడ్డంతో ఊర మాస్గా కనిపించనున్నాడు బన్నీ. అయితే స్మగ్లర్ అంటే మాములుగా ఉండదు. పోలీసుల నుంచి తప్పించుకోవడం.. ఎదురుదాడుల్లో గాయపడటం ఉంటుంది. అలాగే బన్నీ కూడా ఒక చెయ్యి కదల్చలేని ఒకవైపు కాస్త వొంగి నడిచేవాడిగా కనిపించనున్నాడని అంటున్నారు. దాక్కో దాక్కో మేకా పాటలో ఆ కష్టం కనిపించింది బన్నీలో. ఫిట్నెస్ మాస్టర్స్ సహాయాన్ని తీసుకొని అల్లు అర్జున్ ప్రతిరోజూ పుష్పరాజ్గా మారేందుకు ఎంతో శ్రమించారని అంటున్నారు. మరి ఈవార్తల్లో నిజమెంత అన్నది తెలియాలంటే మరికొంతకాలం వేచిచూడాల్సిందే.
మరిన్ని ఇక్కడ చదవండి :