Tollywood Movies: మ‌ళ్లీ వెండి తెర‌కు పూర్వ వైభవం.. జులై మొద‌టి వారంలో మొద‌లుకానున్న షూటింగ్స్‌..
Tollywood Movies: కరోనా మహమ్మారి యావ‌త్ ప్ర‌పంచాన్ని అత‌లాకుతలం చేసిన విష‌యం తెలిసిందే. అమెరికా లాంటి అగ్ర రాజ్యాలే ఈ మహమ్మారి కార‌ణంగా చిగురుటాకుల వ‌ణికిపోయాయి. కంటికి కనిపించ‌ని వైర‌స్ కార‌ణంగా...
Tollywood Movies: కరోనా మహమ్మారి యావ‌త్ ప్ర‌పంచాన్ని అత‌లాకుతలం చేసిన విష‌యం తెలిసిందే. అమెరికా లాంటి అగ్ర రాజ్యాలే ఈ మహమ్మారి కార‌ణంగా చిగురుటాకుల వ‌ణికిపోయాయి. కంటికి కనిపించ‌ని వైర‌స్ కార‌ణంగా ఆర్థిక వ్య‌వ‌స్థ‌లు పూర్తిగా స్థంభించిపోయాయి. ఎక్క‌డిక్క‌డ ఆర్థిక కార్యాక‌ల‌పాలు ఆగిపోయాయి. ఈ క్ర‌మంలోనే వైర‌స్ ప్ర‌భావం సినిమా రంగంపై కూడా గ‌ట్టిగానే ప‌డింది. కరోనా నిబంధ‌న‌ల నేప‌థ్యంలో థియేట‌ర్లు మూత‌ప‌డ‌డం, షూటింగ్‌లు వాయిదా ప‌డ‌డంతో వెండితెర నిశ్శ‌బ్ధంగా మారిపోయింది. అయితే ఇప్పుడిప్ప‌డే ప‌రిస్థితుల్లో మార్పులు క‌నిస్తున్నాయి. క్ర‌మంగా కరోనా ప్ర‌భావం త‌గ్గుతోంది. రోజువారీ కేసులు త‌గ్గుతుండ‌డంతో మ‌ళ్లీ పూర్వ‌పు రోజులు వ‌స్తున్నన‌ట్లు క‌నిపిస్తోంది. దీంతో ఆగిపోయిన సినిమా చిత్రీక‌ర‌ణ‌లు కూడా మ‌ళ్లీ ప్రారంభంకానున్న‌ట్లు వార్తలు వ‌స్తున్నాయి. ముఖ్యంగా టాలీవుడ్‌లో కరోనా కార‌ణంగా షూటింగ్‌లు వాయిదా వేసుకున్న కొన్ని సినిమాలు జూలై మొద‌టి వారంలో ప్రారంభించేందుకు సిద్ధ‌మ‌వుతున్నారు ద‌ర్శ‌క, నిర్మాతలు. ఇదిలా ఉంటే ఇప్ప‌టికే షూటింగ్‌లు పూర్తి చేసుకున్న కొన్ని సినిమాలు థియేట‌ర్లు ప్రారంభం కోసం ఎదురు చూస్తున్నాయి. అయితే ప్ర‌భుత్వాలు మాత్రం థియేట‌ర్ల తిరిగి ప్రారంభానికి మ‌రికొంత స‌మ‌యం తీసుకోనున్న‌ట్లు తెలుస్తోంది. మొత్తం మీద వెండి తెర‌కు పూర్వ వైభవం వ‌చ్చే రోజులు మ‌రెంతో దూరంలో లేవ‌ని తెలుస్తోంది.
Also Read: Ajith Kumar: కరోనా మహమ్మారి ఎఫెక్ట్.. మరింత ఆలస్యం కానున్న అజిత్ వలిమై సినిమా..
