Okkadu: థియేటర్‌లో సందడి చేసిన భూమిక.. ‘ఒక్కడు’ సినిమాను చూస్తూ రచ్చ రచ్చ
సూపర్ స్టార్ మహేష్ బాబు కెరీర్ లో బిగెస్ట్ బ్లాక్ బస్టర్ గా నిలిచిన సినిమా ఒక్కడు. గుణశేఖర్ దర్శకత్వంలో వచ్చిన ఈ సినిమా సంచలనాన్ని సృష్టించి ఇండస్ట్రీ హిట్ గా నిలిచింది.
సూపర్ స్టార్ మహేష్ బాబు కెరీర్ లో బిగెస్ట్ బ్లాక్ బస్టర్ గా నిలిచిన సినిమా ఒక్కడు(Okkadu). గుణశేఖర్ దర్శకత్వంలో వచ్చిన ఈ సినిమా సంచలనాన్ని సృష్టించి ఇండస్ట్రీ హిట్ గా నిలిచింది. ఈ సినిమాలో అందాల భామ భూమిక హీరోయిన్ గా నటించిన విషయం తెలిసిందే. ఇక మహేష్ బాబు పుట్టిన రోజు సందర్భంగా మంగళవారం (ఆగస్టు 9న) ఒక్కడు , పోకిరి సినిమాలను రీరిలీజ్ చేశారు. ఈ సినిమాలకు మహేష్ అభిమానులు తండోపతండాలుగా వచ్చారు. కొత్త సినిమా రిలీజా అనేంతగా హడావిడి చేశారు మహేష్ అభిమానులు. దాదాపు 300ల థియేటర్స్ లో ఒక్కడు , పోకిరి సినిమాలను ప్రదర్శించారు.
ఇక హైదరాబాద్ లోని ఐమాక్స్ లో ఒక్కడు సినిమాను స్పెషల్ షో వేశారు. ఒక్కడు సినిమాను వీక్షించడానికి దర్శకుడు గుణశేఖర్, హీరోయిన్ భూమిక కూడా థియటర్ కు వచ్చారు. అభిమానులతో కలిసి ఒక్కడు సినిమాను ఎంజాయ్ చేశారు భూమిక. ఇక 2003వ సంవత్సరంలో రిలీజ్ అయిన ఒక్కడు సినిమా అప్పటివరకు ఉన్న రికార్డులన్నీ తిరగరాసింది. మహేష్ నటన, మణిశర్మ మ్యూజిక్ ఈ సినిమాకు ప్రధాన ఆకర్షణ. క్లాస్, మాస్ అనే తేడా లేకుండా అన్ని వర్గాల ప్రేక్షకులను ఆకట్టుకునే అంశాలతో తెరకెక్కిన ఈ మూవీ మహేష్ కెరీర్ లో ఓ మైల్ స్టోన్ గా నిలిచింది. ఇక ప్రస్తుతం మహేష్ బాబు వరుస సినిమాలతో బిజీ బిజీగా ఉన్నారు. త్రివిక్రమ్ దర్శకత్వంలో ఓ సినిమా.. రాజమౌళి డైరెక్షన్ లో ఓ సినిమా చేస్తున్నారు మహేష్.
Wishing Mahesh Babu @urstrulyMahesh , a very Happy Birthday ✨ thank you to your fans for such a wonderful experience – of celebrating ur bday with them watching Okkadu in Prasad IMAX – with @Gunasekhar1 @muzeeb_m @DayaArjun2 .May God give you the best of everything always pic.twitter.com/CFlQcvQmmt
— Bhumika Chawla — Just B (@bhumikachawlat) August 9, 2022
