Pathaan: ఫ్యాన్స్ అత్యుత్సహం.. భయంతో పరుగులు పెట్టిన ప్రేక్షకులు.. థియేటర్‌లో రచ్చ రచ్చ

కింగ్ ఖాన్ షారుక్ ఖాన్ నటించిన పఠాన్ సినిమా సంచలనం సృష్టిస్తోంది. ఇప్పటికే భారీ వసూళ్లు రాబట్టి అందరిని షాక్ కు గురయ్యేలా చేస్తోంది. జీరో సినిమా తర్వాత షారుక్ హీరోగా నటించిన సినిమా పఠాన్. రిపబ్లిక్ డే పురస్కరించుకొని జనవరి 25న పఠాన్ సినిమా ప్రేక్షకుల ముందుకు వచ్చింది. ఈ సినిమా మొదటి షో నుంచే సూపర్ హిట్ టాక్ ను సొంతం చేసుకుంది. ఈ సినిమా కంప్లీట్ యాక్షన్ ఎంటర్టైనర్ గా తెరకెక్కింది. విడుదలకు ముందు ఈ సినిమాకు సంబంధించిన పోస్టర్లు, టీజర్స్, ట్రైలర్ ప్రేక్షకులను విపరీతంగా ఆకట్టుకుంటున్నాయి. ఇదిలా ఉంటే పఠాన్‌ సినిమా లోని కొన్ని దృశ్యాలపై హిందూ సంస్థలు తీవ్ర అభ్యంతరం వ్యక్తం చేసిన విషయం తెలిసిందే. అయినా కూడా ఆ వివాదాలను దాటి పఠాన్ సినిమా విడుదలై మంచి హిట్ గా నిలిచింది. ఇప్పటికే సినిమాను 500కోట్ల గ్రాస్ వచ్చిందని టాక్.

ఇక పఠాన్ సినిమా థియేటర్స్ లో ఫ్యాన్స్ రచ్చ రచ్చ చేస్తున్నారు. చాలా కాలం తర్వాత షారుక్ ఖాన్ హీరోగా కనిపించడంతో ఫ్యాన్స్ ఆనందానికి అవదులులేకుండా పోయాయి. అయితే కొంతమంది అత్యుత్సహంతో థియేటర్స్ లో గందరగోళం సృష్టిస్తున్నారు.

తాజాగా గుజరాత్ లోని ఓ థియేటర్ లో షారుక్ అభిమానులు రెచ్చిపోయారు. సినిమా ప్రదర్శన సమయంలో థియేటర్ లో టపాసులు పేల్చారు. దాంతో ప్రేక్షకులు ఒక్కసారిగా భయంతో పరుగులు పెట్టారు. థియేటర్ లోనే బాల్కనీలో పాటు లోయర్ క్లాస్ లో ఉన్న ఫ్యాన్స్ కూడా టపాసులకు పేల్చారు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.

Scary ? pic.twitter.com/Jja1mRDCkD

— Venkatramanan (@VenkatRamanan_) January 29, 2023

.