Krithi Shetty : ఆ స్టార్ హీరో సినిమాకు నో చెప్పిన బెబమ్మ.. కారణం ఏంటంటే
ప్రస్తుతం టాలీవుడ్ను ఊపేస్తున్న ముద్దుగుమ్మల్లో కృతిశెట్టి ఒకరు. ఈ బ్యూటీ తన క్యూట్ నెస్ తో కుర్రకారును వలలో వేసుకుంటోంది. ఉప్పెన సినిమాతో టాలీవుడ్ తీరానికి వచ్చిన ఆణిముత్యం ఈ అమ్మడు.
ప్రస్తుతం టాలీవుడ్ను ఊపేస్తున్న ముద్దుగుమ్మల్లో కృతిశెట్టి(Krithi Shetty )ఒకరు. ఈ బ్యూటీ తన క్యూట్ నెస్ తో కుర్రకారును వలలో వేసుకుంటోంది. ఉప్పెన సినిమాతో టాలీవుడ్ తీరానికి వచ్చిన ఈ ఆణిముత్యం తొలి సినిమాతోనే యువతలో మంచి క్రేజ్ ను సొంతం చేసుకుంది. ప్రస్తుతం కుర్ర హీరోలకు ఫస్ట్ ఛాయిస్ గా మారిన కృతి వరుస ఆఫర్లతో ఇక్కడ ఫుల్ బిజీగా గడుపుతోంది. బ్యాక్ టు బ్యాక్ సినిమాలను లైనప్ చేసిన ఈ చిన్నది తెలుగు తో పాటు తమిళ్ లోనూ ఆఫర్లు అందుకుంటోంది. ప్రస్తుతం ఎనర్జిటిక్ హీరో రామ్ సరసన ది వారియర్ సినిమాలో నటిస్తుంది. అలాగే మరో యంగ్ హీరో నితిన్ నటిస్తోన్న మాచర్ల నియోజక వర్గం సినిమాలోనూ కృతి హీరోయిన్ గా చేస్తోంది. ఈ రెండు కాకుండా సుధీర్ బాబు హీరోగా వస్తోన్న ఆ అమ్మాయి గురించి మీకు చెప్పాలితో పాటు మరో రెండు సినిమాలు ఈ అమ్మడి చేతిలో ఉన్నాయి. ఇదిలా ఉంటే తాజాగా ఈ చిన్నది ఓ స్టార్ హీరోకు నో చెప్పిందని టాక్ వినిపిస్తోంది.
వరుస సినిమాలతో దూసుకుపోతోన్న కృతి శెట్టి స్టార్ హీరో అయిన విశాల్ సినిమాకు నో చెప్పిందని గుసగుసలు వినిపిస్తోన్నాయి. హిట్లు ఫ్లాప్ లతో సంబంధం లేకుండా వరుస సినిమాలతో దూసుకుపోతోన్న విశాల్ కు తెలుగులోనూ మంచి క్రేజ్ ఉంది. త్వరలోనే విశాల్ లాఠీ అనే సినిమాతో ప్రేక్షకులను అలరించడానికి రెడీ ఆవుతోన్నాడు. ఈ క్రమంలోనే ఈ యాక్షన్ హీరో మరో సినిమాను లైనప్ చేశాడు. ఈ సినిమాలో కృతి శెట్టిని హీరోయిన్ గా తీసుకోవాలని విశాల్ భావించాడట. అయితే డేట్స్ అడ్జెస్ట్ కాకపోవడంతో విశాల్ సినిమాకు కృతి నో చెప్పిందని టాక్. మరి ఈ వార్తల్లో వాస్తవమెంత అన్నది తెలియాల్సి ఉంది.
మరిన్ని సినిమా వార్తల కోసం ఇక్కడ క్లిక్ చేయండి