NBK-CM Jagan: కృష్ణ భౌతిక ఖాయానికి నివాళులు అర్పించే క్రమంలో ఎదరుపడ్డ బాలయ్య, జగన్.. ఆపై
కృష్ణ తమ్ముడు ఆదిశేషగిరిరావు కుటుంబ సభ్యులను సీఎం జగన్‌కు పరిచయం చేసే సమయంలో బాలకృష్ణ అక్కడే వెనుక నిల్చున్నారు. బాలయ్యను చూసిన సీఎం జగన్ వెంటనే నమస్కారం చేశారు.
టాలీవుడ్ లెజండరీ నటుడు, సూపర్‌స్టార్‌ ఘట్టమనేని కృష్ణ అంత్యక్రియలు కుటుంబ సభ్యుల అశ్రునయాల మధ్య ముగిసాయి. హైదరాబాద్ మహాప్రస్ధానంలో పోలీస్‌ల గన్ సెల్యూట్ తో అంత్యక్రియలు పూర్తయ్యాయి. సూపర్ స్టార్ కృష్ణ అంతిమయాత్ర అశేష అభిమానుల మధ్య సాగింది. దారిపొడవునా అభిమానులు నివాళి అర్పించారు. పద్మాలయ స్టూడియోస్‌ నుంచి మహాప్రస్థానానికి అంతిమయాత్ర సాగింది. తమ అభిమాన హీరో ఇకలేరన్న వార్తను అభిమానులు జీర్ణించుకోలేకపోతున్నారు. సూపర్ స్టార్‌ని చివరి చూపు చూసుకోవడానికి హైదరాబాద్ నుంచే కాకుండ తెలుగు రాష్ట్రాల నుంచి అభిమానులు పద్మాలయా స్టూడియోకి వచ్చారు. ఆయన్ని కడసారి చూపుచూసుకొని కన్నీటి పర్యంతమయ్యారు.
ఎదురుపడ్డ ఎమ్మెల్యే బాలకృష్ణ, సీఎం జగన్
అంతకు ముందు ఏపీ సీఎం వైఎస్ జగన్ కృష్ణకు నివాళులర్పించారు. పద్మాలయ స్టూడియోస్‌కు చేరుకుని భౌతికకాయానికి నివాళులర్పించారు. కుటుంబ సభ్యులను పేరు పేరునా అందరిని పలికరించి, మహేశ్ బాబును ఆలింగనం చేసుకుని మేమున్నామంటూ భరోసా ఇచ్చారు. గల్లా జయదేవ్‌తోనూ మాట్లాడారు. ఆ సందర్భంలో అక్కడే ఉన్నారు నటడు, టీడీపీ బాలకృష్ణ. ఆ సమయంలో వారిద్దరూ ఒకరిని మరొకరు పలుకరించారు. నమస్కారం చేసుకున్నారు. బాలయ్య, జగన్ 2 విభిన్న భావాజాలాలు ఉన్నపార్టీల్లో అగ్ర స్థానాల్లో ఉన్నారు. కానీ జగన్.. సినిమా హీరోగా, వ్యక్తిగతంగా గతంలో బాలయ్యను అభిమానించేవారన్న విషయం తెలిసిందే.
కృష్ణ భౌతికఖాయానికి నివాళులు అర్పించిన సమయంలో.. ఆయనతో ఉన్న అనుబంధాన్ని నెమరువేసుకున్నారు నటుడు బాలకృష్ణ. ఆయన సినీ కెరీర్‌లో ఎన్నో ప్రయోగాలు, సాహసాలు చేశారన్నారు. ఏ కొత్త టెక్నాలజీ వచ్చినా తెలుగు చిత్ర సీమకు పరిచయం చేశారని చెప్పారు. కృష్ణగారితో కలిసి ‘సుల్తాన్’లో నటించిన విషయాన్ని గుర్తుచేశారు. బాలయ్య సతీసమేతంగా కృష్ణకు నివాళులర్పించారు. కృష్ణ కొడుకు మహేష్‌కు ధైర్యం చెప్పారు.
మరిన్ని హైదరాబాద్ వార్తల కోసం క్లిక్ చేయండి..
