Chiranjeevi: శరవేగంగా షూటింగ్ జరుపుకుంటోన్న మెగాస్టార్ గాడ్ ఫాదర్ మూవీ..

మెగాస్టార్ చిరంజీవి వరుస సినిమాలను లైనప్ చేసిన విషయం తెలిసిందే.. ఆచార్య తో రెడీగా ఉన్న చిరు.. ఆతర్వాత గాడ్ ఫాదర్ అంటూ రంగంలోకి దిగడానికి రెడీగా ఉన్నారు.

Chiranjeevi, Salman Khan

Updated on: Mar 22, 2022 | 7:39 AM

Chiranjeevi: మెగాస్టార్ చిరంజీవి వరుస సినిమాలను లైనప్ చేసిన విషయం తెలిసిందే.. ఆచార్య తో రెడీగా ఉన్న చిరు.. ఆతర్వాత గాడ్ ఫాదర్ అంటూ రంగంలోకి దిగడానికి రెడీగా ఉన్నారు. మలయాళ బ్లాక్ బస్టర్ లూసిఫర్ సినిమాలో తెలుగులో గాడ్ ఫాదర్ గా రీమేక్ చేస్తున్నారు. ఈ సినిమాకు తమిళ్ దర్శకుడు మోహన్ రాజా దర్శకత్వం వహిస్తున్నారు. మెగాస్టార్ 153వ చిత్రంగా గాడ్ ఫాదర్ తెరకెక్కుతోంది. కొణిదెల ప్రొడక్షన్స్, సూపర్ గుడ్ ఫిలింస్ సంయుక్తంగా నిర్మిస్తున్న చిత్రం ప్రస్తుతం ముంబై లో చిత్రీకరణ జరుపుకుంటుంది. ఇటీవ‌లే బాలీవుడ్ సూప‌ర్‌స్టార్ స‌ల్మాన్ షూటింగ్‌లో జాయిన్ అయ్యారు. `మీ ఉనికి ప్రేక్షకులకు అద్భుత కిక్‌ని ఇస్తుందనడంలో సందేహం లేదు.’ అని చిరంజీవి ఈ సంద‌ర్భంగా పోస్ట్‌ చేశారు.

స‌ల్మాన్ ప‌వ‌ర్‌ఫుల్ పాత్ర‌ను పోషిస్తున్నారు. చిరంజీవి, స‌ల్మాన్ ఖాన్‌పై తెర‌కెక్కిస్తున్న స‌న్నివేశాలు చిత్రానికి హైలైట్‌గా నిలుస్తాయ‌ని చిత్ర‌యూనిట్ చెబుతోంది. తెలుగులో స‌ల్మాన్‌ఖాన్ న‌టించ‌డం ప్ర‌త్యేక‌త సంత‌రించుకుంది. ఇలా మెగాస్టార్ చిరంజీవి, స‌ల్మాన్ ఖాన్‌లు ఇద్ద‌రూ ఒకేచోట కనిపించ‌డం అభిమానుల‌కు పండుగే. సోమ‌వారంతో `గాడ్ ఫాదర్` ముంబై షెడ్యూల్ పూర్త‌యింది. త‌దుప‌రి షెడ్యూల్ త్వ‌ర‌లో తెలియ‌జేయ‌నున్నారు. ఈ సంద‌ర్భంగా చిత్ర నిర్మాత‌లు ఆర్బీ చౌదరి , ఎన్వీ ప్రసాద్ ముంబై సెట్లో మ‌ర్యాద‌పూర్వ‌కంగా చిరంజీవి, స‌ల్మాన్ ఖాన్‌ని క‌లిశారు. ఇందులో ద‌ర్శ‌కుడు మోహన్ రాజా కూడా వున్నారు. ఈ ఫొటోను చిత్ర యూనిట్ తాజాగా విడుద‌ల చేసింది. పొలిటికల్ యాక్షన్ డ్రామాగా తెరకెక్కుతున్న ఈ సినిమాలో చిరంజీవి పవర్ ఫుల్ పాత్రలో కనిపించనున్నారు. ఈ సినిమాలో నయనతార కీలక పాత్ర పోషిస్తోంది.

మరిన్ని ఇక్కడ చదవండి :