Anushka Shetty: అన్నయ్య కోసం రంగంలోకి అనుష్క శెట్టి.. ఇన్ స్టాలో ఎమోషనల్ పోస్ట్..

టాలీవుడ్ హీరోయిన్ అనుష్క శెట్టి గురించి ప్రత్యేకంగా పరిచయం అవసరం లేదు. తెలుగు సినీరంగంలో ఒకప్పుడు టాప్ హీరోయిన్ గా ఓ వెలుగు వెలిగిన ఈ బ్యూటీ.. బాహుబలి సినిమా తర్వాత జోరు తగ్గించింది. ఎప్పుడో ఒక సినిమా చేస్తూ ప్రేక్షకులను అలరిస్తుంది.

Anushka

Lakshmi Praneetha Perugu | Edited By: Rajitha Chanti

Updated on: Dec 06, 2024 | 2:54 PM

లేడీ డాన్ అనుష్క శెట్టి ప్రస్తుతం రెండు సినిమాలతో బిజీగా ఉంది. రోజిన్ థామస్ చిరకెక్కిస్తున్న KATHANAR సినిమాతో పాటు క్రిష్ జాగర్లమూడి దర్శకత్వం వహిస్తున్న ఫిమేల్ ఓరియంటెడ్ సినిమా ఘాటి లో నటిస్తుంది. అయితే చాలా గ్యాప్ తర్వాత ఈ రెండు సినిమాలను స్వీటీ చేస్తుంది. ఇప్పటికే ఘాటి సినిమాకు సంబంధించిన టీజర్ ను కొద్దిరోజుల క్రితమే విడుదల చేశారు. హీరోయిన్ ఓరియంటెడ్ సినిమాలకు అనుష్క పెట్టింది పేరు. అలాంటి లేడీ సూపర్ స్టార్ మరో ఎక్స్పరిమెంటల్ లేడీ ఓరియంటెడ్ సినిమాలో కనిపించడంతో ఫాన్స్ తెగ కుషి అయ్యారు.

ఇక చాలాకాలం తర్వాత అనుష్క ఈ రెండు సినిమాల్లో నటిస్తుంది. ప్రస్తుతం బెంగళూరులోనే తన కుటుంబ సభ్యులతో అనుష్క ఉంటున్నట్లు సమాచారం. అయితే తన సోదరుడు గుణరంజన్ శెట్టి కోసం అనుష్క ప్రమోషన్లు చేస్తుంది. అనుష్క సోదరుడు కర్ణాటక రెజిలింగ్ అసోసియేషన్ ప్రెసిడెంట్ గా ఉన్నాడు.. బెల్లిపాడి గుణరంజన్ శెట్టి రెండు రోజులపాటు కుస్తీ పోటీలు నిర్వహిస్తున్నాడు. కర్ణాటక రెజ్లింగ్ అసోసియేషన్ తరపున ఈ పోటీలు జరగనున్నాయి. ఈరోజు నుండి రెండు రోజులపాటు కోరమంగళ ఇండోర్ స్టేడియంలో ఈ పోటీలు జరగనున్నాయి.

ఈ పోటీలో పాల్గొనాలనుకునేవారు ఉచితంగా ఇందులో పార్టిసిపేట్ చేయవచ్చు. తన సోదరుడు నిర్వహిస్తున్న ఈ భారీ ఈవెంట్ కు అనుష్క తనదైన రీతిలో సపోర్ట్ చేస్తుంది. ఇన్‏స్టాగ్రామ్ వేదికగా తన సోదరుడు గుణరంజన్ కు మద్దతు ప్రకటిస్తూ కుస్తీ పోటీలో పాల్గొనేందుకు ముందుకు రావాలని ఆమె పిలుపునిచ్చారు. తాను కన్న కలలను నెరవేర్చుకున్నందుకు తనకు ఎంతో గర్వంగా ఉందని సోదరుడిని ఉద్దేశించి అనుష్క పోస్ట్ పెట్టారు. ఎన్నో సవాళ్లను ఎదిరించి విజయం సాధించినపప్పుడు కలిగే సంతోషం మాటల్లో చెప్పలేనిదని అనుష్క శెట్టి ఇంస్టాగ్రామ్ వేదికగా పంచుకున్నారు.