Agent: అఖిల్ ఏజెంట్ రిలీజ్ డేట్ ఫిక్స్ అయినట్టేనా..? అక్కినేని అభిమానులు గెట్ రెడీ

అక్కినేని కుర్రహీరో అఖిల్ సాలిడ్ హిట్ కోసం గట్టిగానే ప్రయత్నిస్తున్నాడు. వరుసగా సినిమాలు చేస్తున్నప్పటికీ సరైన హిట్ మాత్రం అందుకోలేక పోతున్నాడు. ఇటీవల మోస్ట్ ఎలిజిబుల్ బ్యాచ్ లర్ సినిమాతో ప్రేక్షకుల ముందుకు వచ్చాడు. బొమ్మరిల్లు భాస్కర్ దర్శకత్వం వహించిన ఈ సినిమా మంచి హిట్ గా నిలిచినప్పటికీ.. ఆ హిట్ అక్కినేని అభిమానులకు సరిపోలేదు. దాంతో అఖిల్ ఎలాగైనా ఓ సాలిడ్ హిట్ కొట్టాలని అభిమానులు కోరుకుంటున్నారు. ఈ క్రమంలోనే అఖిల్ ఓ యాక్షన్ ఎంటర్టైనర్ తో ప్రేక్షకులను అలరించడానికి రెడీ అవుతున్నాడు. స్టైలిష్ డైరెక్టర్ సురేందర్ రెడ్డి దర్శకత్వంలో సినిమా చేస్తున్నాడు అఖిల్. ఏజెంట్ అనే టైటిల్ తో వస్తోన్న ఈ సినిమా ఓ స్పై థ్రిల్లర్ అని తెలుస్తోంది. ఇప్పటికే ఈ సినిమానుంచి విడుదలైన గ్లిమ్స్, పోస్టర్లు ప్రేక్షకులను విపరీతంగా ఆకట్టుకున్నాయి.

ఈ సినిమాలో అఖిల్ బీస్ట్ లుక్ లో కనిపించనున్నాడు. మలయాళ స్టార్ హీరో మమ్ముట్టి ఈ సినిమాలో కీలక పాత్రలో కనిపించనున్నారు. దాదాపు 80 కోట్ల భారీ బడ్జెట్ తో ఈ సినిమాని నిర్మించారు. ప్రస్తుతం మూవీ పోస్ట్ ప్రొడక్షన్ వర్క్ జరుగుతున్నట్లు తెలుస్తుంది.

సాక్షి వైద్య ఈ మూవీతో హీరోయిన్ గా టాలీవుడ్ లోకి అడుగుపెడుతుంది. పాన్ ఇండియా లెవల్ లో రిలీజ్ చేస్తున్న సినిమా ఇప్పటికే పలుసార్లు వాయిదా పడుతూ వచ్చింది. తాజాగా ఈ సినిమాను ఏప్రిల్ 14న రిలీజ్ చేసేందుకు డేట్ ఫిక్స్ చేసినట్లు తెలుస్తుంది.మరి ఈ డేట్ కైనా సినిమా వస్తుందా లేదా అన్నది చూడాలి.