Priyanka Jawalkar: బోల్డ్ పాత్రలు చేయాలని ఉంది.. టాక్సీవాలా బ్యూటీ హాట్ కామెంట్స్..

Priyanka Jawalkar: బోల్డ్ పాత్రలు చేయాలని ఉంది.. టాక్సీవాలా బ్యూటీ హాట్ కామెంట్స్..
Priyanka

గమనం సినిమాతో సంజనా రావు దర్శకురాలిగా పరిచయం కాబోతోన్నారు. శ్రియా సరన్, శివ కందుకూరి, ప్రియాంక జవాల్కర్, నిత్యా మీనన్ ప్రధాన పాత్రలను పోషించారు.

Rajeev Rayala

|

Dec 05, 2021 | 5:26 PM

Priyanka Jawalkar: గమనం సినిమాతో సంజనా రావు దర్శకురాలిగా పరిచయం కాబోతోన్నారు. శ్రియా సరన్, శివ కందుకూరి, ప్రియాంక జవాల్కర్, నిత్యా మీనన్ ప్రధాన పాత్రలను పోషించారు. క్రియ ఫిల్మ్ కార్ప్, కలి ప్రొడక్షన్స్ బ్యానర్లపై రమేష్ కురుటూరి, వెంకీ పుష్పదపు, జ్ఞానశేఖర్ వి.ఎస్ సంయుక్తంగా ఈ చిత్రాన్ని నిర్మించారు. గమనం సినిమాను డిసెంబర్ 10న విడుదల చేయబోతోన్నారు. ఈ సందర్భంగా హీరోయిన్ ప్రియాంక జవాల్కర్ మీడియాతో ముచ్చటించింది.. ఈ సందర్భంగా ప్రియాంక మాట్లాడుతూ.. నిర్మాత జ్ఞానశేఖర్ గారు మొదటగా ఈ సినిమా కోసం నన్ను అడిగారు. ముస్లిం అమ్మాయి పాత్ర కావడంతో బుర్ఖా వేసి లుక్ టెస్ట్ చేశారు. ఆతర్వాత ఓకే చేశారని చెప్పుకొచ్చింది. అలా గమనం సినిమాలోకి వచ్చాను. ఇందులో నా పాత్రకు ఎక్కువగా డైలాగ్స్ ఉండవు. కేవలం కళ్లతోనే నటించాల్సి ఉంటుంది. అదే కొంచెం కష్టంగా అనిపించింది అని అంది ప్రియాంక.

నా పాత్ర పేరు ఝారా. ఆ కారెక్టర్ కోసం కొన్ని రిఫరెన్స్‌లు తీసుకున్నాను. నిత్య మీనన్ నటించిన మళ్లీ మళ్లీ ఇది రాని రోజు సినిమాను చూశాను. కానీ పాత్రను సరిగ్గా అర్థం చేసుకునేందుకు నాలుగు రోజులు పట్టింది. నా చిన్నతనంలో మా చుట్టు పక్కలా ముస్లిం ఫ్యామిలీలు ఉండేవారు. వారు ఎలా ఉంటారు.. ఎలా మాట్లాడతారు అనేవి తెలుసు. అలా ఈ పాత్రను పోషించడం కాస్త ఈజీగా మారిందని చెప్పుకొచ్చింది. లేడీ డైరెక్టర్ కావడంతో సుజనా రావు నాకు ఎక్కువగా కనెక్ట్ అయ్యారు. షూటింగ్ అయిపోయాక మరింత క్లోజ్ అయ్యాం. లేడీ డైరెక్టర్ అవడంతో నాకు ఏమైనా సమస్యలున్నా కూడా షేర్ చేసుకునేదాన్ని అంది. అలాగే గమనంలో నాకు నటించే స్కోప్ ఉన్న పాత్ర దక్కింది. మామూలుగా నన్ను చూస్తే అందరూ కూడా కమర్షియల్ సినిమాలకు పనికొస్తానని, తెల్లగా ఉన్నావ్ విలేజ్ అమ్మాయి పాత్రలు వద్దని అంటారు. ఇలాంటి పాత్రలు చేస్తే నటనకు ప్రాధాన్యమున్న పాత్రలకు కూడా సూట్ అవుతుందని అందరికీ తెలుస్తుంది.

ఈ కథ వినకంటే ముందే చాలా కమర్షియల్ కథలు విన్నాను. కానీ అంతగా నచ్చలేదు. గమనం కథ వినగానే నచ్చింది. వేదం సినిమా టైపులో ఉంటుంది. ఇక ఇళయరాజా గారు సంగీతమందిస్తున్నారని తెలియడంతో మళ్లీ ఇలాంటి అవకాశం రాదని వెంటనే ఓకే చెప్పాను. సెలెక్టెడ్‌గా సినిమాలు చేస్తూ ఉంటే కెరీర్ స్లో అవుతుందనే భయం ఉంటుంది. అలా అని వచ్చిన సినిమాలన్నీ ఫటా ఫట్ చేస్తే ఫ్లాపులు వస్తే పరిస్థితి ఏంటనే భయం కూడా ఉంటుంది. అందుకే నాకు కథ నచ్చితేనే ఒప్పుకుంటాను. నాకు అందరు హీరోలతో పని చేయాలని ఉంది. ఓ లవ్ స్టోరీ సినిమా చేయాలని ఉంది. అందులో అయితే హీరోతో సమానంగా కారెక్టర్ ఉంటుంది. అలాగే  కథ డిమాండ్ చేస్తే ఎలాంటి పాత్రనైనా చేస్తాను. బోల్డ్ కారెక్టర్ కూడా చేస్తాను. అర్జున్ రెడ్డి సినిమాను అందరూ బోల్డ్ అన్నారు. కానీ నాకు చాలా నచ్చింది. టాక్సీవాలా సినిమా సక్సెస్‌ను వాడుకోలేకపోయాను అని కొంత మంది అంటారు. నాక్కూడా ఒక్కోసారి అనిపిస్తుంది. కానీ విధిని మనం మార్చలేం. కొన్ని సినిమాలు మనకు వద్దనుకున్నా వస్తాయి. ఎస్ఆర్ కళ్యాణమండపం, తిమ్మరుసు ఇంత హిట్ అవుతాయని నేను కూడా అనుకోలేదు. గమనం సినిమా కూడా హిట్ అవుతుందని అనుకుంటున్నాను అని చెప్పుకొచ్చింది ఈ ముద్దుగుమ్మ.

మరిన్ని ఇక్కడ చదవండి : 

Akhanda: ‘అఖండ’పై అన్షుల్ సక్సేనా ప్రశంసలు.. ‘జై బాలయ్య’ అని కామెంట్..

Pushpa Movie: పుష్ప మేకింగ్‌ వీడియోను చూశారా.? బన్నీ ఇచ్చిన మెసేజ్‌ మాత్రం అదుర్స్‌..

Akira Nandan: తల్లి కోరికను తీర్చిన అకిరా.. తన పుట్టిన రోజుకి వెలకట్టలేని బహుమతి అంటున్న రేణు దేశాయ్..

Follow us on

Most Read Stories

Click on your DTH Provider to Add TV9 Telugu