Nayanthara: పెళ్లైనా తగ్గేదే లే.. అట్లుంటది మరి నయన్తో.. ఒక్కో సినిమాకు ఎంతో తెలుసా?
Nayanthara Remuneration: తనదైన అందం, అభినయంతో దక్షిణాది సినీ పరిశ్రమలో లేడీ సూపర్స్టార్గా పేరు తెచ్చుకుంది నయనతార(Nayanthara). సుమారు 20 ఏళ్లుగా సినీ ఇండస్ట్రీలో కొనసాగుతోన్న ఆమె ఇటీవలే తన ప్రియుడు విఘ్నేశ్ శివన్ ..
Nayanthara Remuneration: తనదైన అందం, అభినయంతో దక్షిణాది సినీ పరిశ్రమలో లేడీ సూపర్స్టార్గా పేరు తెచ్చుకుంది నయనతార(Nayanthara). సుమారు 20 ఏళ్లుగా సినీ ఇండస్ట్రీలో కొనసాగుతోన్న ఆమె ఇటీవలే తన ప్రియుడు విఘ్నేశ్ శివన్ (Vignesh Shivan) తో కలిసి పెళ్లిపీటలెక్కింది. వివాహం తర్వాత మరింత జోరు పెంచిన నయన్ వరుసగా సినిమా ప్రాజెక్టులకు ఓకే చెబుతోంది. తాజాగా తన 75 వ సినిమాకు కూడా పచ్చజెండా ఊపింది. #Ladysuperstar75 అనే వర్కింగ్ టైటిల్తో ఇటీవలే ఈ సినిమా లాంఛనంగా ప్రారంభమైంది. ఇదిలా ఉంటే ప్రారంభం నుంచి స్టార్ హీరోలతో సమానంగా పారితోషకం తీసుకుంటోంది నయన్. కొన్నాళ్ల క్రితం వరకు రూ.3 కోట్ల నుంచి 5 కోట్ల వరకు రెమ్యునరేషన్ తీసుకున్న ఆమె ఆ తర్వాత 7 కోట్ల వరకు తీసుకుంటుందని వార్తలు వచ్చాయి. ఇప్పుడు తన కొత్త చిత్రానికి ఏకంగా రూ.10 కోట్లు అడుగుతున్నట్లు తమిళ మీడియా కోడై కూస్తోంది. మొత్తానికి పెళ్లైన తర్వాత కూడా నయన్ మార్కెట్ తగ్గకపోగా ఇంకా పెరగడం నిజంగా ఆశ్చర్యమే. ఇక తన కొత్త చిత్రానికి అన్నపూరణి అన్న టైటిల్ను ఫిక్స్ చేసినట్లు తెలుస్తోంది. ఇందులో ఓ పవర్ఫుల్ బిజినెస్ ఉమన్ పాత్రలో నయన్ కనిపించనున్నట్లు తెలుస్తోంది.
ఇదిలా ఉంటే జవాన్ సినిమాతో హిందీలోనూ అడుగుపెడుతోంది ఈ అందాల తార. బాలీవుడ్ సూపర్ స్టార్ షారుఖ్ ఖాన్ ఇందులో హీరోగా నటిస్తున్నాడు. అట్లీ దర్శకత్వం వహిస్తున్నాడు. వచ్చే ఏడాది ఈ సినిమా ప్రేక్షకుల ముందుకు రానుంది. అలాగే తెలుగులో మెగాస్టార్ చిరంజీవితో కలిసి గాడ్ఫాదర్ చిత్రంలోనూ హీరోయిన్గా కనిపించనుంది. వీటితో పాటు గోల్డ్, పింక్ పోలీస్ (మలయాళం), ఇరైవన్, కనెక్ట్ (తమిళ్) సినిమాల్లో నటిస్తూ బిజిబిజీగా ఉంటోంది. మొత్తానికి పెళ్లి తర్వాత కూడా లేడీ సూపర్ స్టార్ క్రేజ్ ఏ మాత్రం తగ్గడం లేదని తెలుస్తోంది.
మరిన్ని సినిమా వార్తల కోసం క్లిక్ చేయండి..