Faria Abdullah: ఆ సినిమాతో ఆయనకు అభిమానిగా మారిపోయా.. మనసులో మాట బయటపెట్టిన హైదరాబాదీ హీరోయిన్
హీరో సంతోష్తో కలిసి ఓ టాక్షోకు హాజరైంది ఫరియా. ఈ సందర్భంగా తన సినిమా కెరీర్, అవకాశాల గురించి పలు ఆసక్తికర వ్యాఖ్యలు చెప్పుకొచ్చింది. సినిమా రంగంలో ఎలా అవకాశం వచ్చిందన్న ప్రశ్నకు సమాధానమిస్తూ
Faria Abdullah: జాతిరత్నాలు షూటింగ్ సమయంలో డైరెక్టర్ హైదరాబాదీ హీరోయిన్ జాతిరత్నాలు సినిమాతో ఓవర్నైట్లోనే క్రేజీ హీరోయిన్గా గుర్తింపు తెచ్చుకుంది హైదరాబాదీ ముద్దుగుమ్మ ఫరియా అబ్దుల్లా. ఆతర్వాత నాగార్జున, నాగచైతన్యతో కలిసి బంగర్రాజు చిత్రంలో కలిసి ఆడిపాడింది. ప్రస్తుతం క్రేజీ ప్రాజెక్టులతో బిజీగా ఉంటోన్న ఈ ముద్దుగుమ్మ నటించిన తాజా చిత్రం లైక్, షేర్ అండ్ సబ్స్క్రైబ్. సంతోష్శోభన్ హీరోగా నటిస్తున్నాడు. ఇప్పటికే షూటింగ్ పూర్తి చేసుకున్న ఈ సినిమా శుక్రవారం (నవంబర్ 4) థియేటర్లలో విడుదల కానుంది. దీంతో సినిమా ప్రమోషన్లలో స్పీడ్ పెంచింది మూవీ యూనిట్. ఈ నేపథ్యంలో హీరో సంతోష్తో కలిసి ఓ టాక్షోకు హాజరైంది ఫరియా. ఈ సందర్భంగా తన సినిమా కెరీర్, అవకాశాల గురించి పలు ఆసక్తికర వ్యాఖ్యలు చెప్పుకొచ్చింది. సినిమా రంగంలో ఎలా అవకాశం వచ్చిందన్న ప్రశ్నకు సమాధానమిస్తూ..’ మా కాలేజీలో జరిగిన ఓ ఈవెంట్కి అక్కినేని నాగార్జున గెస్ట్గా వచ్చారు. ఆయనతో కొద్ది పేపు మాట్లాడాను. నాగ్ సార్ నెంబర్ తీసుకుని ఫాలోఅప్ చేశాను. ఈ క్రమంలోనే ఆడిషన్స్ ఇవ్వగా జాతిరత్నాలు సినిమాలో అవకాశం వచ్చింది’ అని తెలిపింది.
త్రిష అంటే ఇష్టం.. అలాగే జాతిరత్నాలు సినిమా షూటింగ్ సమయంలో డైరెక్టర్ అనుదీప్ కేవీ ఫరియాను కొట్టారని అప్పట్లో వార్తలు వచ్చాయి అందులో నిజమేంత అని ఆమెను అడిగితే ‘ అదేదో సరదాగా జరిగింది. సెట్లో అనుదీప్ గారు చాలా సరదాగా ఉంటారు. ఆయన జోక్స్ వేసినప్పుడు నవ్వుతూ పక్కనున్న వాళ్లని కొడుతుంటారు. అది ఆయన అలవాటు. అలా ఒకసారి నన్ను చేతితో అలా అన్నారు. అంతే’ అని అసలు విషయం చెప్పుకొచ్చింది ఫరియా. అలాగే చాలామంది లాగే తనకు దర్శక ధీరుడు రాజమౌళి దర్శకత్వంలో నటించాలని ఉందంటూ మనసులోని మాటను బయటపెట్టిందీ అందాల తార. అలాగే వర్షం సినిమాతో త్రిషకు అభిమానిగా మారిపోయానని, ఆమె కోసమే నువ్వొస్తానంటే నేనొద్దంటానా సినిమాను చూసానని చెప్పుకొచ్చింది. ఆ చిత్రంతోనే హీరో సిద్ధార్థ్కు ఫ్యాన్గా మారిపోయానంటూ పేర్కొంది.
View this post on Instagram
ఇక సినిమాల విషయానికొస్తే.. రవితేజ హీరోగా నటిస్తోన్న రావణాసుర సినిమాలో నటించనుందీ హైదరాబాదీ హీరోయిన్. అలాగే విజయ్ అంటోని సరసన వల్లి మాయిల్ అనే తమిళ సినిమాలో హీరోయిన్గా కనిపించనుంది.
మరిన్ని సినిమా వార్తల కోసం క్లిక్ చేయండి..