Kamal Haasan: సినిమాకు భాష లేదు.. ప్రపంచ భాషే సినిమా.. ఆసక్తికర వ్యాఖ్యలు చేసిన కమల్ హాసన్..

ప్రస్తుతం సినీ పరిశ్రమలో పాన్ ఇండియా చిత్రాల జోరు కొనసాగుతుంది. ముఖ్యంగా దక్షిణాది సినిమాలు పాన్ ఇండియా లెవల్లో విడుదలయ్యి బ్లాక్ బస్టర్ హిట్ గా నిలుస్తున్నాయి. బాహుబలి సినిమాతో ఇండియన్ సినీ హిస్టరీలో చరిత్ర సృష్టించిన జక్కన్న.. ఇటీవల ఆర్ఆర్ఆర్ మూవీలో మరోసారి రికార్డ్ క్రియేట్ చేసిన సంగతి తెలిసిందే. అలాగే కేజీఎఫ్, పుష్ప సినిమాలకు కేవలం దక్షిణాదిలోనే కాకుండా ఉత్తరాదిలోనూ ప్రేక్షకుల నుంచి అద్భుతమైన రెస్పాన్స్ వచ్చింది. ఇప్పుడు పాన్ ఇండియా సినిమా ట్రెండ్ నడుస్తున్నప్పపటికీ విశ్వనటుడు గతంలోనే ఈ ట్రెండ్ సెట్ చేశారు. ఆయన ప్రధాన పాత్రలో నటించిన మరో చరిత్ర సినిమా చెన్నైలో ఎలాంటి సబ్ టైటిల్ లేకుండా దాదాపు రెండేళ్లు విజయవంతంగా ప్రదర్శించారు.. తాజాగా ఈ విషయాన్ని మరోసారి గుర్తుచేసుకున్నారు కమల్ హాసన్ (Kamal  Haasan). ఆయన ప్రధాన పాత్రలో నటించిన విక్రమ్ సినిమా బ్లాక్ బస్టర్ హిట్ అయిన సందర్భంగా నిర్వహించిన సక్సెస్‏మీట్ లో పలు ఆసక్తికర విషయాలను పంచుకున్నారు.

డైరెక్టర్ లోకేష్ కనగరాజ్ తెరకెక్కించిన యాక్షన్ థ్రిల్లర్ సినిమా విక్రమ్. ఇందులో కమల్ హాసన్ లీడ్ రోల్ పోషించగా.. సూర్య, విజయ్ సేతుపతి, ఫహద్ ఫాజిల్ కీలకపాత్రలలో నటించారు. జూన్ 3న విడుదలైన ఈ సినిమాకు ప్రేక్షకుల నుంచి అద్భుతమైన రెస్పాన్స్ వస్తోంది. విడుదలైన రెండు వారాల్లోనే రూ. 300 కోట్లకు వసూళ్లు రాబట్టి సెన్సేషన్ సృష్టించింది. విక్రమ్ బ్లాక్ బస్టర్ హిట్ కావడంతో శనివారం సక్సెస్ మీట్ నిర్వహించింది చిత్రయూనిట్. ఈ కార్యక్రమంలో పాల్గోన్న కమల్.. విక్రమ్ చిత్రాన్ని ఆదరించినందుకు ప్రేక్షకులకు కృతజ్ఞతలు తెలిపారు.

ఈ సందర్భంగా కమల్ హాసన్ మాట్లాడుతూ.. విక్రమ్ సినిమాని ‘శ్రేష్ఠ్ మూవీస్’ కి ఇచ్చినందుకు చాలా ఆనందంగా వుంది. నితిన్ గారు, సుధాకర్ రెడ్డి గారి వల్లే విక్రమ్ ప్రేక్షకులకు భారీగా చేరువైయింది. వీరి వలనే చాలా థియేటర్స్ లో విడుదల, భారీగా పబ్లిసిటీ చేయడం జరిగింది. ఈ సినిమాని సుధాకర్ రెడ్డికి ఇస్తూ మా బిడ్డని మీ చేతుల్లో పెడుతున్నా జాగ్రత్త అని చెప్పా. సుధాకర్ రెడ్డి గారు ఆ బిడ్డని రికార్డ్ బ్రేకింగ్ చైల్డ్ గా చేశారు. లోకేష్ కనగరాజ్ విక్రమ్ ని అద్భుతంగా తీశారు. ఆయన ఖైదీ చూసి ఒక అవకాశం ఇచ్చాము. ఆ అవకాశాన్ని ఆయన అద్భుతంగా చూపించారు. సినిమా గొప్పగా వుంటుందని తెలుసు, ఇంత గొప్పగా వుండటం సర్ప్రైజ్ గా వుంది. రానా గారి ఎత్తులోనే కాదు విజయాల్లోనూ ఎంతో ఎత్తుకి ఎదిగారు. రానా గారు నాకు టెక్నిషియన్ గా కూడా తెలుసు. రానా గారికి నేను ఎంత ఇష్టమంటే నా సినిమా ఫెయిలైనా కూడా బావుందని మెచ్చుకునేవారు.

ఇవి కూడా చదవండి

Sai Pallavi: అప్పుడే నాకు పెళ్లైపోతుంది అనుకున్నాను.. సాయి పల్లవి కామెంట్స్ వైరల్..

Kajal Aggarwal: ‘చిన్న విషయాలే అత్యంత మధురం’.. కొడుకు ఫోటో షేర్ చేస్తూ మురిసిపోయిన కాజల్..

Chanakya Niti : ఆ మూడు పనుల తర్వాత తప్పనిసరిగా తల స్నానం చేయండి.. లేకపోతే ప్రమాదంలో పడినట్లే..

Nayanthara Vignesh: క్షమాపణ చెప్పారు.. నయనతార వివాదం ముగిసిందంటున్న టీటీడీ అధికారులు

ఈ సినిమా వెనుక నిర్మాత మహేంద్రన్ గారి కృషి చాలా వుంది. అయితే ఆయన మీడియా ముందుకు ఎక్కువగా రారు. ఆయనకి కృతజ్ఞతలు. విక్రమ్ కి వండర్ ఫుల్ టెక్నిషియన్స్ పని చేశారు. అనిరుద్, గిరీష్ గంగాధరన్.. ఇలా అందరూ అద్భుతమైన వర్క్ ఇచ్చారు. సినిమాలో పాత్రలన్నీటికీ మంచి పేరు రావడం ఆనందంగా వుంది. ప్రేక్షకులు విక్రమ్ ని గొప్పగా ఆదరించారు. మళ్ళీ గొప్పగా స్వాగతం పలికారు. ‘మరో చరిత్ర’ తర్వాత నాకు స్టార్ స్టేటస్ వచ్చింది. ఈ విషయంలో నేను ఎప్పుడూ తెలుగు ప్రేక్షకులకు కృతజ్ఞతగా వుంటాను. మరో చరిత్ర సబ్ టైటిల్స్ లేకుండా చెన్నైలో రెండున్నరేళ్ళు ఆడింది. సినిమాకి భాష లేదు. సినిమాది ప్రపంచ భాష. విక్రమ్ విజయం మరోసారి గొప్ప ఉత్సాహాన్ని ఇచ్చింది. అందరూ సినిమాని ఎంజాయ్ చేస్తున్నారు. రీపిట్ గా చూస్తున్నామని చెబుతున్నారు. ఇలాంటి అభినందనలే మరో సినిమా ఇంకా గొప్పగా చేయడానికి ప్రేరణ కలిగిస్తాయి. విక్రమ్ ను బిగ్గెస్ట్ సక్సెస్ చేసిన ప్రేక్షకులకు బిగ్ థాంక్స్. విక్రమ్ ఎన్ని రికార్డులు సాధించినా దానికి కారణం ప్రేక్షకులే. మీరు లేకుండా ఈ విజయం సాధ్యం కాదు. నా సినిమానే కాదు మంచి సినిమాలని మీరు తప్పకుండా సపోర్ట్ చేయాలి” అని కోరారు.

మరిన్ని ఎంటర్‏టైన్మెంట్ వార్తల కోసం ఇక్కడ క్లిక్ చేయండి.