‘శశి’ టీజర్ను లాంచ్ చేసిన చిరంజీవి.. సినిమా అద్భుత విజయాన్ని అందుకోవలంటూ విషెస్ చెప్పిన మెగాస్టార్..!
ఆది సాయికుమార్ హీరోగా నూతన దర్శకుడు శ్రీనివాస్ నాయుడు నడికట్ల దర్శకత్వంలో రూపొందుతోన్న చిత్రం 'శశి'. సురభి నాయికగా నటిస్తోన్న..
Sasi Teaser Released: ఆది సాయికుమార్ హీరోగా నూతన దర్శకుడు శ్రీనివాస్ నాయుడు నడికట్ల దర్శకత్వంలో రూపొందుతోన్న చిత్రం ‘శశి’. సురభి నాయికగా నటిస్తోన్న ఈ చిత్రాన్ని శ్రీ హనుమాన్ మూవీ మేకర్స్ పతాకంపై ఆర్.పి. వర్మ, సి. రామాంజనేయులు, చింతలపూడి శ్రీనివాసరావు నిర్మిస్తున్నారు. లవ్ యాక్షన్ థ్రిల్లర్గా తెరకెక్కుతున్న ఈ సినిమా షూటింగ్ మొత్తం పూర్తయింది.బుధవారం ఆది సాయికుమార్ బర్త్డే.. ఈ సందర్భంగా సినిమా టీజర్ మెగాస్టార్ చిరంజీవి చేతులు మీదుగా విడుదలయ్యింది.
మెగాస్టార్ చిరంజీవి మాట్లాడుతూ, “నా మిత్రుడు సాయికుమార్ తనయుడు ఆది హీరోగా నటించిన చిత్రం ‘శశి’. టీజర్ చూస్తుంటే చాలా రగ్డ్ లవ్ స్టోరీలా అనిపిస్తోంది. ఇప్పటివరకూ ఆది ఓ స్వీట్ లవర్ బాయ్ లాగా, ఓ చాక్లెట్ బాయ్ లాగా కనిపించాడు. ‘శశి’ టీజర్లో అతడిని చూస్తుంటే.. మ్యాచోగా, దృఢమైన బాడీతో చాలా బాగా కనిపిస్తున్నాడు. మంచి ట్రాన్స్ఫర్మేషన్. ఈ సినిమాతో ఆది కచ్చితంగా ప్రేక్షకుల మన్ననలను పొందుతాడనే ప్రగాఢ నమ్మకం నాకుంది. ఇలాంటి ఫ్రెష్ సబ్జెక్ట్స్ రావాలంటే ఫ్రెష్ థాట్స్ ఉండాలి. అలాంటి థాట్స్ డైరెక్టర్స్ దగ్గరే ఉంటాయి. అలాంటి డైరెక్టర్ శ్రీనివాస్ నాయుడు. మంచి కథతో ఈ సినిమాని చక్కగా డైరెక్ట్ చేశారు. శ్రీ హనుమాన్ మూవీ మేకర్స్ వాళ్లు ఈ సినిమాని ప్రొడ్యూస్ చేశారు. నిర్మాతలు, దర్శకుడు, టెక్నీషియన్స్, నటీనటులదరికీ నా ప్రత్యేక అభినందనలు. ఆదికి ఈ సినిమా మంచి బ్రేక్ అవ్వాలనీ, మంచి విజయం సాధించాలనీ ఆకాంక్షిస్తున్నా. మొత్తం సినిమా టీమ్కు ఆల్ ది బెస్ట్” అని అన్నారు. కాగా, ఈ సినిమాలో రాజీవ్ కనకాల, జయప్రకాష్, అజయ్, వెన్నెల కిశోర్ కీలక పాత్రలు పోషిస్తుండగా.. అరుణ్ చిలువేరు మ్యూజిక్ అందిస్తున్నాడు.