NTR: ఎన్టీఆర్ – కొరటాల సినిమా వాయిదా పడిందా.? నెట్టింట వైరల్ అవుతోన్న ఈ వార్తలో నిజమెంతా.?
NTR: ఎన్టీఆర్, కొరటాల శివ కాంబినేషన్లో ఓ సినిమా తెరకెక్కనున్న విషయం తెలిసిందే. ట్రిపులార్ సక్సెస్ తర్వాత ఎన్టీఆర్ నటిస్తోన్న సినిమా కావడంతో దీనిపై భారీ అంచనాలు ఉన్నాయి. ఇక ఆచార్య పరాజయం తర్వాత ఎలాగైనా భారీ విజయాన్ని అందుకోవాలనే...
NTR: ఎన్టీఆర్, కొరటాల శివ కాంబినేషన్లో ఓ సినిమా తెరకెక్కనున్న విషయం తెలిసిందే. ట్రిపులార్ సక్సెస్ తర్వాత ఎన్టీఆర్ నటిస్తోన్న సినిమా కావడంతో దీనిపై భారీ అంచనాలు ఉన్నాయి. ఇక ఆచార్య పరాజయం తర్వాత ఎలాగైనా భారీ విజయాన్ని అందుకోవాలనే కసితో ఉన్న కొరటాల ఈ చిత్రాన్ని పకడ్బందీగా తెరకెక్కించడానికి సిద్ధమవుతున్నాడు. ఈ నేపథ్యంలోనే ఈ సినిమాపై ఇప్పటి నుంచే భారీ అంచనాలు ఏర్పడ్డాయి. ఎన్టీఆర్ 30వ చిత్రంగా రాబోయే ఈ సినిమా షూటింగ్ కూడా ఇంకా ప్రారంభం కాలేదు.
ఇదిలా ఉంటే తాజాగా ఈ సినిమా వాయిదా పడనుందనే ఓ వార్త నెట్టింట తెగ వైరల్ అవుతోంది. ఎన్టీఆర్ భుజం నొప్పితో బాధపడుతున్న కారణంగా కనీసం నాలుగు వారాలైనా విశ్రాంతి తీసుకోవాలని వైద్యులు సూచించినట్లు కథనాలు వచ్చాయి. దీంతో ఎన్టీఆర్ – కొరటాల సినిమా మరికొన్ని రోజులు వాయిదా పడనుందని వార్తలు వచ్చాయి. అయితే ఈ వార్తల్లో ఎలాంటి నిజం లేదని తెలుస్తోంది.
సోషల్ మీడియాలో జరుగుతోన్న ప్రచారం అంతా పుకార్లేనని ఎన్టీఆర్ ఆరోగ్యంగా ఉన్నాడని సమాచారం. ప్రస్తుతం ఫ్యామిలీతో టూర్లో ఉన్న ఎన్టీఆర్ టూర్ పూర్తికాగానే కొరటాల సినిమా షూటింగ్ మొదలు పెట్టనున్నాడని తెలుస్తోంది. ఈ వ్యవహారంపై ఓ క్లారిటీ రావాలంటే చిత్ర యూనిట్ అధికారికంగా స్పందించాల్సిందే.
మరిన్ని సినిమా వార్తల కోసం క్లిక్ చేయండి..