వెబ్ సిరీస్‌లోకి రామ్ చరణ్..!
ఆన్‌లైన్‌ ఫ్లాట్‌ఫామ్‌లలో వచ్చే వెబ్ సిరీస్‌కు ఇప్పుడు క్రేజ్‌ పెరుగుతోంది. దీంతో పేరు మోసిన దర్శకనిర్మాతలు సైతం వాటివైపు కన్నేశారు.
ఆన్‌లైన్‌ ఫ్లాట్‌ఫామ్‌లలో వచ్చే వెబ్ సిరీస్‌కు ఇప్పుడు క్రేజ్‌ పెరుగుతోంది. దీంతో పేరు మోసిన దర్శకనిర్మాతలు సైతం వాటివైపు కన్నేశారు. అంతేకాదు స్టార్‌ హీరో హీరోయిన్లు కూడా వీటిలో నటించేందుకు ఆసక్తిని చూపుతున్నారు. సినిమాతో పోలిస్తే వెబ్ సిరీస్‌కి తక్కువ డబ్బులు ఖర్చు అవుతుండటంతో పాటు షార్ట్ అండ్ స్వీట్‌గా ఇవి ఉండటంతో వీటికి డిమాండ్ పెరుగుతోంది. ఈ నేపథ్యంలో మెగా పవర్‌స్టార్ రామ్ చరణ్ కూడా వెబ్ సిరీస్‌లోకి అడుగుపెట్టబోతున్నట్లు తెలుస్తోంది. అయితే చెర్రీ అందులో నటించరని, కేవలం నిర్మిస్తారని సమాచారం.
అంతేకాదు వెబ్ సిరీస్‌కి సంబంధించి రామ్ చరణ్ పనులను కూడా ప్రారంభించాడని తెలుస్తోంది. ఇప్పటికే ఓ దర్శకుడిని ఫైనల్‌ చేసుకున్న చెర్రీ.. నటీనటులను కూడా ఎంపిక చేస్తున్నట్లు తెలుస్తోంది. దీనికి సంబంధించి త్వరలోనే అధికారిక ప్రకటన రానున్నట్లు తెలుస్తోంది. కాగా ప్రస్తుతం రాజమౌళి దర్శకత్వంలో రామ్ చరణ్ ఆర్‌ఆర్ఆర్‌లో నటిస్తున్నారు. దీంతో పాటు చిరంజీవి నటిస్తోన్న ఆచార్యలో చెర్రీ ఓ కీలక పాత్రలో నటించనున్నారు.
