RRR Movie: అభిమానులకు కిక్ ఇచ్చే వార్త.. థియేటర్లో ఎక్కువసేపు సందడి చేయనున్న తారక్- చరణ్
దర్శక ధీరుడు రాజమౌళి తెరకెక్కిస్తున్న భారీ సినిమా ఆర్ఆర్ఆర్. ఈ సినిమా కోసం దేశవ్యాప్తంగా ఉన్న సినిమా లవర్స్ వెయిట్ చేస్తున్నారు.
RRR Movie: దర్శక ధీరుడు రాజమౌళి తెరకెక్కిస్తున్న భారీ సినిమా ఆర్ఆర్ఆర్. ఈ సినిమా కోసం దేశవ్యాప్తంగా ఉన్న సినిమా లవర్స్ వెయిట్ చేస్తున్నారు. ఈ సినిమాలో మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటిస్తున్న విషయం తెలిసిందే.. కొమురం భీమ్గా ఎన్టీఆర్.. అల్లూరిగా రామ్ చరణ్ నటిస్తున్నారు. ఇక ఈ సినిమా ప్రపంచవ్యాప్తంగా జనవరి 7న విడుదల కానుంది. ఇదిలా ఉంటే ఇప్పటికే విడుదలైన ఈ సినిమా టీజర్లు, పాటలు సోషల్ మీడియాను షేక్ చేస్తున్నాయి. రీసెంట్గా విడుదల చేసిన జనని పాట జనాల్లోకి విపరీతంగా వెళ్లిపోయింది. ఈ పాటతో సినిమా ఎలా ఉండబోతుందన్నది చెప్పేశారు రాజమౌళి. తాజాగా ఈ సినిమాకు సంబంధించిన ఓ వార్త ఇప్పుడు ఫిలిం సర్కుల్స్ లో చక్కర్లు కొడుతుంది.
ఆర్ఆర్ఆర్ సినిమా నిడివి మూడు గంటలకు పైగా ఉండనుందట.. ఈ సినిమా మొత్తం నిడివి మూడుగంటల పది నిమిషాలు ఉండనుందని తెలుస్తుంది. ఇప్పటికే రన్ టైంను ఎంత తగ్గించినా 3 గంటలకు మించి తగ్గించలేక పోతున్నారట. దాంతో చివరకు 3 గంటల 10 నిమిషాలు వచ్చిందట సినిమా.. మరి ప్రేక్షకులు అంత ఓపికగా సినిమా చూస్తారా అనే అనుమానాలు వ్యక్తం అవుతున్నాయి. ఇదిలా ఉంటే బాలయ్య నటించిన అఖండ సినిమా రన్ కూడా దాదాపు మూడు గంటలు ఉంది. అలాగే మమ్ముట్టి నటించిన ‘మరక్కార్’ కూడా మూడు గంటల వరకు ఉంది. దాంతో ఆర్ఆర్ఆర్ సినిమాను కూడా ప్రేక్షకులు ఓపికగా చూస్తారని చిత్ర యూనిట్ ధీమా వ్యక్తం చేస్తున్నారు.
మరిన్ని ఇక్కడ చదవండి :