Orey Bujji Ga Movie: డిసెంబర్ 31న థియేట‌ర్‌ల‌లో విడుదల కానున్న ‘ఒరేయ్ బుజ్జిగా..’
యంగ్‌ హీరో రాజ్‌ తరుణ్, మాళవిక నాయర్, హెబ్బా పటేల్ హీరోహీరోయిన్లుగా దర్శకుడు కొండా విజయ్‌కుమార్‌ తెరకెక్కించిన చిత్రం..
Orey Bujji Ga Movie: యంగ్‌ హీరో రాజ్‌ తరుణ్, మాళవిక నాయర్, హెబ్బా పటేల్ హీరోహీరోయిన్లుగా దర్శకుడు కొండా విజయ్‌కుమార్‌ తెరకెక్కించిన చిత్రం ‘ఒరేయ్ బుజ్జిగా’. ఈ సినిమాను శ్రీసత్యసాయి ఆర్ట్స్‌ పతాకంపై కె.కె.రాధామోహన్ నిర్మించారు. నూతన సంవత్సరం కానుకగా ఈ నెల 31న థియేట‌ర్‌ల‌లో విడుదల చేసేందుకు చిత్ర యూనిట్ సిద్దమైంది.
ఈ సందర్భంగా మాట్లాడిన చిత్ర నిర్మాత కె.కె.రాధామోహన్- “న్యూ ఇయర్ కి స్వాగ‌తం ప‌లుకుతూ నూతన సంవ‌త్సర కానుకగా మా బ్యానర్ లో రాజ్‌ తరుణ్, మాళవిక నాయర్, హెబ్బా పటేల్ హీరోహీరోయిన్లుగా కొండా విజయ్‌కుమార్‌ దర్శకత్వంలో తెర‌కెక్కిన హిలేరియ‌స్ ఎంట‌ర్‌టైన‌ర్ `ఒరేయ్ బుజ్జిగా..`ను డిసెంబర్ 31న గ్రాండ్‌గా విడుదల చేస్తున్నాం. అంతే కాకుండా డిసెంబర్ లో రిలీజ్ అయిన మా బెంగాల్ టైగర్ బ్లాక్ బస్టర్ అయింది. బెంగాల్ టైగర్, పంతం.. ఇవన్నీ గురువారం విడుదల అయ్యి హిట్ అవడంతో, ఈ గురువారం డిసెంబర్ 31న రావడంతో 31న రిలీజ్ కన్ఫర్మ్ చేశాం. కొత్త సంవత్సరంలో అందరూ ధియేటర్స్ లో ఒరేయ్ బుజ్జిగా చూసి ఎంజాయ్ చేస్తారని ఆశిస్తున్నాం. న్యూ ఇయర్ లో ఫ్యామిలీ మెంబెర్స్ అందరూ కలిసి చూడదగ్గ 100% ఫ్యామిలీ ఎంటర్ టైనర్ ఒరేయ్ బుజ్జిగా ప్రేక్షకుల్ని బాగా ఎంటర్ టైన్ చేస్తుంది.“ అన్నారు. కాగా, ఈ సినిమాలో వాణీ విశ్వనాథ్‌, నరేష్‌, పోసాని కృష్ణమురళి, అనీష్‌ కురువిళ్ళ, సప్తగిరి, రాజా రవీంద్ర, అజయ్‌ ఘోష్‌ కీలక పాత్రలు పోషిస్తుండగా.. అనూప్‌ రూబెన్స్‌ సంగీతం సమకూర్చాడు.
