The Kashmir Files: సంచలన చిత్రం ‘కశ్మీర్ ఫైల్స్’ ఓటీటీ డేట్ ఫిక్స్.. తెలుగులో కూడా స్ట్రీమింగ్
'ది కశ్మీర్ ఫైల్స్' సినిమా గురించి దేశవ్యాప్తంగా చర్చ జరిగిన విషయం తెలిసిందే. చిన్న సినిమాగా వచ్చి ఊహించని విజయాన్ని దక్కించుకుంది ఈ చిత్రం. తాజాగా ఈ మూవీ ఓటీటీ విడదల తేదీని అధికారంగా ప్రకటించారు.
The Kashmir Files OTT Release Date: ఎటువంటి అంచనాలు లేకుండా విడుదలై, సంచలన విజయాన్ని సాధించిన చిత్రం ‘ది కశ్మీర్ ఫైల్స్’. ఈ మూవీ ఓటీటీలోకి ఎప్పుడొస్తుందా? అని ఆసక్తిగా ఎదురుచూసిన ఫ్యాన్స్‌కు గుడ్ న్యూస్ వచ్చేసింది. తాజాగా ‘ది కశ్మీర్ ఫైల్స్’ ఓటీటీ రిలీజ్ డేట్‌ను కన్ఫామ్ చేసింది మూవీ యూనిట్. మే 13 నుంచి ఈ సినిమా ‘జీ 5′(ZEE5)లో స్ట్రీమింగ్ అవుతుందని తెలిపింది. హిందీ, తమిళం, తెలుగు, కన్నడ భాషల్లో స్ట్రీమ్ అవుతుందని వివరించింది. అనుపమ్‌ ఖేర్‌, మిథున్‌ చక్రవర్తి, దర్శన్‌ కుమార్‌, పల్లవి జోషి తదితరులు కీలక పాత్రలు పోషించిన ఈ సినిమాను వివేక్‌ అగ్నిహోత్రి డైరెక్ట్ చేశారు. ప్రధాని నరేంద్ర మోదీ(PM Narendra Modi) సహా పలువురు నేతలు ఈ సినిమాని ప్రశంసించిన విషయం తెలిసిందే. పలు రాష్ట్రాల్లో ఈ మూవీకి ట్యాక్స్ మినహాయింపు కూడా ఇచ్చారు. యూపీ, కర్ణాటక, గుజరాత్, హర్యానా లాంటి రాష్ట్రాల్లో ఈ చిత్రానికి ఎంటర్టైన్ మెంట్ ట్యాక్స్ మినహాయించారు. అస్సాం(Assam) ప్రభుత్వం అయితే ఈ సినిమా కోసం ఏకంగా తమ ఉద్యోగులకు సెలవు ప్రకటించింది. 30 ఏళ్ల క్రితం కశ్మీరీ పండితులు పడిన బాధలను కళ్లకు కట్టినట్టు చూపించిన ఈ చిత్రం దేశవ్యాప్తంగా సంచలనమైంది.
సినిమా నేపథ్యం….
1990లలో జమ్మూ-కశ్మీర్‌లో తీవ్రమైన తిరుగుబాటు చెలరేగింది. అల్లరిమూకలు తుపాకులతో స్వైర విహారం చేశాయి. కశ్మీరీ హిందువులపై దాడికి తెగబడుతూ నరమేధం సృష్టించాయి. ఆ దారుణాల్ని తట్టుకోలేక సొంత ఇంటినీ, ఆస్తుల్నీ, బంధుత్వాల్నీ.. వదిలి కట్టుబట్టలతో వలస వెళ్లిపోయాయి ఎన్నో కుటుంబాలు. ఆ కన్నీటి వెతల రూపమే ‘ది కశ్మీర్ ఫైల్స్. విమర్శకుల ప్రశంసలతోపాటు వసూళ్లను రికార్డు స్థాయిలో రాబట్టిందీ మూవి.
Also Read: Viral: దంపతులు ప్రయాణిస్తున్న కారులో రహస్య అరలు.. లోపల ఏముందో చూసి పోలీసులు షాక్
