కీర్తి పెళ్లి పుకార్లు లీక్.. ఆ కమెడియన్ పనేనా..!
జాతీయ అవార్డు గ్రహీత కీర్తి సురేష్ పెళ్లికి సిద్దమవుతోందని.. ఓ జాతీయ పార్టీకి చెందిన సీనియర్ నాయకుడి కుమారుడితో మహానటి వివాహం ఖరారైందని పుకార్లు వచ్చిన విషయం తెలిసిందే.
జాతీయ అవార్డు గ్రహీత కీర్తి సురేష్ పెళ్లికి సిద్దమవుతోందని.. ఓ జాతీయ పార్టీకి చెందిన సీనియర్ నాయకుడి కుమారుడితో మహానటి వివాహం ఖరారైందని పుకార్లు వచ్చిన విషయం తెలిసిందే. ఇక వీటిపై కీర్తి కూడా క్లారిటీ ఇచ్చేసింది. ప్రస్తుతం తాను సినిమాలతో బిజీగా ఉన్నానని.. పెళ్లికి టైం లేదని ఆమె పేర్కొన్నారు. అంతేకాదు ఇలాంటి పుకార్లు ఎలా వచ్చాయో కూడా అర్థం కాలేదని ఈ బ్యూటీ వాపోయారు. ఇదిలా ఉంటే కోలీవుడ్ వర్గాల ప్రకారం ఈ పుకార్ల వెనుక ఓ కమెడియన్ ఉన్నారట.
పలు చిత్రాల్లో నటించి.. ప్రస్తుతం బిజీ కమెడియన్‌గా పేరొందిన సతీష్‌ ముత్తుకృష్ణన్, కీర్తి సురేష్ పెళ్లి పుకార్లను క్రియేట్ చేసినట్లు టాక్‌. ఈ క్రమంలో అతడికి ఫోన్ చేసిన కీర్తి, తిట్టినట్లు తెలుస్తోంది. అయితే సతీష్‌ ఈ పుకార్లను ఎందుకు లీక్ చేశాడన్న విషయంపై మాత్రం స్పష్టత రాలేదని కోలీవుడ్ సమాచారం. మరి ఇందులో నిజమెంత..? కీర్తి పెళ్లి వార్తల వెనకున్నది సతీష్‌నా..? ఈ రూమర్లు ఎందుకు వచ్చాయి..? ఈ ప్రశ్నలన్నింటికీ సమాధానం త్వరలో తెలుస్తాయేమో చూడాలి. కాగా కీర్తికి, సతీష్‌కు మంచి అనుబంధం ఉంది. వీరిద్దరు మంచి స్నేహితులు కాగా గతంలో వీరిద్దరు పెళ్లి చేసుకున్నట్లు పుకార్లు వచ్చాయి. ఓ మూవీ పూజా కార్యక్రమాల్లో వీరిద్దరు పాల్గొనగా.. ఆ ఫొటోలతో వీరిద్దరు పెళ్లి జరిగినట్లు కొన్ని వార్తలు షికార్లు చేశాయి. అయితే ఆ వార్తలను చూసి తాము నవ్వుకున్నామని.. తన తల్లి మేనక కూడా వాటిని చూసి నవ్వి ఊరుకుందని కీర్తి తెలిపిన విషయం తెలిసిందే.
Read This Story Also: ముగిసిన ఎన్‌కౌంటర్‌.. పాక్ తీరుపై మండిపడుతున్న సైన్యం..
