అంబరీష్ కొడుకు సినిమా గురూ! టికెట్ లక్ష

తమ అభిమానుల నటులు సినిమాను ఫస్ట్ డే ఫస్ట్ షో చూడటానికి అభిమానులు తెగ ఆరాటపడుతుంటారు. ముఖ్యంగా ఉత్తరాదిన కంటే దక్షిణాదిన హీరోలను ఫ్యాన్స్  ఓ దేవుడిలా కొలిచే సంప్రదాయం ఎక్కువగా ఉంది. తాజాగా ఇలాంటి సంఘటన కర్ణాటకలో చోటుచేసుకుంది. దివంగత నటుడు అంబరీశ్ కుమారుడు అభిషేక్ యాక్ట్ చేసిన ఫస్ట్ మూవీ ‘అమర్’ ఈ రోజే విడుదలైంది. ఇప్పటికే ఈ సినిమాపై కర్ణాటక సినీ ప్రియుల్లో ఎంతో క్రేజ్ నెలకొంది. ఈ నేపథ్యంతో దావణగిరె ప్రాంతానికి చెదిన మంజునాథ్ అనే వ్యక్తి తన కుమారుడికి అదిరిపోయే బహుమతి ఇవ్వాలనుకున్నాడు. ఇందుకోసం అంబరీశ్ కొడుకు అభిషేక్ యాక్ట్ చేసిన ఫస్ట్ మూవీ ‘అమర్ ’ సినిమాకు సంబంధించిన ఫస్ట్ డే ఫస్ట్ షో కోసం రూ. లక్ష రూపాయలతో టికెట్ కొనుగోలు చేసాడు.

ఇక సదురు అంబరీశ్ అభిమాని సందేశ్ ప్రొడక్షన్స్ పేరిట ఒక ప్రొడక్షన్ హౌస్ ఉంది. ఈ సంస్థ పేరు మీద మంజునాథ్ ఈ టికెట్లు కొనుగోలు చేసినట్టు సమాచారం. అంబరీశ్ కొడుకు అభిషేక్ నటించిన ‘అమర్’ చిత్ర విషయానికొస్తే..ఈసినిమాను నాగ శేఖర్ దర్శకత్వం వహించారు. బైక్ రేసింగ్ నేపథ్యంలో తెరకెక్కిన ఈ సినిమాలో దివంగత అంబరీశ్ అతిథి పాత్రలో నటించారు. తన కుమారుడి తొలి సినిమా చూడకుండానే అంబరీశ్ కన్నుమూసారు.