ప్రభాస్‌-నాగ్ అశ్విన్ మూవీ.. ఆ ముగ్గురి పాత్రలు సమానంగా ఉండనున్నాయట.. అంతేకాదు..!
'మహానటి'తో జాతీయ గుర్తింపును సాధించిన నాగ్ అశ్విన్, రెబల్‌ స్టార్ ప్రభాస్‌తో తదుపరి చిత్రాన్ని ప్రకటించిన విషయం తెలిసిందే.
Prabhas Nag Ashwin film: ‘మహానటి’తో జాతీయ గుర్తింపును సాధించిన నాగ్ అశ్విన్, రెబల్‌ స్టార్ ప్రభాస్‌తో తదుపరి చిత్రాన్ని ప్రకటించిన విషయం తెలిసిందే. సైన్స్ ఫిక్షన్ కథాంశంతో తెరకెక్కబోతున్న ఈ మూవీని ప్రముఖ నిర్మాణ సంస్థ వైజయంతీ మూవీస్ భారీ బడ్జెట్‌తో నిర్మించబోతోంది. ఇక ఇందులో హీరోయిన్‌గా దీపికా పదుకొనే నటించనుండగా.. బాలీవుడ్ మెగాస్టార్ అమితాబ్ బచ్చన్ కీలక పాత్రలో కనిపించనున్నారు. (రజనీకాంత్ పాటతో జిమ్‌లో వర్కౌట్లు చేస్తోన్న ధనుష్‌, సారా అలీ ఖాన్.. వీడియో వైరల్‌)
కాగా ఇందులో బిగ్‌బీ కేవలం అతిథి పాత్ర అని ఆ మధ్యన టాక్ నడిచింది. కానీ తాజా సమాచారం ప్రకారం.. ఈ ప్రాజెక్ట్‌లో ప్రభాస్‌, దీపికా, బిగ్‌బీ ముగ్గురికి సమాన పాత్రలు ఉండనున్నాయట. వీరి ముగ్గురి మధ్య వచ్చే యాక్షన్ సన్నివేశాలు సినిమాకు హైలెట్‌గా నిలవబోతున్నట్లు తెలుస్తోంది. అలాగే ఈ ముగ్గురి మధ్య భావోద్వేగ సన్నివేశాలు చాలానే ఉండబోతున్నట్లు టాక్. ఈ ముగ్గురిని దృష్టిలో ఉంచుకొనే నాగ్ అశ్విన్.. అద్భుత కథను రాసుకున్నట్లు సమాచారం. కాగా లెజండరీ దర్శకుడు సింగీతం శ్రీనివాస రావు మెంటర్‌గా వ్యవహరించబోతున్న ఈ మూవీ షూటింగ్ వచ్చే ఏడాది నుంచి ప్రారంభం కానుంది. పాన్ ఇండియా ప్రాజెక్ట్‌గా ఈ మూవీ తెరకెక్కనుంది. (చిత్తూరు జిల్లాలో నీవా నదిలో చిక్కుకుపోయిన రైతు.. సాహోసేపేతంగా కాపాడిన ఫైర్ సిబ్బంది)
