Aishwaryaa Dhanush: ర‌జినీ కంటే ఐశ్వ‌ర్య 100 రెట్లు సింపుల్‌గా ఉంటుంది.. ఐశ్వ‌ర్య‌పై ధ‌నుష్ చేసిన వ్యాఖ్య‌లివీ..

Aishwaryaa Dhanush: ర‌జినీ కంటే ఐశ్వ‌ర్య 100 రెట్లు సింపుల్‌గా ఉంటుంది.. ఐశ్వ‌ర్య‌పై ధ‌నుష్ చేసిన వ్యాఖ్య‌లివీ..

Aishwaryaa Dhanush: సినిమా వాళ్ల ఇళ్ల‌లో పెళ్లిలు ఎంత‌లా పాపులర్ అవుతాయో విడాకులు కూడా అదే స్థాయిలో చ‌ర్చ‌కు దారి తీస్తాయి. మేమిద్దరం ఇష్ట‌పూర్వ‌కంగానే విడిపోతున్నాం, మా ప్రైవ‌సీని గౌర‌వించండని సోష‌ల్ మీడియాలో పోస్టులు చేసినా ఆ విడాకుల తాలుకూ...

Narender Vaitla

|

Jan 18, 2022 | 4:57 PM

Aishwaryaa Dhanush: సినిమా వాళ్ల ఇళ్ల‌లో పెళ్లిలు ఎంత‌లా పాపులర్ అవుతాయో విడాకులు కూడా అదే స్థాయిలో చ‌ర్చ‌కు దారి తీస్తాయి. మేమిద్దరం ఇష్ట‌పూర్వ‌కంగానే విడిపోతున్నాం, మా ప్రైవ‌సీని గౌర‌వించండని సోష‌ల్ మీడియాలో పోస్టులు చేసినా ఆ విడాకుల తాలుకూ ప్ర‌కంప‌న‌లు కొన‌సాగుతూనే ఉంటాయి. తాజాగా త‌మిళ నాట ర‌జినీకాంత్ కూతురు ఐశ్వ‌ర్య‌, హీరో ధ‌నుష్‌ల విడాకుల వ్య‌వ‌హారం ఇలాంటి ప్ర‌కంప‌న‌లు సృష్టిస్తూనే ఉన్నాయి. మొన్న‌టికి మొన్న నాగ‌చైత‌న్య‌, స‌మంత‌ల విడాకుల విష‌యాన్ని మ‌రిచిపోక‌ముందే ఇప్పుడు మ‌రో జంట విడిపోవ‌డం సినిమా ఇండ‌స్ట్రీని షాక్‌కి గురి చేస్తోంది. దీంతో అస‌లు ధ‌నుష్, ఐశ్య‌ర్య‌లు ఎందుకు విడిపోయార‌న్న దానిపై పెద్ద ఎత్తున చ‌ర్చ‌లు జ‌రుగుతున్నాయి. అయితే ఈ జంట మాత్రం త‌మ విడాకుల‌కు గ‌ల కార‌ణాన్ని తెల‌ప‌కుండానే ఇద్ద‌రూ ఒకే అర్థం వ‌చ్చేలా విడాకుల విష‌యాన్ని ట్విట్ట‌ర్ వేదిక‌గా పోస్ట్ చేశారు.

ఇదిలా ఉంటే గ‌తంలో ధ‌నుష్ త‌న భార్య ఐశ్వ‌ర్య‌ను ఉద్దేశించి ఓ మీడియా సంస్థ ఇంట‌ర్వ్యూలో చేసిన వ్యాఖ్య‌లను ప్ర‌స్తుతం నెటిజ‌న్లు మ‌ళ్లీ గుర్తు చేసుకుంటున్నారు. గతంలో ఓ జాతీయ మీడియాకు ఇచ్చిన ఇంట‌ర్వ్యూలో ధ‌నుష్ త‌న భార్య‌.. ఐశ్వ‌ర్య‌పై ప్ర‌శంస‌ల వ‌ర్షం కురిపించారు. ధ‌నుష్ మాట్లాడుతూ.. నాకు ఐశ్య‌ర్య సింప్లిసిటీ ఎంత‌గానో న‌చ్చుతుంది. త‌న తండ్రి రజినీ కాంత్ సింప్లిసిటీకి కేరాఫ్ అడ్ర‌స్‌గా నిలుస్తార‌నుకుంటే.. ఐశ్వ‌ర్య త‌న కంటే వంద రెట్లు సింపుల్‌గా ఉంటుంది.

ఐశ్వ‌ర్య ప్ర‌తీ ఒక్క‌రినీ స‌మానంగా చూస్తుంది. అంద‌రితో స్నేహంగా ఉంటుంది. ఆమె మా చిన్నారుల‌కు మంచి త‌ల్లి, వారి ఆల‌న‌పాల‌నా బాగా చూసుకుంటుంది అంటూ చెప్పుకొచ్చారు. ప్ర‌స్తుతం ఈ వ్యాఖ్య‌లు నెట్టింట వైర‌ల్ అవుతున్నాయి. భార్య గురించి ఇంత గొప్ప‌గా చెప్పిన ధ‌నుష్ భార్య నుంచి ఎందుకు విడాకులు తీసుకున్నారు.? వీరికి ఆ అవ‌స‌రం ఏముంది.? అని నెట్టింట పెద్ద ఎత్తున చ‌ర్చ జ‌రుగుతోంది.

Also Read: TELANGANA BJP: తెలంగాణలో బీజేపీ దూకుడుకు కారణం అదే.. ! ఆపరేషన్ ఆకర్ష్.. ఆందోళన కార్యక్రమాల వెనుక వ్యూహమిదే..!!

Coronavirus: తెలంగాణ తాత్కాలిక సచివాలయంలో కరోనా కలకలం.. వైరస్ బారినపడ్డ పలువురు అధికారులు

Follow us on

Most Read Stories

Click on your DTH Provider to Add TV9 Telugu