మా సినిమాను ఆపడం ప్రజాస్వామ్య వ్యతిరేకం

మా సినిమాను ఆపడం ప్రజాస్వామ్య వ్యతిరేకం

భారత ప్రధాని నరేంద్ర మోదీ జీవిత కథ ఆధారంగా తెరకెక్కించిన చిత్రం ‘పీఎం నరేంద్ర మోదీ’. బాలీవుడ్ నటుడు వివేక్ ఒబెరాయ్ నటించిన ఈ చిత్రానికి ఒమంగ్ కుమార్ దర్శకత్వం వహించాడు. ఇప్పటికే అన్ని పనులను పూర్తి చేసుకున్న ఈ చిత్రం ఏప్రిల్ 5న విడుదల కావాల్సి ఉంది. అయితే ఎన్నికల కోడ్‌ను ఉల్లంఘించారంటూ మూవీ నిర్మాతలకు ఎన్నికల సంఘం షోకాజ్ నోటీసులు జారీ చేసింది. ఈ నేపథ్యంలో నటుడు వివేక్ ఒబెరాయ్, నిర్మాత సందీప్ సింగ్‌, […]

TV9 Telugu Digital Desk

| Edited By: Pardhasaradhi Peri

Apr 05, 2019 | 6:37 PM

భారత ప్రధాని నరేంద్ర మోదీ జీవిత కథ ఆధారంగా తెరకెక్కించిన చిత్రం ‘పీఎం నరేంద్ర మోదీ’. బాలీవుడ్ నటుడు వివేక్ ఒబెరాయ్ నటించిన ఈ చిత్రానికి ఒమంగ్ కుమార్ దర్శకత్వం వహించాడు. ఇప్పటికే అన్ని పనులను పూర్తి చేసుకున్న ఈ చిత్రం ఏప్రిల్ 5న విడుదల కావాల్సి ఉంది. అయితే ఎన్నికల కోడ్‌ను ఉల్లంఘించారంటూ మూవీ నిర్మాతలకు ఎన్నికల సంఘం షోకాజ్ నోటీసులు జారీ చేసింది. ఈ నేపథ్యంలో నటుడు వివేక్ ఒబెరాయ్, నిర్మాత సందీప్ సింగ్‌, వారి తరఫున లాయర్ హితేశ్ జైన్ ఎన్నికల కమిషన్ ముందు హాజరై తమ వివరణను ఇచ్చారు.

అనంతరం నిర్మాత సందీప్ సింగ్ మాట్లాడుతూ.. ఈ సినిమాపై ఎన్నికల కమిషన్ లేవనెత్తిన అన్ని ప్రశ్నలకు తాము సమాధానాలు ఇచ్చామని అన్నారు. తమ మూవీ విడుదలను ఆపేయాలని లేదా వాయిదా వేయాలని చూడటం ప్రజాస్వామ్య వ్యతిరేకమని సందీప్ అన్నారు. బీజేపీతో తమకు ఎలాంటి సంబంధం లేదని, తమ సొంత డబ్బుతోనే ఈ సినిమాను నిర్మించామని ఆయన చెప్పారు. ఇక ఈ మూవీని నిర్మించడంపై ఎలాంటి రాజకీయ ప్రొపగండా కూడా లేదని, తాము ఎలాంటి చట్టాలను ఉల్లంఘించలేదని సందీప్ తెలిపారు.

అయితే ఎన్నికల కోడ్ అమలులోకి వచ్చిన తరువాత ఈ మూవీకి సంబంధించిన ప్రకటనలు రెండు ప్రముఖ వార్తా పత్రికల్లో వచ్చాయి. దీంతో ఢిల్లీ ఎన్నికల అధికారి కె మహేశ్ మార్చి 20న ’పీఎమ్ నరేంద్ర మోదీ బయోపిక్‌‘ను నిర్మించిన కంపెనీకి, మ్యూజిక్ కంపెనీకి షోకాజ్ నోటీసులు జారీ చేసిన విషయం తెలిసిందే.

Follow us on

Related Stories

Most Read Stories

Click on your DTH Provider to Add TV9 Telugu