బన్నీతో నాలుగోసారి ఆ భామ..?

త్రివిక్రమ్ దర్శకత్వంలో అల్లు అర్జున్ మూడో చిత్రంలో నటించనున్నాడు. ప్రస్తుతం ప్రీ ప్రొడక్షన్ పనులను జరుపుకుంటోన్న ఈ ప్రాజెక్ట్ త్వరలో సెట్స్ మీదకు వెళ్లనుంది. కాగా ఈ చిత్రంలో హీరోయిన్‌గా రష్మిక మందన్న, పూజా హెగ్డే, కీర్తి సురేశ్ ఇలా పలువురి పేర్లు వినిపించగా.. తాజాగా మరో భామ లైన్‌లోకి వచ్చింది. కోలీవుడ్‌లో ప్రస్తుతం బిజీగా ఉన్న కేథరిన్‌ను ఈ మూవీ కోసం సంప్రదించినట్లు తెలుస్తోంది.

కేథరిన్ ఇంతకుముందు బన్నీతో కలిసి మూడు చిత్రాల్లో నటించింది. ‘ఇద్దరమ్మాయిలతో’, ‘రుద్రమదేవి’, ‘సరైనోడు’లో బన్నీ జోడీ కట్టింది కేథరిన్. అయితే ఆ మూడు చిత్రాల్లో బన్నీకి రెండో హీరోయిన్‌గానే ఫిక్స్ అయిన కేథరిన్, ఈ సారి మాత్రం మెయిన్‌ హీరోయిన్‌గా నటించనున్నట్లు తెలుస్తోంది. కథానుగుణంగా ఈ పాత్రకు కేథరిన్ సెట్ అవుతోంది బన్నీతో పాటు త్రివిక్రమ్ అనుకుంటున్నట్లు సమాచారం. ఒకవేళ ఇదే నిజమైతే కేథరిన్‌కు మంచి అవకాశం దొరికినట్లే. కాగా అల్లు అరవింద్, రాధాకృష్ణ సంయుక్తంగా నిర్మిస్తున్న ఈ చిత్రానికి థమన్ సంగీతం అందిస్తున్న విషయం తెలిసిందే.