Adipurush: ‘రావణ్’ పాత్రకు మొదటి ఛాయిస్ సైఫ్ కాదట.. ఆ టాప్ హీరోనట
రెబల్స్టార్ ప్రభాస్ హీరోగా బాలీవుడ్ దర్శకుడు ఓమ్ రౌత్ తెరకెక్కించనున్న చిత్రం ఆదిపురుష్. రామాయణం నేపథ్యంలో 3డీలో
Prabhas Adipurush movie: రెబల్స్టార్ ప్రభాస్ హీరోగా బాలీవుడ్ దర్శకుడు ఓమ్ రౌత్ తెరకెక్కించనున్న చిత్రం ఆదిపురుష్. రామాయణం నేపథ్యంలో 3డీలో తెరకెక్కబోతున్న ఈ మూవీలో ప్రభాస్, రాముడిగా కనిపించనున్నారు. ఇక ఇందులో రావణుడి పాత్రకు గానూ బాలీవుడ్ నటుడు సైఫ్ అలీ ఖాన్ కన్ఫర్మ్ అయ్యారు. ఈ విషయాన్ని చిత్ర యూనిట్ ఇటీవల అధికారికంగా ప్రకటించింది. అయితే ఈ పాత్ర కోసం ముందు ఛాయిస్ సైఫ్ కాదట. బాలీవుడ్ మరో నటుడు అజయ్ దేవగన్ అట.
రావణుడి పాత్రకు గానూ ఓం రౌత్ ముందుగా అజయ్ని సంప్రదించారట. అయితే డేట్లు అడ్జెస్ట్ చేయలేక, తాను చేయలేనని సున్నితంగా అజయ్ తిరస్కరించారట. ఇక ఆ తరువాత దర్శకుడు సైఫ్ని సంప్రదించడం, అయన ఓకే చెప్పడం జరిగిపోయాయని తెలుస్తోంది. ఇక మరోవైపు ఈ మూవీలో సీత పాత్రలో మహానటి కీర్తి సురేష్ గానీ, కియారా అద్వాణీ గానీ నటించే అవకాశాలు ఉన్నట్లు సమాచారం. అయితే రాజమౌళి తెరకెక్కిస్తోన్న ఆర్ఆర్ఆర్ ద్వారా అజయ్ దేవగన్ టాలీవుడ్కి పరిచయం అవుతున్న విషయం తెలిసిందే.
Read More: