శివ పార్వతి మాటలపై స్పందించిన ప్రభాకర్
తనకు కరోనా సోకిందని, పట్టించుకునే వారు కరువయ్యారని ఇటీవల నటి శివపార్వతి భావోద్వేగానికి లోనైన విషయం తెలిసిందే.
Actress Siva Parvati: తనకు కరోనా సోకిందని, పట్టించుకునే వారు కరువయ్యారని ఇటీవల నటి శివపార్వతి భావోద్వేగానికి లోనైన విషయం తెలిసిందే. అందులో నిర్మాత ప్రభాకర్ అస్సలు పట్టించుకోలేదంటూ ఆమె ఆవేదన వ్యక్తం చేశారు. దీనిపై తాజాగా ప్రభాకర్ స్పందించారు.
”శివపార్వతి అమ్మ ఓ వీడియోను విడుదల చేశారు. దాని మీద స్పందించమని నన్ను అభిమానించే వాళ్లు అడిగారు. అసలేం జరిగిందని అందరూ అడుగుతున్నారు. ఇంతమంది అడుగుతున్నా ఆ వీడియో గురించి ఎందుకు మాట్లాడలేదంటే.. అమ్మని చాలా రోజుల తరువాత నిన్ననే వీడియోలో చూశాను. ఆమె నుంచి నాకు ఎలాంటి ఫోన్లు రాలేదు. నేను ఫోన్ చేసినప్పుడు అమ్మ మాట్లాడలేదు, వాళ్ల అబ్బాయి మాడ్లాడేవారు. ఇవన్నీ అమ్మకు తెలీకపోవడం వలనే చిన్న మిస్‌ అండర్‌స్టాండింగ్ జరిగింది. అందుకే బాధపడి వీడియో రిలీజ్ చేశారు. అమ్మ కోలుకున్న తరువాతనే ఈ విషయం గురించి మాట్లాడాలి అని నేను అనుకున్నా. కానీ అమ్మ ఇందాక ఫోన్ చేసి.. నాకు క్షమాపణ చెప్పారు. చిన్న పొరపాటు జరిగిందని అన్నారు. అపార్థం చేసుకోవడం వలనే ఇలా జరిగిందని పేర్కొన్నారు. అంతేకాదు ఈ వీడియోను తాను యూట్యూబ్‌లో పెట్టలేదని, బయటకు ఎలా వెళ్లిందో తెలీదని అమ్మ అన్నారు. అసలు జరిగిన దానిపై ఇంకో వీడియో పెడతానన్నారు. కానీ ముందు మీ ఆరోగ్యం చూసుకోండని చెప్పా. అమ్మకు ఏ అవ‌స‌రం వ‌చ్చినా చూసుకోడానికి మేమున్నాం. అమ్మకే కాదు, ఇండ‌స్ట్రీలో ఎవ‌రికి ఏ ఆప‌ద వ‌చ్చినా అంద‌రం సాయం చేస్తాం. శివ పార్వతి అమ్మకు కరోనా వ‌చ్చిన‌ప్ప‌టి నుంచి సాయపడ్డ మా ఇండ‌స్ట్రీ గొప్ప వ్య‌క్తులు, శివ‌బాలాజీ, మూవీ ఆర్టిస్ట్ అసోసియేష‌న్, జీవితా రాజ‌శేఖ‌ర్‌ అందరికీ చాలా చాలా కృత‌జ్ఞ‌త‌లు. ఈ విషయం గురించి త‌ప్ప‌కుండా నేను వివ‌ర‌ణ ఇస్తాను. అమ్మ కూడా వివ‌ర‌ణ ఇస్తారు. ప్ర‌స్తుతానికి అమ్మ కోలుకోవాల‌ని మ‌న‌స్ఫూర్తిగా మ‌నమందరం కోరుకుందాం అని ప్రభాకర్ అన్నారు.
Read More:
