Actress Mary: కరోనాతో కూలిపోయిన ఆశలు.. సినిమా ఛాన్సులు లేక రోడ్లపై లాటరీ టికెట్లు అమ్ముకుంటున్న నటి
ప్రేమమ్‌ హీరో నివిన్ పౌలీ హీరోగా 2016లో వచ్చిన యాక్షన్‌ హీరో బిజు సినిమాతో మంచి గుర్తింపు పొందిందీ ట్యాలెంటెడ్‌ యాక్ట్రెస్‌. ఆతర్వాత పైపిన్ చువత్తిలే ప్రణయంతో మరో హిట్‌ ఖాతాలో వేసుకుంది. ఇలా నటిగా విలాసవంతమైన జీవితాన్ని చూసిన ఆమె ఇప్పుడు గత్యంతరం లేక రోడ్ల మీద లాటరీ టికెట్లు విక్రయిస్తోంది.
అందరి సినిమా తారల్లాగే ఆమెది కూడా లగ్జరీ లైఫ్ స్టైల్.. 35కు పైగా సినిమాల్లోనూ, వాణిజ్య ప్రకటనల్లోనూ నటించింది. ఆ డబ్బుతోనే కూతురు పెళ్లి ఘనంగా చేసింది. పనిలో పనిగా బ్యాంకులోని తీసుకుని ఇల్లు కట్టుకోవాలనుకుంది. కానీ అనుకోని అతిథిలా వచ్చిన కరోనా మహమ్మారి ఆ తార జీవితాన్ని తలకిందులు చేసింది. సినిమా ఛాన్సులు కరువయ్యాయి. జీవనోపాధి భారమైంది. పూటగడవడమే కష్టంగా మారిపోయింది. ఏం చేయాలో తెలియక రోడ్డు మీద లాటరీ టికెట్లు విక్రయిస్తోంది. ఆమె ప్రముఖ మలయాళ నటి మేరీ. ప్రేమమ్‌ హీరో నివిన్ పౌలీ హీరోగా 2016లో వచ్చిన యాక్షన్‌ హీరో బిజు సినిమాతో మంచి గుర్తింపు పొందిందీ ట్యాలెంటెడ్‌ యాక్ట్రెస్‌. ఆతర్వాత పైపిన్ చువత్తిలే ప్రణయంతో మరో హిట్‌ ఖాతాలో వేసుకుంది. ఇలా నటిగా విలాసవంతమైన జీవితాన్ని చూసిన ఆమె ఇప్పుడు కరోనా తో గత్యంతరం లేక రోడ్ల మీద లాటరీ టికెట్లు విక్రయిస్తోంది. అలప్పుజాలోని ఎరమల్లూర్‌లో నివాసముంటోన్న ఆమె ఉదయం ఆరున్నర గంటలకు బయటకు వెళ్లి ఏ సాయంత్రానికో ఇల్లు చేరుకుంటోంది. లాటరీ టికెట్ల అమ్మకం ద్వారా రోజుకి రూ.300 సంపాదిస్తోంది.
35 సినిమాలతో పాటు వాణిజ్య ప్రకటనల్లోనూ నటించిన మేరీ ఆ డబ్బుతో తన కూతురు పెళ్లి ఘనంగా చేసింది. సినిమా ఆఫర్లు వస్తుండటంతో మేరీ వాటిని తీర్చగలననే ఆశతో అప్పు చేసి ఇల్లు కట్టుకుంది. అయితే కరోనా వైరస్ మహమ్మారి ఆమె జీవితాన్ని అతలాకుతలం చేసింది. సినిమా ఆఫర్లు కరువయ్యాయి. దీంతో మేరీ తన కుటుంబాన్ని చూసుకోవడానికి, బ్యాంకు రుణాన్ని చెల్లించడానికి చిన్నా చితకా ఉద్యోగాలు చేయవలసి వచ్చింది. కాగా మేరీ కుమారుడు కూడా ప్రస్తుతం అనారోగ్యంతో ఉన్నాడు. అతని వైద్య ఖర్చులు భరించాలన్నా, కుటుంబానికి గడవాలన్నా, తీసుకున్న బ్యాంకు అప్పు తీర్చాలన్నా ఏదో ఒక పని చేయక తప్పట్లేదామెకు. అందుకోసం రోడ్డుపై లాటరీ టికెట్లు అమ్ముతూ వచ్చిన కొద్దిపాటి డబ్బుతో కుటుంబాన్ని నడిపిస్తోంది. కాగా ఇన్ని కష్టాలు ఉన్నప్పటికీ మేరీ సినిమాలపై తన అభిరుచిని వదులుకోలేదు. ఎప్పటికైనా సినిమా నిర్మాతలు తనను పిలుస్తారనే ఆశతో మేరీ ప్రతిరోజూ లాటరీ అమ్మడానికి బయలుదేరుతోంది.
మరిన్ని సినిమా వార్తల కోసం క్లిక్ చేయండి..
