‘ వామ్మో ? ‘ సైనిక ‘ క్యాంటీన్ లో ‘ ఘీంకారాలా ‘ ?
పశ్చిమ బెంగాల్ లోని హసీమారా ప్రాంతం ఒక్కసారిగా ఉలిక్కిపడింది. మరేం లేదు.. అక్కడి మిలిటరీ క్యాంటీన్ లోకి కామ్ గా చొర చొరబడింది ఓ గజరాజం. ఎక్కడినుంచి వచ్చిందో మరి.. లోపలికి ఎంటరవుతూనే అక్కడున్న కుర్చీలను, బల్లలను తొండంతో తోసివేస్తూ.. కాళ్లతో తన్నేస్తూ ముందుకు రాబోయింది. అయితే అక్కడి సిబ్బందిలో ఒకరు ధైర్యంగా ఓ అట్టముక్కకు నిప్పటించి దానికేసి చూపుతూ భయపెట్ట జూశాడు. అయితే అది బెదరలేదు సరికదా.. మరింత ముందుకు రావడానికి అడుగులు వేయగానే.. మనోడికి […]
పశ్చిమ బెంగాల్ లోని హసీమారా ప్రాంతం ఒక్కసారిగా ఉలిక్కిపడింది. మరేం లేదు.. అక్కడి మిలిటరీ క్యాంటీన్ లోకి కామ్ గా చొర చొరబడింది ఓ గజరాజం. ఎక్కడినుంచి వచ్చిందో మరి.. లోపలికి ఎంటరవుతూనే అక్కడున్న కుర్చీలను, బల్లలను తొండంతో తోసివేస్తూ.. కాళ్లతో తన్నేస్తూ ముందుకు రాబోయింది. అయితే అక్కడి సిబ్బందిలో ఒకరు ధైర్యంగా ఓ అట్టముక్కకు నిప్పటించి దానికేసి చూపుతూ భయపెట్ట జూశాడు. అయితే అది బెదరలేదు సరికదా.. మరింత ముందుకు రావడానికి అడుగులు వేయగానే.. మనోడికి గ్రేట్ ఐడియా తట్టింది. ఓ చిన్న కర్రకు బట్ట చుట్టి.. దానికి నిప్పంటించి కాగడాలా చేశాడు.. దాన్ని ఆ ఏనుగమ్మకు చూపుతూ ముందుకు కదలగానే.. అప్పుడు అది వెనక్కు తగ్గి బయటకి నడిచింది. మన ‘ ధీర సైనికుడు ‘ వదలకుండా దాని వెంటబడ్డాడు. చివరకు ఆ ‘ ఫలహారశాల ‘ బయట ఓ పచ్చిక మైదానంలో కూడా కొద్దిసేపు ఈ ‘ హంగామా ‘ కొనసాగింది. ఆ కాగడా కాని కాగడాను కాసేపు అదేపనిగా చూసి ఆ గజరాజం వెనక్కి తాపీగా వెళ్ళిపోయింది. ఈ వీడియో వైరల్ అయిందంటే కాదూ మరి ?
