UP Assembly Election 2022 Voting Phase 7: యూపీలో ముగిసిన పోలింగ్.. ఇక ఫలితాల పైనే అందరి దృష్టి

Uttar Pradesh Assembly Election 2022 Voting Updates: ఐదురాష్ట్రాల ఎన్నికల పోలింగ్‌ ముగిసింది. ఇక ఎన్నికల ఫలితాల పైనే అందరి దృష్టి ఉంది. ఉత్తరప్రదేశ్‌లో ఇవాళ తుదిదశ పోలింగ్‌లో 54 స్థానాల్లో ఎన్నికలు జరిగాయి.

UP Assembly Election 2022 Voting Phase 7: యూపీలో ముగిసిన పోలింగ్.. ఇక ఫలితాల పైనే అందరి దృష్టి
Up Elections 2022

| Edited By: Ram Naramaneni

Mar 07, 2022 | 5:54 PM


Uttar Pradesh Assembly Election 2022 Voting Updates: ఐదురాష్ట్రాల ఎన్నికల పోలింగ్‌ ముగిసింది. ఇక ఎన్నికల ఫలితాల పైనే అందరి దృష్టి ఉంది. ఉత్తరప్రదేశ్‌లో ఇవాళ తుదిదశ పోలింగ్‌లో 54 స్థానాల్లో ఎన్నికలు జరిగాయి. ఉత్తరప్రదేశ్‌లో మొత్తం 403 అసెంబ్లీ స్థానాలకు ఏడు విడతల్లో ఎన్నికలు జరిగాయి. యూపీలో బీజేపీ – సమాజ్‌వాదీ పార్టీ మధ్య నువ్వా ..నేనా అన్న రీతిలో పోటీ జరిగింది. అటు బీజేపీ , ఇటు సమాజ్‌వాదీ పార్టీ నేతలు విజయంపై ధీమా వ్యక్తం చేస్తున్నారు. సీట్లు తగ్గినప్పటికి గెలుపు తమదే అన్న నమ్మకంతో ఉన్నారు బీజేపీ నేతలు. పంజాబ్‌లో 117 అసెంబ్లీ స్థానాలకు ఎన్నికలు జరిగాయి. అధికార కాంగ్రెస్‌ , ఆప్‌ మధ్య గట్టి పోటీ ఉన్నట్టు సర్వేలే తేల్చాయి. సిద్దూ వర్సెస్‌ సీఎం చన్నీ మధ్య ఆధిపత్య పోరు కాంగ్రెస్ కొంపముంచిందని ఆ పార్టీ నేతలే చెబుతున్నారు. ఉత్తరాఖండ్‌లో 70 స్థానాలకు ఎన్నికలు జరిగాయి. బీజేపీ -కాంగ్రెస్‌ మధ్య పోటీ జరిగింది. గోవాలో 40 స్థానాలకుఎన్నికలు జరిగాయి. బీజేపీ మరోసారి అధికారాన్ని చేజిక్కించుకుంటుందా ? లేక కాంగ్రెస్‌ పుంజుకుంటుందా ? వేచిచూడాలి . మణిపూర్‌లో 60 స్థానాలకు పోలింగ్‌ జరిగింది. ఈనెల 10వ తేదీన ఐదురాష్ట్రాల ఎన్నికల ఫలితాలు వెలువడుతాయి.

 


LIVE NEWS & UPDATES

The liveblog has ended.
  • 07 Mar 2022 05:53 PM (IST)

    సాయంత్రం 6:30 నుండి ఎగ్జిట్ పోల్స్..

    ఉత్తర ప్రదేశ్ ఎన్నికల ఫలితాలు మార్చి 10న రానున్నాయి. ఫలితాలకు ముందు, TV9 Telugu / Polstrat ఈరోజు సాయంత్రం 6:30 నుండి ఎగ్జిట్ పోల్‌లను మీకు అందిస్తోంది. దీనిలో మీరు ఏ రాష్ట్రంలో ఫలితాలు ఎలా వస్తాయనే దాని గురించి తెలుసుకోవచ్చు.

  • 07 Mar 2022 01:49 PM (IST)

    యూపీ చివరి విడత పోలింగ్.. మ.1 గం. వరకు 35.51శాతం పోలింగ్

    యూపీ అసెంబ్లీకి చివరి విడత పోలింగ్ ప్రశాంతంగా కొనసాగుతోంది. మధ్యాహ్నం 1 గం. వరకు 35.51 శాతం ఓటింగ్ నమోదయ్యింది.

  • 07 Mar 2022 11:49 AM (IST)

    యూపీ చివరి విడత పోలింగ్.. ఉ.11 గం.ల వరకు 18 శాతం ఓటింగ్ నమోదు

    యూపీలోని 54 అసెంబ్లీ నియోజకవర్గాలకు చివరి విడతలో ఇవాళ పోలింగ్ కొనసాగుతుతోంది. ప్రధాని నరేంద్ర మోడీ ప్రాతినిధ్యంవహిస్తున్న వారణాసి లోక్‌సభ నియోజవర్గ పరిథిలోని అసెంబ్లీ స్థానాల్లోనూ ఈ విడతలో పోలింగ్ జరుగుతోంది. చివరి విడతలో ఉదయం 11 గం.ల వరకు 18.72 శాతం ఓటింగ్ నమోదైనట్లు ఎన్నికల అధికారులు తెలిపారు. చందువాలి నియోజకవర్గంలో అత్యధికంగా 23.5 శాతం పోలింగ్ నమోదైనట్లు అధికారులు తెలిపారు.

  • 07 Mar 2022 11:39 AM (IST)

    యూపీలో తోపుడు బండిపై వచ్చి ఓటు వేసిన వృద్ధ దంపతులు

    యూపీలో చివరి విడత పోలింగ్ ప్రశాంతంగా కొనసాగుతోంది. అజంగఢ్‌లో వృద్ధ దంపతులు తోపుడు బండిపై పోలింగ్ కేంద్రానికి చేరుకుని తమ ఓటు హక్కు వినియోగించుకున్నారు. తాము అనారోగ్యంతో బాధపడుతున్నట్లు వారు తెలిపారు. ఓటు వేసినందుకు ఎవరి నుంచీ తాము ఏమీ ఆశించడం లేదని.. రూ.500, రూ.1000లతో తమ వ్యాధి నయం కాదు కదా అన్నారు.

  • 07 Mar 2022 11:19 AM (IST)

    యూపీలో ఎన్డీయే కూటమిదే విజయం: ఆప్నా దళ్

    కేంద్ర మంత్రి, ఆప్నా దళ్ (ఎస్) జాతీయ అధ్యక్షురాలు అనుప్రియ పటేల్ మిర్జాపూర్‌లో తన ఓటు హక్కును వినియోగించుకున్నారు. ఎన్డీయే ఘన విజయం సాధిస్తుందని ధీమా వ్యక్తంచేశారు.

  • 07 Mar 2022 10:40 AM (IST)

    9గంటల వరకు భదోహిలో అత్యల్పం.. మౌలో అత్యధిక పోలింగ్

    యూపీ చివరి దశ ఎన్నికల పోలింగ్ ప్రశాంతంగా కొనసాగుతోంది. ఎన్నికల సంఘం విడుదల చేసిన సమాచారం ప్రకారం ఉదయం 9 గంటల వరకు 8.58 శాతం పోలింగ్ జరిగింది. అత్యధికంగా మౌలో 9.99 శాతం, వారణాసిలో 8.93 శాతం ఓటింగ్ నమోదైంది. భదోహిలో అత్యల్పంగా 7.43 శాతం ఓటింగ్ జరిగింది.

  • 07 Mar 2022 09:29 AM (IST)

    ఓటు వేసిన బీజేపీ ఎమ్మెల్యే రత్నాకర్ మిశ్రా

    ఉత్తరప్రదేశ్‌లో పోలింగ్ జరుగుతోంది. బీజేపీ ఎమ్మెల్యే రత్నాకర్ మిశ్రా మీర్జాపూర్ కుటుంబసమేతంగా తమ ఓటు హక్కు వినియోగించుకున్నారు.

  • 07 Mar 2022 09:27 AM (IST)

    కుటుంబ సమేతంగా ఓటేసిన మంత్రి రవీంద్ర జైస్వాల్

    ఉత్తరప్రదేశ్ మంత్రి రవీంద్ర జైస్వాల్ కుటుంబ సమేతంగా ఓటు వేశారు. "యూపీ ప్రజలు మోడీ, యోగి పనులకు ముగ్ధులై రాష్ట్రవ్యాప్తంగా ఎన్నికల్లో పోరాడుతున్నారు. సమాజ్‌వాదీ పార్టీకి ఓవర్ కాన్ఫిడెన్స్ ఉంది. ఓవర్ కాన్ఫిడెన్స్ కొంపముంచుతుందని" అని ఆయన అన్నారు.

    Ravindra Jaiswal

    Ravindra Jaiswal

  • 07 Mar 2022 08:21 AM (IST)

    బారులు తీరిన ఓటర్లు

    UP చివరి దశలో పోలింగ్ ప్రశాంతంగా కొనసాగుతోంది. ఓటేసేందుకు ప్రజలు పోలింగ్ స్టేషన్ వెలుపల తమ వంతు కోసం వేచి ఉన్నారు.

    Voting

    Voting

  • 07 Mar 2022 07:49 AM (IST)

    ఉత్సాహంగా పోలింగ్

    ఏడవ దశలో దక్షిణ వారణాసి ప్రాంతంలోని నేషనల్ ఇంటర్ కాలేజీలో ఓటింగ్ జరుగుతోంది. వృద్ధులు, మహిళలు పోలింగ్‌లో ఉత్సాహంగా పాల్గొంటున్నారు.

  • 07 Mar 2022 07:48 AM (IST)

    ఉదయం నుంచే బారులు తీరిన ఓటర్లు

    యూపీ చివరి దశ ఎన్నికల కోసం 54 నియోజకవర్గాల్లో పోలింగ్ ప్రారంభమైంది. మొత్తం 613 మంది అభ్యర్థులు బరిలో ఉన్నారు. ఉదయం నుంచే ఓటేసేందుకు ఓటర్లు బారులు తీరారు.

  • 07 Mar 2022 07:46 AM (IST)

    బీజేపీకి 350 సీట్లు ఖాయంః మంత్రి రవీంద్ర జైస్వాల్

    వారణాసి నార్త్ అసెంబ్లీ నియోజకవర్గం నుంచి పోటీ చేస్తున్న యూపీ మంత్రి రవీంద్ర జైస్వాల్ వారణాసిలోని అన్ని స్థానాల్లో విజయం సాధిస్తామని చెప్పారు. ఈ అసెంబ్లీ ఎన్నికల్లో బీజేపీకి 350 సీట్లు వస్తాయని ఆయన చెప్పారు. వారణాసిలో పోలింగ్ ఏర్పాట్లను మంత్రి పరిశీలించారు.

  • 07 Mar 2022 07:44 AM (IST)

    ముందు ఓటేయండి తర్వాత ఫలహారాలు తీసుకోండి: సీఎం యోగి

    యూపీ సిఎం యోగి ఆదిత్యనాథ్ ప్రజలకు ఓటు వేయాలని పిలుపునిస్తూ.. ఉత్తరప్రదేశ్ శాసనసభ ఎన్నికలు-2022కి ఈరోజు చివరి దశ అని అన్నారు. ఓటర్లందరూ జాతీయవాదం, అభివృద్ధి, సుపరిపాలన విజయానికి ఓటు వేయాలన్నారు. ముందుగా ఓటు వేయండి, ఆ తర్వాత ఫలహారాలు తీసుకోండి అంటూ ట్వీట్ చేశారు.

  • 07 Mar 2022 07:42 AM (IST)

    ఏడో దశలో 7 మంది మంత్రులు భవితవ్యం

    ఏడో దశలో యోగి ప్రభుత్వంలోని ఏడుగురు మంత్రుల ఇవాళ జరిగే ఎన్నికలను ఎదుర్కొంటున్నారు. వీరిలో వెనుకబడిన తరగతుల సంక్షేమ శాఖ మంత్రి అనిల్ రాజ్‌భర్, రిజిస్ట్రేషన్ శాఖ సహాయ మంత్రి రవీంద్ర జైస్వాల్, సాంస్కృతిక శాఖ మంత్రి నీలకాంత్ తివారీ, పట్టణ ప్రణాళికా శాఖ మంత్రి గిరీష్ యాదవ్, విద్యుత్ శాఖ సహాయ మంత్రి రామశంకర్ సింగ్ పటేల్, సహకార శాఖ సహాయ మంత్రి సంగీతా బల్వంత్, రాష్ట్ర మంత్రి సంజీవ్ గోండ్ ఉన్నారు.

  • 07 Mar 2022 07:18 AM (IST)

    ఓటింగ్‌లో సరికొత్త రికార్డు సృష్టించాలి: ప్రధాని మోడీ

    ఈరోజు ఉత్తరప్రదేశ్‌లో ప్రజాస్వామ్యం గొప్ప త్యాగం పూర్తయిన రోజు అని ప్రధాని నరేంద్ర మోదీ ట్వీట్ చేశారు. ఓటర్లందరూ పూర్తి ఉత్సాహంతో ఏడో, చివరి దశ అసెంబ్లీ ఎన్నికల్లో పాల్గొని ఓటింగ్‌లో సరికొత్త రికార్డు సృష్టించాలని అభ్యర్థిస్తున్నాను.

  • 07 Mar 2022 07:17 AM (IST)

    గతంలో బీజేపీదే హవా

    ఈరోజు ఓటింగ్ జరగనున్న 54 స్థానాల్లో గత అసెంబ్లీ ఎన్నికల్లో 29 సీట్లు బీజేపీ గెలవగా, 11 సీట్లు ఎస్పీ, 6 బీఎస్పీ, 3 సీట్లు సుహెల్దేవ్ పార్టీ గెలుచుకున్నాయి. మరోవైపు నిషాద్ పార్టీకి 1 సీటు దక్కింది. 2017 ఎన్నికల్లో సుహెల్‌దేవ్ పార్టీ బీజేపీతో పోటీ చేసినా, ఈసారి మాత్రం అఖిలేష్ యాదవ్‌కు చెందిన సమాజ్‌వాదీ పార్టీతో పోటీ చేసింది.

  • 07 Mar 2022 07:15 AM (IST)

    అజంగఢ్‌లో ఓటింగ్ ప్రారంభం

    యూపీ అసెంబ్లీ ఎన్నికల 7వ, చివరి దశ కోసం అజంగఢ్‌లో ఓటింగ్ ప్రారంభమైంది. నరౌలిలోని ఉచ్ ప్రాత్మిక్ విద్యాలయం పోలింగ్ బూత్ నంబర్ 231 వద్ద ఓటేసేందుకు ఓటర్లు బారులు తీరారు.

  • 07 Mar 2022 07:14 AM (IST)

    54 స్థానాలకు పోలింగ్ షురూ

    ఏడో దశ ఎన్నికల్లో 2 కోట్ల 6 లక్షల మంది ఓటర్లు ఓటు హక్కు వినియోగించుకోనున్నారు. వీరిలో 1.10 కోట్ల మంది పురుషులు, 96 లక్షల మంది మహిళా ఓటర్లు ఉన్నారు. 1017 మంది థర్డ్ జెండర్ ఓటర్లు కూడా ఉన్నారు.

  • 07 Mar 2022 07:11 AM (IST)

    వారణాసిలో మాక్ పోల్

    ఉత్తరప్రదేశ్ ఎన్నికల చివరి దశ పోలింగ్ ప్రారంభమైంది. వారణాసి నియోజకవర్గం పరిధిలోని నివేదిత శిక్షా సదన్ బాలికా ఇంటర్ కాలేజీ పోలింగ్ బూత్ నంబర్ 97లో ఓటేసేందుక ఎన్నికల అధికారులు అన్ని ఏర్పాట్లు పూర్తి చేశారు. ఈ సందర్భంగా మాక్ పోలింగ్ నిర్వహించారు.

  • 07 Mar 2022 07:04 AM (IST)

    ప్రధాని మోడీ పార్లమెంటరీ నియోజకవర్గంలో ఈరోజు పోలింగ్

    ఈరోజు ఏడో దశలో ఓటింగ్ జరుగుతున్న 54 స్థానాల్లో వారణాసి, ఘాజీపూర్, చందౌలీ, జాన్‌పూర్, అజంగఢ్, మౌ, మీర్జాపూర్, సోన్‌భద్ర, భదోహి జిల్లాలు ఉన్నాయి. ప్రధాని నరేంద్ర మోడీ పార్లమెంటరీ నియోజకవర్గం వారణాసిలో పోలింగ్ జరుగుతోంది.

Published On - Mar 07,2022 6:48 AM

Follow us on

Most Read Stories

Click on your DTH Provider to Add TV9 Telugu