UP Assembly Election 2022 Opinion Poll: ఉత్తరప్రదేశ్‌లో మొదలైన ఎన్నికల వేడి.. ఏ పార్టీ అధికారంలోకి రానుందో తేల్చిన ఒపీనియన్ పోల్స్!

ఉత్తరప్రదేశ్‌లో అసెంబ్లీ ఎన్నికలు త్వరలో జరగనున్నాయి. అక్కడ ప్రస్తుతం బీజేపీ అధికారంలో ఉంది. ఇప్పటికే అక్కడ ఎన్నికల వేడి మొదలైంది.

UP Assembly Election 2022 Opinion Poll: ఉత్తరప్రదేశ్‌లో మొదలైన ఎన్నికల వేడి.. ఏ పార్టీ అధికారంలోకి రానుందో తేల్చిన ఒపీనియన్  పోల్స్!
Up Assembly Elections 2022
KVD Varma

| Edited By: Anil kumar poka

Dec 23, 2021 | 6:23 PM

UP Assembly Election 2022 Opinion Poll: ఉత్తరప్రదేశ్‌లో అసెంబ్లీ ఎన్నికలు త్వరలో జరగనున్నాయి. అక్కడ ప్రస్తుతం బీజేపీ అధికారంలో ఉంది. ఇప్పటికే అక్కడ ఎన్నికల వేడి మొదలైంది. దీంతో అక్కడి ప్రధాన పార్టీలన్నీ అంటే.. ఎస్పీ, బీఎస్పీ, కాంగ్రెస్ పార్టీలు నిరంతరం అధికార బీజేపీని టార్గెట్ చేస్తున్నాయి. మరోపక్క అక్కడ ప్రధాని మోదీతో పాటు ముఖ్యమంత్రి యోగి ఆదిత్యనాథ్ తమ అభివృద్ధి పనులను ప్రజలకు ప్రకటిస్తూ బిజీగా ఉన్నారు. ఇక ఎన్నికలు తరువాతి ప్రభుత్వం ఎదనేది తేలుస్తాయి. ఈలోపు ఎన్నికల వేడిలో ప్రజలు ప్రస్తుతం ఏ పార్టీకి అనుకూలంగా ఉన్నారు అనే విషయంపై యూపీలో  ఒపీనియన్  పోల్స్ నిర్వహించాయి మీడియా సంస్థలు. వాటి ఫలితాలు ఎలా ఉన్నాయో తెలుసుకుందాం.

టైమ్స్ నౌ-పోల్‌స్ట్రాట్ ఒపీనియన్ పోల్‌లో బీజేపీ మళ్లీ అధికారంలోకి రావచ్చని తేలింది. అయితే సీట్ల వారీగా చూస్తే బీజేపీకి భారీ నష్టం వాటిల్లుతుంది. 2017 అసెంబ్లీ ఎన్నికల్లో 312 సీట్లు గెలుచుకున్న బీజేపీకి 2022 అసెంబ్లీ ఎన్నికల్లో 239-245 సీట్లు మాత్రమే వచ్చే అవకాశం ఉంది. ఈ సీట్లన్నిటితో పూర్తి మెజారిటీ ప్రభుత్వాన్ని ఏర్పాటు చేయడంలో బీజేపీ విజయం సాధించింది. 403 సీట్లున్న అసెంబ్లీలో మెజారిటీకి 202 సీట్లు కావాలి.

ఎస్పీ రెండో అతిపెద్ద పార్టీ కావచ్చు

సమాజ్ వాదీ పార్టీ (ఎస్పీ) 119-125 సీట్లతో రెండో స్థానంలో ఉండొచ్చు. 2017తో పోలిస్తే ఎస్పీకి ఇది ఎడ్జ్‌గా ఉంటుంది. 2017లో కేవలం 47 సీట్లు మాత్రమే గెలుచుకుంది. కాగా బీఎస్పీకి 19 సీట్లు మాత్రమే వచ్చాయి. ఒపీనియన్ పోల్స్ ప్రకారం బహుజన్ సమాజ్ పార్టీ (బీఎస్పీ) 28-32 స్థానాల్లో విజయం సాధించవచ్చు. ప్రియాంక గాంధీ వాద్రా ఎన్ని ప్రయత్నాలు చేసినప్పటికీ, 2022 ఉత్తరప్రదేశ్ అసెంబ్లీ ఎన్నికల్లో యూపీ ఓటర్లను కాంగ్రెస్ ఆకట్టుకునేలా కనిపించడం లేదు.

ప్రాంతం వారీగా సీట్ల అంచనా ఇలా ఉంది..

బుందేల్‌ఖండ్ ప్రాంతంలో మొత్తం 19 సీట్లు ఉండగా, అందులో బీజేపీకి 15-17 సీట్లు వస్తాయని అంచనా. ఎస్పీ 0-1 సీట్లతో సంతృప్తి చెందాల్సి రావచ్చు. బీఎస్పీకి 2-5 సీట్లు రాగా, కాంగ్రెస్ పార్టీకి 1-2 సీట్లు మాత్రమే దక్కుతాయి. దోయాబ్ నియోజకవర్గంలో మొత్తం 71 స్థానాల్లో బీజేపీ 37-40 స్థానాల్లో విజయం సాధిస్తుందని అంచనా. సమాజ్ వాదీ పార్టీకి 26-28 సీట్లు, బీఎస్పీకి 4-6 సీట్లు రావచ్చు. మరోవైపు కాంగ్రెస్ కేవలం 0-2 సీట్లతో సరిపెట్టుకోవాల్సి రావచ్చు.

పూర్వాంచల్‌లోని 92 సీట్లలో, బీజేపీ 47-50 సీట్లు, పూర్వాంచల్‌లో SP 31-35 సీట్లు సాధించవచ్చు. పశ్చిమ ఉత్తరప్రదేశ్‌లో బీజేపీ 40-42 సీట్లు, ఎస్పీ 21-24 సీట్లు, బీఎస్పీ 2-3 సీట్లు గెలుచుకునే అవకాశం ఉంది. అవధ్‌లో సమాజ్‌వాదీ పార్టీ (ఎస్పీ), బీజేపీ 101 స్థానాలకు పోటీ చేస్తున్నాయి. సర్వేలో బీజేపీకి 69-72, ఎస్పీకి 23-26, బీఎస్పీకి 7-10 సీట్లు వచ్చాయి. గత అసెంబ్లీ ఎన్నికల్లో బీజేపీ 84 సీట్లు గెలుచుకుంది. మరోవైపు ఎస్పీ కేవలం ఆరు స్థానాల్లో మాత్రమే విజయం సాధించింది.

ఇతర సర్వేలలో..

ABP-Cvoter సర్వే ఇటీవల వచ్చింది. ఈ సర్వే ఫలితాల్లో కూడా ఉత్తరప్రదేశ్‌లో బీజేపీ మళ్లీ అధికారంలోకి రావచ్చు. అదే సమయంలో, SP , దాని సంకీర్ణ భాగస్వాములు రెండవ స్థానంలోకి రావచ్చు. ఈ సర్వేలో బీజేపీ 213-221, ఎస్పీ 152-160, బీఎస్పీ 16-20, కాంగ్రెస్ 6-10, ఇతరులకు 2-6 సీట్లు రావచ్చని తేలింది.

ఇవి కూడా చదవండి: Onion Face Pack: ఉల్లిపాయ ఫేస్‌ప్యాక్.. ఇలా చేస్తే తళుక్కుమనే అందం మీ సొంతం..

Thyroid Disease: మహిళలకు థైరాయిడ్‌ సమస్య ఉంటే పిల్లలు పుట్టరా..? ఎలాంటి జాగ్రత్తలు తీసుకోవాలి..!

Parenting Tips: గుక్కపెట్టి ఏడిచే సమయంలో.. చిన్నారుల శరీరం నీలం రంగులోకి మారుతుందా.? దీనికి కారణమేంటో తెలుసా..

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu