Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

దేశ వ్యాప్తంగా ఎలక్షన్ వార్

, దేశ వ్యాప్తంగా ఎలక్షన్ వార్

సమ్మర్ హీట్‌తో దేశంలో రాజకీయ వేడి పోటీ పడుతోంది. ఎన్నికల షెడ్యూల్ విడుదలైన మరుక్షణం నుంచే పార్టీలు వ్యూహ ప్రతివ్యూహాలతో సన్నద్ధమవుతున్నాయి. ముఖ్యంగా జాతీయ పార్టీలో దేశ వ్యాప్తంగా అభ్యర్థుల ఎంపికపై దృష్టి పెట్టాయి. ప్రత్యర్థి పార్టీలకు చెక్ పెట్టేందుకు వ్యూహాత్మకంగా ముందుకు వెళ్తున్నాయి.

ఎన్నికల ప్రచారంలో ముందంజలో ఉన్న బీజేపీ అదే దూకుడు కొనసాగిస్తోంది. దేశ వ్యాప్తంగా ఉన్న పార్టీ రాష్ట్రాల అధ్యక్షులు, ముఖ్య నేతలతో జాతీయాధ్యక్షుడు అమిత్ షా భేటీ అవుతున్నారు. సాధారణ ఎన్నికల్లో పోటీ చేసే లోక్‌సభ అభ్యర్థుల ఎంపిక, ప్రచార వ్యూహాలపై సుధీరంగా చర్చించనున్నారు అమిత్ షా. ప్రచార సభలపై కూడా ఆయా పార్టీ అధ్యక్షుల అభిప్రాయాలను తెలుసుకోనున్నారు. తెలంగాణ నుంచి పార్టీ రాష్ట్ర అధ్యక్షులు లక్ష్మణ్, మాజీ మంత్రి, ఎంపీ బండారు దత్తాత్రేయ, మాజీ ఎమ్మెల్యే జి.కిషన్ రెడ్డిలు కాసేపట్లో అమిత్ షాతో భేటీ అవుతారు.

కాగా.. తెలంగాణలోని అన్ని స్థానాల్లో పోటీ చేస్తామన్నారు బీజేపీ తెలంగాణ అధ్యక్షులు లక్ష్మణ్. ఇప్పటికే 14 స్థానాల్లో ఎన్నికల ప్రచారం మొదలు పెట్టామన్నారు. కేంద్రంలో ఎవరి సహకారం లేకుండానే బీజేపీ అధికారంలోకి వస్తుందన్నారు.

మరోవైపు కాంగ్రెస్ కూడా బీజేపీతో సమానంగా కసరత్తు చేస్తోంది. పార్టీల కీలక కమిటీ అయిన కోర్ కమిటీతో అధ్యక్షులు రాహుల్ గాంధీ భేటీ కాబోతున్నారు. ప్రచారంలో దూసుకుపోతున్న బీజేపీని రాజకీయంగా ఎలా ఎదుర్కోవాలన్న దానిపై చర్చిస్తారు. రాష్ట్రాల వారీగా వచ్చిన ఎంపీ అభ్యర్థుల లిస్టులపై కూడా ఒక నిర్ణయం తీసుకుంటారు.