Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 98 వేల మార్క్ ని దాటినా కరోనా పాజిటివ్ కేస్ లు. 2 లక్షలకు చేరువ లో కరోనా కేస్ లు. దేశవ్యాప్తంగా కరోనా పాజిటివ్ కేసులు : 198706. దేశ వ్యాప్తంగా యాక్టీవ్ కేసులు: 97581. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5598. కేంద్ర ఆరోగ్య మంత్రిత్వ శాఖ.
  • రాజేంద్రనగర్ గ్రే హౌండ్స్ ప్రాంతంలో మళ్లీ చిరుత తిరుగుతూ సిసి కెమెరాకు చిక్కిన ఆనవాళ్లు. గ్రే హౌండ్స్ కాంపౌండ్ లోపల ఉన్నట్టు గుర్తింపు. 700ఎకరాల్లో పోలీస్ గ్రే హౌండ్స్ . గ్రే హౌండ్స్ ఉన్నతాధికారుల నుండి అనుమతి వచ్చిన తర్వాతే బొన్లు ఏర్పాటు చేస్తామని చెబుతున్న అటవీశాఖ అధికారులు. గ్రే హౌండ్స్ చుట్టూ జూ సిబ్బంది, షూటర్స్, ట్రాప్ కెమెరా లతో అప్రమత్తం.
  • రెండు రాష్ట్రా ప్రభుత్వాలకు ఈనెల 4న జరిగే కృష్ణా నది యజమాన్య బోర్డు మీటింగ్ ఏజెండాలను పంపిన కృష్ణా నీటీ యాజమాన్య బోర్డ్. ఏజెండాలో ప్రధానంగా 5 అంశాల ప్రస్తావన. తెలంగాణ, ఏపీ ప్రభుత్వాలు చేపడుతున్న ప్రాజెక్టు లు , అభ్యంతరాలు , ప్రాజెక్టుల డీపీఆర్ లు.
  • టిటిడి : తిరుమలలో శ్రీవారి దర్శనానికి రాష్ట్ర ప్రభుత్వం గ్రీన్ సిగ్నల్. టిటిడి ఉద్యోగాలు, స్థానికులతో ట్రయల్ రన్ నడిపేందుకు రాష్ట్ర ప్రభుత్వం అనుమతి. 6 అడుగుల భౌతిక దూరం పాటిస్తూ దర్శనం కల్పించాలని సూచన. టీటీడీ ఈవో లేఖకు స్పందించిన ఏపీ ప్రభుత్వం. ఉత్తర్వులు జారీ చేసిన ప్రభుత్వ ప్రత్యేక ప్రధాన కార్యదర్శి జే.ఎస్.వి ప్రసాద్.
  • తూ. గో.జిల్లా: కోనసీమలో కరోన కలకలం. కోనసీమను గజ గజ లాడిస్తున్న ..ముంబై నుంచి వచ్చిన వలస కూలీలు . ఈరోజు ఒక్కరోజులో 28 కరోన పోసిటివ్ కేసులు నమోదు.
  • టీవీ9 తో ఉస్మానియా మెడికల్ కాలేజ్ ప్రిన్సిపాల్ శిశి కళ . ఉస్మానియా మెడికల్ కాలేజీ లో 12 మందికి కోవిడ్ పాజిటివ్. భయం గుప్పెట్లో ఉస్మానియా పీజీలు. ఇప్పటికే రిడింగ్ రూమ్ ను మోసివేసిన కాలేజ్ యాజమాన్యం. ప్రతి ఒక్క పీజీ ని ppe కిట్స్ వెస్కొమని సూచిస్తున్న ప్రిన్సిపల్ శశికళ. జూనియర్ డాక్టర్స్ కు పాజిటివ్ రావటం తో హాస్టల్ ను శానిటేషన్ చేసిన ghmc.

హుజూర్ నగర్లో సిపిఎంకు షాక్..

Election returning Officer rejected nomination of CPM candidate Sekhararao, హుజూర్ నగర్లో సిపిఎంకు షాక్..

తెలంగాణ రాజకీయాల్లో ఉత్కంఠగా మారిన హుజూర్‌నగర్ ఉప ఎన్నికల ప్రక్రియలో భాగంగా మంగళవారం నామినేషన్ల పరిశీలన పూర్తయింది. ఇందులో ప్రధాన పార్టీలకు చెందిన అభ్యర్ధుల నామినేషన్లు భారీగా తిరస్కరణకు గురైనట్టుగా తెలుస్తోంది. ముఖ్యంగా సూర్యాపేట జిల్లాలో వామపక్ష పార్టీలకు బలమైన క్యాడర్ ఉంది. ఈ నేపథ్యంలో హుజూర్ నగర్‌ ఉపఎన్నికలో సీపీఎం పార్టీ తమ అభ్యర్ధిగా పారేపల్లి శేఖర్‌రావును నిలిపింది. అయితే మంగళవారం జరిగిన పరిశీలనలో ఆయన నామినేషన్ తిరస్కరణకు గురైంది. ఫారం-26తో పాటు, కుల సర్టిఫికెట్ కు సంబంధించిన విషయమై పూర్తి అప్‌డేట్ లేదని రిటర్నింగ్ అధికారి గుర్తించారు. దీంతో ఆయన నామినేషన్ తిరస్కరణకు గురైంది. పారేపల్లి శేఖర్‌రావు నామినేషన్ తిరస్కరణకు గురికావడంతో సీపీఎం కార్యకర్తల్లో తీవ్ర గందరగోళం నెలకొంది.

హుజూర్‌నగర్ అసెంబ్లీ స్ధానానికి 2014,2018 ఎన్నికల్లో కూడా సీపీఎం అభ్యర్ధిగా పారేపల్లి శేఖర్‌రావు పోటీ చేశారు. అయితే అప్పుడు దాఖలు చేసిన విధంగానే ఇప్పుడు చేసినా.. ఎందుకు రిజెక్ట్ చేశారనే సందేహాలు వ్యక్తమవుతున్నాయి. అయితే ఎన్నికల రిటర్నింగ్ అధికారిపై చర్యలు తీసుకోవాలని సీపీఎం నేతలు, కార్యకర్తలు హుజూర్‌నగర్ రిటర్నింగ్ అధికారి కార్యాలయం ఎదుట ఆందోళన చేపట్టారు. మంగళవారం జరిగిన నామినేషన్ల పరిశీలనలో సీపిఎం అభ్యర్థి పారేపల్లి శేఖ‌ర్‌రావు, తెలంగాణ ఇంటి పార్టీ అభ్యర్థి సాంబశివగౌడ్,స్వతంత్ర అభ్యర్థి వృద్ధురాలు లక్ష్మీ నర్సమ్మ,వికలాంగుడు గిద్ద రాజేష్, ఆమ్ ఆద్మీ అభ్యర్థి లింగిడి వెంకటేశ్వర్లు దాఖలు చేసిన నామినేషన్ పత్రాలను తిరస్కరించారు.  మొత్తం  76 నామినేషన్లను పరిశీలించి 45 నామినేషన్లు తిరస్కరించగా, 31 నామినేషన్లను ఓకే చేశారు  అధికారులు.

Related Tags