ఓటింగ్​ శాతాన్ని పెంచడంపై కేంద్ర ఎన్నికల సంఘం కొత్త ఆలోచన..విదేశాల్లో భారతీయులకు పోస్టల్​ బ్యాలెట్​ సౌకర్యం

కేంద్ర ఎన్నికల సంఘం కొత్త ఆలోచనకు తెరలేపింది. ప్రజాస్వామ్య భారత దేశంలో ఓటింగ్ శాతం పెంచేందుకు ఓ కొత్త ప్రతిపాధనను చేసింది. ఓటింగ్​ శాతాన్ని పెంచడంతోపాటు.. ప్రజాప్రతినిధులను ఎన్నుకోవడంలో..

ఓటింగ్​ శాతాన్ని పెంచడంపై కేంద్ర ఎన్నికల సంఘం కొత్త ఆలోచన..విదేశాల్లో భారతీయులకు పోస్టల్​ బ్యాలెట్​ సౌకర్యం
Follow us

|

Updated on: Dec 01, 2020 | 9:49 PM

కేంద్ర ఎన్నికల సంఘం కొత్త ఆలోచనకు తెరలేపింది. ప్రజాస్వామ్య భారత దేశంలో ఓటింగ్ శాతం పెంచేందుకు ఓ కొత్త ప్రతిపాధనను చేసింది. ఓటింగ్​ శాతాన్ని పెంచడంతోపాటు.. ప్రజాప్రతినిధులను ఎన్నుకోవడంలో పారదర్శకత పెంచేందుకు నూతన ప్రతిపాదికను తెరమీదికి తీసుకొచ్చింది.

విదేశాల్లోని అర్హత కలిగిన భారతీయులు ఓటు హక్కు వినియోగించుకునేలా పోస్టల్​ బ్యాలెట్​ సౌకర్యాన్ని విస్తరించాలని ప్రతిపాదించింది. ఈ మేరకు న్యాయ మంత్రిత్వశాఖ కార్యదర్శికి నవంబర్​ 27న లేఖ రాసింది. ఇటీవల కొన్ని రాష్ట్రాల్లో జరిగిన ఉపఎన్నికలు, బీహార్​ అసెంబ్లీ ఎన్నికల్లో పోస్టల్ బ్యాలెట్​ సౌకర్యాన్ని విజయవంతంగా అమలు చేయడం వల్ల విశ్వాసం పెరిగిందని పేర్కొంది.

రానున్న అసోం, బంగాల్​, కేరళ, తమిళనాడు, పుదుచ్చేరి రాష్ట్రాల్లోని అసెంబ్లీ ఎన్నికల్లో పోస్టల్ బ్యాలెట్ విధానం అమలు చేయడానికి కావాల్సిన సాంకేతిక, పరిపాలనపరమైన సదుపాయాలను సిద్ధం చేసుకున్నట్లు లేఖలో వెల్లడించింది. వచ్చే ఏడాది ఏప్రిల్-జూన్​ నెలల్లో ఆయా రాష్ట్రాల్లో ఎన్నికలు జరగనున్నాయి.

వృద్ధులు, విదేశాల్లోని అర్హత ఉన్న భారతీయులు ఓటు హక్కు వినియోగించుకోలేకపోతున్నారని తెలిపింది ఎన్నికల సంఘం. వారూ ఓటు హక్కు వినియోగించుకునేలా పోస్టల్​ బ్యాలెట్​ను విస్తరించాలనే ప్రతిపాదనలు వచ్చిన నేపథ్యంలో… ఈ ప్రతిపాదన చేస్తున్నట్లు ఈసీ వెల్లడించింది.ఈసీ ప్రతిపాదనకు కేంద్రం ఆమోదం తెలిపితే విదేశాల్లోని భారతీయులు తమ ఓటు హక్కు వినియోగించుకోవచ్చు