Breaking News
  • రైతు వేదికల ప్రారంభానికి ముహూర్తం ఖరారు. జనగామ జిల్లా కొడకండ్ల మండల కేంద్రంలో ఈ నెల 31న మద్యాహ్నం 12.30 గంటలకు ప్రారంభించనున్న ముఖ్యమంత్రి కె.చంద్రశేఖర్ రావు. రైతు వేదిక సమీపంలోని పల్లె ప్రకృతి వనాన్ని సందర్శించనున్న సిఎం. రైతులు, ప్రజలను ఉద్దేశించి మాట్లాడనున్న ముఖ్యమంత్రి. ప్రభుత్వం రైతు వేదికల నిర్మాణాన్ని చేపట్టిన ఉద్దేశాన్ని, రైతు వేదికల ఆవశ్యకతను, వాటి ద్వారా జరిగే కార్యకలాపాలను వివరించనున్న ముఖ్యమంత్రి. ఉమ్మడి వరంగల్ జిల్లాకు చెందిన రైతుబంధు జిల్లా, మండల, గ్రామ కమిటీలను ఈ సమావేశానికి ఆహ్వానం. పాల్గొననున్న వ్యవసాయ శాఖ మంత్రి ఎస్.నిరంజన్ రెడ్డి, ఉమ్మడి వరంగల్ జిల్లాకు చెందిన మంత్రులు ఎర్రబెల్లి దయాకర్ రావు, సత్యవతి రాథోడ్, రైతుబంధు రాష్ట్ర అధ్యక్షుడు పల్లా రాజేశ్వర్ రెడ్డి, ఉమ్మడి వరంగల్ జిల్లాకు చెందిన ఎంపిలు, ఎమ్మెల్యేలు, ఎమ్మెల్సీలు.
  • విశాఖ గ్యాస్ లీకేజీ ఘటనపై సుప్రీంకోర్టులో విచారణ. ఎల్జీ పాలిమర్స్ దాఖలు చేసిన పిటిషన్ ను విచారించిన జస్టిస్ యూయూ లలిత్ ధర్మాసనం. ఎల్జీ పాలిమర్స్ తరపున వాదనలు వినిపించిన సీనియర్ న్యాయవాది ముకుల్ రోహత్గి. ఎన్జీటీ లో కేసు విచారణ నవంబర్ 3న ఉందని కోర్టుకు తెలిపిన ముకుల్ రోహత్గి. ఎన్జీటీలో కమిటీ నివేదికపై పది రోజుల్లో అభ్యంతరాలను సమర్పించాలన్న సుప్రీంకోర్టు. సుప్రీం కోర్టు తదుపరి ఆదేశాల వరకు కేసు ఎన్జీటీలో విచారణను వాయిదా వేయాలని సూచించిన సుప్రీంకోర్టు. తదుపరి విచారణ నవంబర్ 16 వాయిదా.
  • శాసన మండలి : ఎమ్మెల్సీ గా ప్రమాణస్వీకారం కల్వకుంట్ల కవిత. శాసన మండలి చైర్మన్ కార్యాలయంలో ప్రమాణస్వీకారం చేసిన కవిత. హాజరయిన మండలి చైర్మన్ గుత్తా సుఖేందర్ రెడ్డి, మంత్రులు ప్రశాంత్ రెడ్డి,సత్యవతి రాథోడ్,ఎమ్మెల్యేలు, ఎమ్మెల్సీ లు. ఎమ్మెల్సీ ఎన్నికల్లో ఓటు వేసిన స్థానిక సంస్థల ప్రతినిధులతో కవిత మర్యాదపూర్వక భేటీ.
  • చెన్నై: నటుడు రజినీకాంత్ ఆరోగ్యం ఫై, పార్టీ ఫై వస్తున్న ప్రచారాలపై ప్రకటన విడుదల చేసిన రజినీకాంత్ . నా ఆరోగ్యం ఫై సోషల్ మీడియా లో జరుగుతున్న వివాదం లో నిజం లేదు. నేను డాక్టర్లను కలిసిన మాట నిజమే . నా ప్రస్తుత ఆరోగ్యం ఫై వారి సలహాలు , సూచనలు తీసుకున్నాను . ఇప్పుడు రాజకీయాలు వద్దని , నా ఆరోగ్యం నిలకడగా ఉండాలంటే రాజకీయాలకు దూరంగా ఉండాలని వైద్యులు సూచించారని వస్తున్న వార్తలపై త్వరలోనే వివరణ ఇస్తాను. నేను పార్టీ పెట్టడం ఫై , నా రాజకీయ ఆలోచనల గురించి నా అభిమానులకు నేను పూర్తి వివరాలు త్వరలో వెల్లడిస్తాను.
  • అమరావతి: విశాఖ గీతం యూనివర్సిటీ అక్రమ కట్టడాల కూల్చివేతపై అప్పీల్ కు వెళ్లిన గీతం యాజమాన్యం. దీనిపై హైకోర్టులో దాఖలైన పిటీషన్ విచారించిన హైకోర్టు. వచ్చే సోమవారం రెగ్యులర్ కోర్టులో విచారణకి వాయిదా వేసిన న్యాయస్థానం. అప్పటి వరకు మధ్యంతర ఉత్తర్వులు కొనసాగుతాయన్న హైకోర్టు.
  • బిగ్ బాస్‌ హోస్ట్ చేయటంపై సమంత కామెంట్‌. నాగార్జున కోరితేనే షో చేశానంటూ సోషల్ మీడియాలో పోస్ట్ చేసిన సామ్‌. 'గతంలో ఒక్క బిగ్‌ బాస్‌ ఎపిసోడ్ కూడా చూడలేదు. యాంకరింగ్ చేసిన అనుభవం కూడా లేదు. తెలుగు సరిగా మాట్లాడగలనో లేదో. అందుకే మామగారు బిగ్‌ బాస్‌ హోస్ట్ చేయమన్నప్పుడు భయపడ్డాను. అవన్నీ పక్కన పెట్టి నన్ను నమ్మి నాకు ఈ బాధ్యత అప్పగించినందుకు థ్యాంక్యూ మామ. ఎపిసోడ్ టెలికాస్ట్ తరువాత నాకు అందుతున్న ప్రేమకు మీ అందరికీ కూడా థ్యాంక్స్‌'.
  • టిఎస్ ఎంసెట్లో 45 శాతం మార్కుల నిబంధన తొలగిస్తూ రాష్ట్ర ప్రభుత్వం ఉత్తర్వులు. TSEAMCET-2020 లో అర్హత సాధించిన విద్యార్థులను TS EAMCET (అడ్మిషన్స్) -2020 కౌన్సెలింగ్ కు హాజరుకావడానికి అనుమతి. 10 + 2 ఉత్తీర్ణత సాధించిన విద్యార్థులకు TS EAMCET-2020 లో అడ్డంకిగా మారిన 45 శాతం మార్కుల నిబంధన. ఈ నిబంధన 2020- 21 విద్యా సంవత్సరానికి మాత్రమే వర్తింపు. భవిష్యత్తులో 2021-22 సంవత్సరానికి ఈ నిబంధన వర్తించదు. శ్రీమతి చిత్రా రామచంద్రన్, స్పెషల్ చీఫ్ సెక్రటరీ, ఎడ్యుకేషన్.

దుబ్బాకలో వేడెక్కుతున్న ప్రచారం

నామినేషన్ల పర్వం ముగియడంతో దుబ్బాక ఎన్నికల పర్వం మరింత వేడెక్కింది. మొత్తం 46 మంది నామినేషన్లు దాఖలు చేయగా.. మూడు ప్రధాన పార్టీల అభ్యర్థులు పరస్పరం మాటల తూటాలు...

Dubbaka election campaign heating-up, దుబ్బాకలో వేడెక్కుతున్న ప్రచారం

Dubbaka election campaign heating-up: నామినేషన్ల పర్వం ముగియడంతో దుబ్బాక ఎన్నికల పర్వం మరింత వేడెక్కింది. మొత్తం 46 మంది నామినేషన్లు దాఖలు చేయగా.. మూడు ప్రధాన పార్టీల అభ్యర్థులు పరస్పరం మాటల తూటాలు పేల్చుకుంటూ దుబ్బాక ఓటలర్లను ప్రసన్నం చేసుకునేందుకు యత్నాలను వేగవంతం చేశారు. అధికార టీఆర్ఎస్ పార్టీ తరపున మంత్రి హరీశ్ రావు, ఎంపీ ప్రభాకర్ రెడ్డిలతోపాటు జిల్లాకు చెందిన ఎమ్మెల్యేలు పెద్ద ఎత్తున నియోజకవర్గంలో మోహరించారు. కాంగ్రెస్, బీజేపీలు కూడా రాష్ట్ర స్థాయి నాయకులను దుబ్బాకకు తరలించి, మండలాలు, మేజర్ గ్రామపంచాయితీలవారీగా ఇంఛార్జీలను నియమించారు.

నియోజకవర్గంలో బీడి కార్మికులు, చేనేతలు, యువకులను ప్రసన్నం చేసుకుంటే భారీ మెజారిటీతో విజయం ఖాయమని ప్రధాన రాజకీయ పార్టీలు భావిస్తున్నాయి. బీడి కార్మికులు, చేనేత వర్గాల ఓట్లు సుమారు 55 వేలుగా వుంటాయని భావిస్తున్నారు. నియోజకవర్గంలో మొత్తం 1.97 లక్షల ఓటర్లున్నారు. 20 శాతం ఓట్లు యువకులవేనని సమాచారం. అందుకే ప్రధాన రాజకీయ పార్టీలు బీడి కార్మికులు, చేనేత వర్గాలతోపాటు యువకులకు గాలమేసేందుకు శ్రమిస్తున్నాయి.

దానికి తోడు నియోజకవర్గంలో యువత కూడా మూడు పార్టీల ప్రచారంలో పెద్ద ఎత్తున పాల్గొంటున్నారు. బీజేపీ అభ్యర్థి రఘునందన్ రావు నామినేషన్ వేసే రోజు వేలాది సంఖ్యలో యువతకు హాజరయ్యారు. దానికి పోటీగా దౌలతాబాద్‌లో టీఆర్ఎస్ నిర్వహించిన ఎన్నికల ర్యాలీకు గులాబీ నేతలు పెద్ద ఎత్తున యువతకు సమీకరించారు. అటు కాంగ్రెస్ పార్టీ సైతం తామేమీ తక్కువ తినలేదన్నట్లు యూత్ కాంగ్రెస్, ఎన్ఎస్‌యూఐ శ్రేణులను నియోజకవర్గంలో మోహరించి, యువతను ఆకట్టుకునేందుకు ప్రయత్నిస్తోంది.

నామినేషన్ల పర్వం ముగిసిన నేపథ్యంలో టీఆర్ఎస్, బీజేపీ, కాంగ్రెస్ పార్టీల అభ్యర్థులతోపాటు పలు చిన్నా చితకా పార్టీ అభ్యర్థులు, ఇండిపెండెంట్లు కలిపి మొత్తం 46 మంది బరిలో నిలిచారు. అయితే విత్ డ్రాకు ఇంకా అవకాశం వుండడంతో చివరికి ఎంత మంది బరిలో నిలుస్తారన్నది ఆసక్తికరంగా మారింది.

Also read: చైనాకు భారత్ మరో ‘చెక్‘ 

 

Related Tags