Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

కేసీఆర్‌కు డిఎస్ ఓపెన్ ఛాలెంజ్

ds open challenge, కేసీఆర్‌కు డిఎస్ ఓపెన్ ఛాలెంజ్

టీఆర్ఎస్ అధినేత కేసీఆర్‌కు ఆ పార్టీ రాజ్యసభ సభ్యుడు డి. శ్రీనివాస్ ఓపెన్ ఛాలెంజ్ చేశారు. చాలా రోజుల తర్వాత నోరు మెదిపిన డిఎస్.. కేసీఆర్‌తో అమీతుమీకి రెడీ అన్నట్లుగా మాట్లాడారు. తన రాజకీయ ప్రస్తానంపై ఆసక్తికరమైన వ్యాఖ్యలు చేశారు. సొంత పార్టీ అధినేత ఫ్యామిలీపైనా, అదే పార్టీకి చెందిన రాష్ట్ర మంత్రిపైనా విరుచుకుపడ్డారాయన.

డిఎస్‌గా పిలవబడే ధర్మపురి శ్రీనివాస్.. తెలంగాణ రాజకీయాల్లో అందరికీ తెలిసిన పేరు. ఉమ్మడి రాష్ట్రంలో ప్రదేశ్ కాంగ్రెస్ కమిటీ సారథిగా రెండు పర్యాయాలు పార్టీని అధికారంలోకి తెచ్చిన ఘనత డీఎస్ సొంతం. ఒక దశలో ఉమ్మడి రాష్ట్రంలో రెండో పవర్ సెంటర్‌గా రాజకీయం చేసిన వ్యక్తి. అయితే.. కాంగ్రెస్ పార్టీలో అప్పటి రాష్ట్ర వ్యవహారాల ఇంఛార్జితో సరిపడక.. పార్టీని వీడి గులాబీ గూటికి చేరారాయన. ఇక్కడి దాకా అంతా బాగానే నడిచినా.. ఆ తర్వాత టీఆర్ఎస్ పార్టీలో ఇమడడం ఆయన వల్ల కాలేదు.

ఒక దశలో కేసీఆర్‌కు సన్నిహితుడై.. ఏకంగా రాజ్యసభ సీటును కొట్టేశారు. కానీ అంతలోనే కేసీఆర్ విశ్వాసాన్ని కోల్పోయి నిరాదరణకు గురవుతున్నారు. కేసీఆర్ కూతురు కవిత స్వయంగా ఎమ్మెల్యేల సంతకాలతో డిఎస్‌పై చర్యతీసుకోవాలని గులాబీ బాస్‌ను కోరారు.

చాలా కాలంగా సైలెంట్‌గా వుంటున్న డిఎస్.. సోమవారం మనసు విప్పారు. మాట పంచుకున్నారు. తాను కాంగ్రెస్ పార్టీని వీడి తప్పు చేశానని మధనపడ్డారు. అప్పట్లో దిగ్విజయ్ సింగ్ తనకు వ్యతిరేకంగా సోనియాకు నివేదిక ఇచ్చారన్న అలకతో కాంగ్రెస్ పార్టీని వీడానని చెప్పారు. అదే సమయంలో కేసీఆర్ ఫ్యామిలీపై విరుచుకుపడ్డారు. ఒక్క కుటుంబం బాగుపడినంత మాత్రాన బంగారు తెలంగాణ వచ్చినట్లా అని కేసీఆర్‌ను సవాల్ చేశారు.

మంత్రి ప్రశాంత్ రెడ్డి తల తిక్క మాటలు మానుకోవాలని హెచ్చరించారు. ప్రశాంత్ రెడ్డి తనపై చేసిన వ్యాఖ్యలను ఖండించారు. తాను చేసింది తప్పు అని నిరూపించే ధైర్యం ఉంటే తనను పార్టీ నుంచి సస్పెండ్ చేయాలని కేసీఆర్‌కు ఓపెన్ ఛాలెంజ్ విసిరారు డిఎస్. కొంత మంది ఎమ్మెల్యేలు తమకు ఇష్టం లేకున్నా తన సస్పెన్షన్ తీర్మానంపై సంతకాలు పెట్టారని చెప్పారు. సీఎం కేసీఆర్‌కు దమ్ముంటే దనపై చర్యలు తీసుకోవాలన్నారు.

Related Tags