Breaking News
  • విజయవాడ: ప్రకాశం బ్యారేజ్‌ దగ్గర ఉద్రిక్తత. ధర్నాచౌక్‌ నుంచి మందడం బయల్దేరిన కర్నాటక రైతులు. అనుమతిలేదంటూ ప్రకాశం బ్యారేజ్‌ దగ్గర అడ్డుకున్న పోలీసులు.
  • చంద్రబాబుతో సీపీఐ రాష్ట్ర కార్యదర్శి రామకృష్ణ భేటీ. అమరావతి కార్యాచరణపై చర్చ.
  • మైలవరం ఫారెస్ట్ అధికారిపై వైసీపీ మండలాధ్యక్షుడు దాడికియత్నం. అటవీ భూమిని చదును చేస్తుండగా అడ్డుకున్న ఫారెస్ట్ అధికారి . ఫారెస్ట్‌ అధికారితో వాదనకు దిగిన వైసీపీ నేత పామర్తి శ్రీను.
  • ప.గో: చంద్రబాబుది యూటర్న్‌ గవర్నమెంట్‌ అయితే.. జగన్‌ది రద్దుల గవర్నమెంట్‌. మంగళగిరిలో లోకేష్‌ ఓడిపోయి.. మండలిలోకి వెళ్లి ప్రభుత్వ కార్యక్రమాలు అడుకుంటున్నారు. రాజకీయ పునరావాసానికి మండలి వేదికగా మారింది-బీజేపీ నేత అంబికా కృష్ణ.
  • తూ.గో: తునిలో కారులో ఇరుక్కున్న మూడేళ్ల బాలుడు. మూడేళ్ల బాబును కారులో వదిలి వెళ్లిన తల్లిదండ్రులు. కారు డోర్లు లాక్‌ కావడంతో ఉక్కిరిబిక్కిరైన బాలుడు. కారు అద్దాలు పగలగొట్టి చిన్నారిని కాపాడిన స్థానికులు.

పోలీసు మద్దతుతో మందుబాబుల హల్‌చల్‌ !

Drunkers creating nonsense, పోలీసు మద్దతుతో మందుబాబుల హల్‌చల్‌ !
కర్నూలు జిల్లా నంద్యాలలో మందుబాబులు రెచ్చిపోయారు. పబ్లిక్‌గా మద్యం సేవిస్తూ..వచ్చేపోయే వారిని ఇబ్బందులకు గురిచేశారు. తప్పతాగి తప్పని చెప్పిన వారి పట్ల కూడా దారుణంగా ప్రవర్తించారు. వారికి సపోర్టుగా పోలీసు యూనిఫామ్‌లో ఉన్న మరో వ్యక్తి కూడా నానా హంగామా చేశాడు.
నంద్యాల పట్టణంలోని బాబుల్ రెడ్డి బిల్డింగ్ వద్ద కొందరు యువకులు మద్యం సేవిస్తూ హల్‌చల్‌ చేశారు. ఇంతలోనే స్థానికంగా నివాసముంటున్న ఇంతియాజ్‌ అనే వ్యక్తి అటుగా రావటంతో అతనితో గొడవకు దిగారు.
ఇరువురి మధ్య వాగ్వాదం నెలకొంది. ఇంతియాజ్‌ తండ్రి మస్తాన్‌వలి, అతని భార్య మరో కుమారుడిపై మందుబాబులు రెచ్చిపోయి ప్రవర్తించారు. రాళ్లతో దాడికి దిగారు. అయితే, జరిగిన ఘటనలో మందుబాబులకు తోడుగా నంద్యాల పోలీస్‌ సబ్‌డివిజన్‌కు సంబంధం లేని ఓ కానిస్టేబుల్‌ కూడా తాగుబోతులకు మద్దతుగా ప్రవర్తించాడు. గొడవ కాస్తా చిలికి చిలికి గాలివానగా మారింది.. ఈ దాడిలో మస్తాన్‌వలి తలకు తీవ్ర గాయం కావడంతో అతన్ని కర్నూలు ఆస్పత్రికి తరలించి చికిత్స అందజేశారు. వివాదానికి కారణమైన ఇద్దరు యువకులను టుటౌన్‌ పోలీసులు అదుపులోకి తీసుకుని విచారణ చేపట్టారు. కానిస్టేబుల్‌ వ్యవహారంపై కూడా పోలీసులు దర్యాప్తు చేపట్టారు.