Breaking News
  • విజయనగరం: కొత్తవలస మండలం అప్పనపాలెంలో రోడ్డుప్రమాదం. ఆటోను ఢీకొన్న కారు, నలుగురికి తీవ్రగాయాలు, ఆస్పత్రికి తరలింపు.
  • అమరావతి: రేపు టీడీఎల్పీ సమావేశం. మంగళగిరి టీడీపీ కార్యాయలంలో ఉ.10:30కి సమావేశం. అసెంబ్లీలో అనుసరించాల్సిన వ్యూహంపై చర్చ. మధ్యాహ్నం నుంచి ముఖ్యనేతలతో చంద్రబాబు సమావేశం.
  • ఢిల్లీ: నిర్భయ కేసు. న్యాయవాది ఏపీ సింగ్‌కు బార్‌ కౌన్సిల్‌ నోటీసులు. రెండు వారాల్లోగా సమాధానం చెప్పాలని ఆదేశం. న్యాయవాది ఏపీ సింగ్‌పై విచారణకు ఆదేశించిన ఢిల్లీ హైకోర్టు. నిర్భయ దోషుల తరఫున వాదిస్తున్న ఏపీ సింగ్.
  • నల్గొండ: మున్సిపల్‌ ఎన్నికల్లో టీఆర్‌ఎస్‌కు ఓట్లు అడిగే హక్కులేదు-ఉత్తమ్‌. 40 లక్షల మంది ఎస్సీలకు కేబినెట్‌లో మంత్రి పదవి లేదు. మున్సిపల్‌ ఎన్నికల్లో టీఆర్‌ఎస్‌, కేసీఆర్‌కు షాక్‌ తప్పదు-ఉత్తమ్‌కుమార్‌.
  • ఓయూ అసిస్టెంట్‌ ప్రొ.కాశిం ఇంటిపై పోలీసుల దాడిని ఖండించిన సీపీఐ. కాశిం ఇంటిపై పోలీసుల దాడి అప్రజాస్వామికం-చాడ వెంకట్‌రెడ్డి. రాష్ట్రంలో పాలన ఎమర్జెన్సీని తలపిస్తోంది. కాశిం ఇంట్లో సోదాలను వెంటనే నిలిపివేయాలి-చాడ వెంకట్‌రెడ్డి.

అక్రమ నిర్మాణాలకు ‘డ్రోన్ల’తో చెక్

illegal structures in Hyderabad, అక్రమ నిర్మాణాలకు ‘డ్రోన్ల’తో చెక్

అధికారులు ఎన్ని చర్యలు తీసుకున్నా.. హైదరాబాద్‌లో అక్రమ నిర్మాణాలు జరుగుతూనే ఉన్నాయి. ఈ నేపథ్యంలో వాటి నిర్మూలనకు మూసీ నది అభివృద్ధి సంస్థ(ఎమ్ఆర్డీసీ) చర్యలను ముమ్మరం చేసింది. ఇందులో భాగంగా అక్రమ నిర్మాణాలను గుర్తించేందుకు వారు డ్రోన్లను ఉపయోగించనున్నారు. ఈ విషయాన్ని ఆ సంస్థ అధికారులు వెల్లడించారు. ఈ డ్రోన్ల ద్వారా మూసి నది పరివాహక ప్రాంతంలో ఉన్న అక్రమనిర్మాణాలను గుర్తించి.. వాటికి సంబంధించిన ఫొటోలను జీహెచ్‌ఎంసీ, హెచ్‌ఎండీఏ అధికారులకు పంపనున్నామని వారు తెలిపారు. ఆ తరువాత రెవెన్యూ శాఖ సహకారంతో వాటిని తొలగించనున్నామని ఎమ్ఆర్డీసీ అధికారులు పేర్కొన్నారు.

అయితే 2016 రెవెన్యూ శాఖ జరిపిన ఓ సర్వేలో మూసీ నది పరివాహక మండలాల్లో 8,529 అక్రమ నిర్మాణాలు ఉన్నట్లు తేలింది. వీటిపై సమగ్ర వివరాలను సేకరించిన అధికారులు అప్పట్లో కొన్నింటిని తొలగించారు. అయినా ఇప్పటికీ కొన్ని చోట్ల అక్రమ నిర్మాణాల నిర్మాణం జరుగుతుందని తెలిపిన అధికారులు.. వాటిని నిర్మూలించేందుకు తాము చర్యలు ముమ్మరం చేస్తామని పేర్కొన్నారు. కాగా వీటితో పాటు ప్రభుత్వ భూములను ఆక్రమించుకున్న వారిపై కూడా చర్యలు తీసుకుంటాని ఎమ్ఆర్డీసీకి చెందిన ఓ సీనియర్ అధికారి వెల్లడించారు.