జేసీబీతో దాడి… వరంగల్ జిల్లాలో అమానుషం
Driver Attacks with JCB : వరంగల్ జిల్లా మంగపేటలో అమానుషం చోటు చేసుకుంది. తాగిన మైకంలో ఉన్న సూరయ్య అనే వ్యక్తి ఈ పనులెందుకు చేస్తున్నారని జేసీబీ డ్రైవర్ను నిలదీశాడు. దీంతో ఆగ్రహించిన జేసీబీ డ్రైవర్.. సూరయ్యతో వాగ్వాదానికి దిగాడు. తనను అకారణంగా తిట్టాడని జేసీబీ డ్రైవర్ ఈ దాడికి ఒడిగట్టాడు. అంతటితో ఆగకుండా జేసీబీ డ్రైవర్.. విచక్షణమరిచి సూరయ్యను జేసీబీతో తలపై బలంగా కొట్టాడు. అదే జేసీబీతో సూరయ్యను ముందుకు లాగడంతో… జేసీబీతో ఒక్కసారిగా […]
Driver Attacks with JCB : వరంగల్ జిల్లా మంగపేటలో అమానుషం చోటు చేసుకుంది. తాగిన మైకంలో ఉన్న సూరయ్య అనే వ్యక్తి ఈ పనులెందుకు చేస్తున్నారని జేసీబీ డ్రైవర్ను నిలదీశాడు. దీంతో ఆగ్రహించిన జేసీబీ డ్రైవర్.. సూరయ్యతో వాగ్వాదానికి దిగాడు. తనను అకారణంగా తిట్టాడని జేసీబీ డ్రైవర్ ఈ దాడికి ఒడిగట్టాడు. అంతటితో ఆగకుండా జేసీబీ డ్రైవర్.. విచక్షణమరిచి సూరయ్యను జేసీబీతో తలపై బలంగా కొట్టాడు. అదే జేసీబీతో సూరయ్యను ముందుకు లాగడంతో… జేసీబీతో ఒక్కసారిగా ముందుకులాగగానే వెళ్లి ఇంజన్ మీద పడిపోయాడు. దీంతో తలకు గాయం తగిలి కింద కుప్పకూలిపోయాడు.
స్థానికులు అడ్డు రావడంతో ప్రమాదం తృటిలో తప్పింది. లేకపోతే పెద్ద ప్రమాదమే జరిగి ఉండేదని స్థానికులు అంటున్నారు. స్థానికులు వారించడంతో జేసీబీ డ్రైవర్ అక్కడ్నుంచి వెళ్లిపోయాడు. బాధితుడి ఫిర్యాదుతో కేసు నమోదు చేసుకున్న పోలీసులు.. జేసీబీ డ్రైవర్తో పాటు మరో యువకుడ్ని అదుపులోకి తీసుకున్నారు. దాడికి పాల్పడినవారిని విచారిస్తున్నారు.