Breaking News
  • హైదరాబాద్‌: పాతబస్తీ ప్రజలు వరదల్లో బాగా నష్టపోయారు. వరదల్లో నష్టపోయిన ప్రతీ ఒక్కరికి న్యాయం చేస్తాం . 117 ఏళ్ల తర్వాత 29 సెం.మీ వర్ష పాతం నమోదైంది . 117 ఏళ్ల క్రితం వచ్చిన వరదల్లో 15వేల మంది చనిపోయారు . భవిష్యత్‌లో ఇలాంటి పరిణామాలు జరగకుండా ప్రభుత్వం చర్యలు తీసుకోవాలి . సాలరే మిల్లత్‌ ఎడ్యుకేషన్‌ ట్రస్ట్‌ నుంచి 33 వస్తువులను వరద బాధితులను ఇస్తున్నాం. ఇలాంటి సమయంలో విమర్శలు తగదు, అందరూ కలిసి సమస్యను పరిష్కరించాలి. ప్రభుత్వం అందించే రూ.10వేలు సాయం అభినందనీయం . ప్రభుత్వం వరద బాధితులకు మరింత సాయం అందించాలి . పార్టీ ఆదేశిస్తే బీహార్‌ ఎన్నికల్లో ప్రచారానికి వెళ్తా-అక్బరుద్దీన్‌ ఓవైసీ.
  • కూల్చివేతలు, కుట్రలు, అక్రమ అరెస్ట్‌లే లక్ష్యంగా జగన్‌ పాలన. విద్య కోసం కూడా ఇతరరాష్ట్రాలకు వెళ్లే పరిస్థితులు కనిపిస్తున్నాయి. ఆరోపణలు నిజమైతే నోటీసులు ఇచ్చిన తర్వాత చర్యలు తీసుకోవాలి. పాలనా వైఫల్యాలను కప్పిపుచ్చుకోవడం కోసం వికృత చేష్టలు చేస్తున్నారు. ప్రజలు అన్నీ గమనిస్తున్నారు.. తిరుగుబాటు తప్పదు. -టీడీపీ ఏపీ అధ్యక్షుడు అచ్చెన్నాయుడు.
  • నిమ్మగడ్డ రమేష్‌ వ్యవహారంపై స్పందించిన మంత్రి కొడాలి నాని. నిమ్మగడ్డ రమేష్‌కుమార్‌ కొన్ని నెలలు మాత్రమే ఉంటారు. తర్వాత రిటైరై హైదరాబాద్‌లో ఉంటారు-మంత్రి కొడాలి నాని. ప్రభుత్వానికి రమేష్‌కుమార్‌ కన్నా ప్రజల శ్రేయస్సే ముఖ్యం. రాష్ట్రంలో ఎన్నికలు నిర్వహించాలంటే ప్రభుత్వాన్ని సంప్రదించాలి. ప్రభుత్వాన్ని సంప్రదించకుండా నిమ్మగడ్డ ఏమీ చేయలేరు. ప్రజల ఆరోగ్యం దృష్ట్యా స్థానికసంస్థల ఎన్నికలు నిర్వహించే యోచనలో.. ప్రస్తుతం ప్రభుత్వానికి లేదు-మంత్రి కొడాలి నాని. బీహార్‌ ఎన్నికలతో స్థానిక సంస్థల ఎన్నికలను పోల్చకూడదు-కొడాలి నాని.
  • మహబూబాబాద్‌: దీక్షిత్ కిడ్నాప్‌, హత్య కేసులో తల్లి వసంత అనుమానాలు. దీక్షిత్‌ కేసులో మంద సాగర్‌తో పాటు మరో ముగ్గురి పాత్ర కూడా ఉంది. వారి నుంచి మాకు, మా చిన్న కుమారుడికి కూడా ప్రాణ హాని ఉంది. నిందితులను ఎన్‌కౌంటర్‌ చేయాలి.. లేదా కేసు సీబీఐకి అప్పగించాలి. నిందితులను కఠినంగా శిక్షించకపోతే మరిన్ని నేరాలు పెరుగుతాయి. -దీక్షిత్‌ తల్లి వసంత.
  • అమరావతి: కృష్ణా బోర్డు పరిధిపై ఏపీ ప్రభుత్వం ప్రతిపాదనలు. స్పిల్‌వేలు, జలవిద్యుత్ కేంద్రాలు బోర్డు ఆధీనంలోకి తేవాలి. కాలువహెడ్ రెగ్యులేటర్లు, ఎత్తిపోతలపథకాలను బోర్డు పరిధిలోకి తేవాలి. నీటి విడుదల, నియంత్రణ అధికారులు.. బోర్డు పర్యవేక్షణలోనే విధులు నిర్వహించాలని ప్రతిపాదనలు.
  • ట్రాఫిక్‌ జరిమానాల పెంపుపై తప్పుడు ఆరోపణలు చేస్తున్నారు. నిర్లక్ష్యంగా వాహనాలు నడిపేవారిపై కఠినంగా ఉండాలని నిర్ణయించాం. అడ్డగోలుగా వాహనాలు నడిపేవారిపై చర్యలు తప్పవు-మంత్రి పేర్ని నాని. రాజకీయ ప్రయోజనాల కోసమే ప్రభుత్వంపై ఆరోపణలు చేస్తున్నారు. వాహనదారులు బాధ్యతాయుతంగా ఉండాలి-మంత్రి పేర్ని నాని. ఏపీ, తెలంగాణ చెక్‌పోస్టుల దగ్గర ఆర్టీసీ బస్సులు ఏర్పాటు చేశాం. రెండు రాష్ట్రాల మధ్య ఒప్పందానికి తీవ్రంగా ప్రయత్నించాం-పేర్ని నాని. మంగళవారం ఒప్పందం చేసుకుంటామని టీఎస్‌ఆర్టీసీ అధికారులు చెప్పారు. జూన్‌ 18 నుంచి టీఎస్‌ అధికారులతో నిరంతరం చర్చలు జరుపుతున్నాం. టీఎస్ అధికారులు ఏది చెబితే దానికి ఒప్పుకునేందుకు సిద్ధంగా ఉన్నాం. ఇంకా టీఎస్‌ అధికారులు ప్రతిపాదనలు ఇవ్వలేదు-పేర్ని నాని. మేము మొదటి నుంచి కూడా మొండిగా ప్రవర్తించలేదు. ఆర్టీసీ లాభనష్టాలను చూడడంలేదు.. ప్రజల ప్రయోజనాలే ముఖ్యం. తెలంగాణ ఆర్టీసీకి సెలవుల కారణంగా ఒప్పందం చేసుకోలేకపోయాం.
  • గుంటూరు: తాడేపల్లిలోని రెండు ఫార్మసీ షాపుల్లో చోరీ, రూ.18 వేలు, సెల్‌ఫోన్‌ ఎత్తుకెళ్లిన దుండగులు, పీఎస్‌లో ఫిర్యాదు.

రేపటి నుంచి ఢిల్లీలో డీజిల్ జనరేటర్లపై నిషేధం..!

పర్యావరణ కాలుష్య నివారణ, నియంత్రణకు దేశ రాజధాని ఢిల్లీలో డీజిల్ జనరేటర్లను నిషేధం విధించారు.

dpcc bans diesel generators in delhi from october 15 to curb air pollution, రేపటి నుంచి ఢిల్లీలో డీజిల్ జనరేటర్లపై నిషేధం..!

పర్యావరణ కాలుష్య నివారణ, నియంత్రణకు దేశ రాజధాని ఢిల్లీలో డీజిల్ జనరేటర్లను నిషేధం విధించారు. ఢిల్లీలో గురువారం నుంచి డీజిల్ జనరేటర్లను వినియోగించేందుకు అనుమతి లేదు. వాయు కాలుష్య నివారణ కోసం వీటి వాడకంపై ఢిల్లీ కాలుష్య నియంత్రణ మండలి నిషేధం విధించింది. గ్రేడెడ్ రెస్సాన్స్ యాక్షన్ ప్లాన్‌లో భాగంగా ఈ ఆదేశాలు జారీ చేసినట్లు అధికారులు పేర్కొన్నారు. అయితే, అత్యవసర సేవల కోసం వినియోగించేందుకు మాత్రం అనుమతి ఇస్తున్నట్లు తెలిపారు.

డీజిల్, పెట్రోలు, కిరోసిన్‌లతో నడిచే అన్ని కెపాసిటీల జనరేటర్ల వాడకాన్ని అక్టోబరు 15 నుంచి నిషేధిస్తున్నట్లు డీపీసీసీ పేర్కొంది. తదుపరి ఉత్తర్వులు జారీ చేసే వరకు ఈ ఆదేశాలు అమల్లో ఉంటాయని తెలిపింది. గ్రేడెడ్ రెస్సాన్స్ యాక్షన్ ప్లాన్‌ను ఢిల్లీ, దాని పరిసరాల్లోని పట్టణాల్లో అమలు చేస్తున్నారు. ఇందులో భాగంగా 2017లో పర్యావరణం, అడవుల మంత్రిత్వ శాఖ నోటిఫై చేసింది. సుప్రీంకోర్టు ఆదేశాల ప్రకారం ఏర్పాటు చేసిన పర్యావరణ కాలుష్య నిరోధం, నియంత్రణ వ్యవస్థ దీనిని అమలు చేస్తోంది.

మెట్రో రైల్ సేవలు, ఆరోగ్య సంరక్షణ కేంద్రాలు, రైల్వే సేవలు, విమానాశ్రయాలు, అంతర్రాష్ట్ర బస్ టెర్మినల్స్, నేషనల్ ఇన్ఫర్మేటిక్స్ సెంటర్ నడుపుతున్న డేటా సెంటర్ అత్యవసర సేవల పరిథిలోకి వస్తాయని ఢిల్లీ పొల్యూషన్ కంట్రోల్ కౌన్సిల్ వివరించింది.

Related Tags