Breaking News
  • ఇన్సూరెన్స్ మెడికల్ స్కామ్ కేసులో దేవికారాని కి బెయిల్ మంజూరు ఏసీబీ కోర్ట్. దేవికారాని తో పాటు జాయింట్ డైరెక్టర్ పద్మ, ఫార్మసీస్ట్ వసంత, మరో ఇద్దరు ఫార్మా ఉద్యోగుల కు బెయిల్ ఇచ్చిన ఏసీబీ కోర్ట్.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • తిరుమల: తిరుమల ఆలయ సమీపంలో రాత్రివేళ గుంపులుగా తిరుగుతున్న చిరుతలు. వీధుల్లో తిరుగుతున్న ఎలుగుబంట్లు. యానిమాల్ డిటెక్టర్ కెమెరాల ద్వారా గుర్తిస్తున్న విజిలెన్స్ . జంతువు కెమెరాలో కనపడగానే అలారం మోగేలా ఏర్పాటు చేసిన టిటిడి విజిలెన్స్ అధికారులు. బ్రహ్మోత్సవాల వేళ అడవి జంతువుల నుంచి భక్తులకు ఏలాంటి ఇబ్బంది లేకుండా కెమెరా సైరన్ ద్వారా జంతువులను బెదరగొడుతున్న సిబ్బంది. గత మూడునెలలుగా అనేకసార్లు అలయపరిసరాల్లోకి వచ్చిన చిరుతలు, ఎలుగుబంట్లు.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

పుల్లెల గోపీచంద్ బ్యాడ్మింట‌న్ అకాడ‌మీలో క‌రోనా క‌ల‌క‌లం

తాజాగా హైద‌రాబాద్‌లోని గ‌చ్చిబౌలిలోని పుల్లెల గోపీచంద్ బ్యాడ్మింట‌న్ అకాడ‌మీలో క‌రోనా క‌ల‌క‌లం రేగింది. బాడ్మింట‌న్ ప్లేయ‌ర్ సిక్కిరెడ్డికి క‌రోనా వైర‌స్ సోకింది. అలాగే ఫిజియోథెర‌పిస్ట్ కిర‌ణ్ జార్జ్‌కు కూడా కోవిడ్ పాజిటివ్ నిర్థార‌ణ..
Doubles player Sikki Reddy and physiotherapist Kiran George tests COVID-19 positive, పుల్లెల గోపీచంద్ బ్యాడ్మింట‌న్ అకాడ‌మీలో క‌రోనా క‌ల‌క‌లం

ప్ర‌స్తుతం ఇప్పుడు ఎటు చూసినా క‌రోనా మ‌హ‌మ్మారి తీవ్రంగా వ్యాప్తి చెందుతూనే ఉంది. ఇప్ప‌టికే ఎంతో మంది ప్ర‌ముఖులు, సెల‌బ్రిటీలు దీని బారిన ప‌డుతూనే ఉంటున్నారు. ఇక తాజాగా హైద‌రాబాద్‌లోని గ‌చ్చిబౌలిలోని పుల్లెల గోపీచంద్ బ్యాడ్మింట‌న్ అకాడ‌మీలో క‌రోనా క‌ల‌క‌లం రేగింది. బాడ్మింట‌న్ ప్లేయ‌ర్ సిక్కిరెడ్డికి క‌రోనా వైర‌స్ సోకింది. అలాగే ఫిజియోథెర‌పిస్ట్ కిర‌ణ్ జార్జ్‌కు కూడా కోవిడ్ పాజిటివ్ నిర్థార‌ణ అయింది. దీంతో బాడ్మింట‌న్ అకాడ‌మీని మూసివేశారు అధికారులు. అలాగే అకాడ‌మీలో మొత్తం శానిటైజ్ చేశారు.

అలాగే బాడ్మింట‌న్ అకాడ‌మీలో ఇటీవ‌లే ప్రాక్టీస్ చేసిన ఆట‌గాళ్ల‌కు కూడా క‌రోనా వైర‌స్ పరీక్ష‌లు నిర్వ‌హిస్తున్నారు అధికారులు. కాగా, అదే అకాడమీలో స్టార్‌ షటర్లు పీవీ సింధు, పారుపల్లి కశ్యప్‌, సైనా నెహ్వాల్‌లు ప్రాక్టీస్‌ చేస్తూ ఉండటంతో వారిలో ఆందోళన మొదలైంది. ఇక‌ రెండు మూడు రోజులుగా సిక్కి రెడ్డి, కిర‌ణ్ జార్జ్‌ల‌ను క‌లిసిన వారిని గుర్తించే ప‌నిలో ఉన్నారు. వీరితో ఎవ‌రు ప్రైమ‌రీ కాంటాక్ట్ అయ్యారో వారి వివ‌రాలు సేక‌రిస్తున్నారు అధికారులు.

కాగా ప్ర‌స్తుతం తెలంగాణ‌లో 24 గంట‌ల్లో రాష్ట్రంలో 1931 కొత్త కేసులు నమోదయ్యాయి. దీంతో పాజిటివ్ కేసుల సంఖ్య 86,475కు చేరింది. 11 మంది కరోనా బారిన పడి మరణించగా.. మృతుల సంఖ్య 665కు చేరింది. ఇక కరోనా నుంచి తాజాగా 1780 మంది డిశ్చార్జ్‌ కాగా.. కోలుకున్న వారి సంఖ్య 63,074కు చేరింది. ప్రస్తుతం తెలంగాణలో 22,736 యాక్టివ్ కేసులు ఉన్నాయి.

Doubles player Sikki Reddy and physiotherapist Kiran George tests COVID-19 positive, పుల్లెల గోపీచంద్ బ్యాడ్మింట‌న్ అకాడ‌మీలో క‌రోనా క‌ల‌క‌లం

Read More:

గ్రాండ్‌గా నిహారిక కొణిదెల‌, జొన్న‌ల‌గ‌డ్డ‌ చైత‌న్య‌ల‌ ఎంగేజ్‌మెంట్

ఇక‌పై వాట్సాప్‌లోనే బోర్డింగ్ పాస్‌! ఎలాగంటే?

కోమాలో మాజీ రాష్ట్ర‌ప‌తి ప్ర‌ణబ్ ముఖ‌ర్జీః ఆర్మీ రీసెర్చ్ హాస్పిట‌ల్‌

భార‌త క్రికెట‌ర్‌కి క‌రోనా వైర‌స్ పాజిటివ్‌

Related Tags