Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

షాకింగ్: బిగ్ బాస్‌లో డబుల్ ఎలిమినేషన్.. వారిద్దరూ ఔట్!

బాలీవుడ్ కండలవీరుడు సల్మాన్ ఖాన్ హోస్టుగా వ్యవహరిస్తున్న హిందీ బిగ్ బాస్ 13వ సీజన్ రీసెంట్‌గా ప్రారంభమైన సంగతి తెలిసిందే. ఈ షో స్టార్ట్ అయిన దగ్గర నుంచి పలు కాంట్రవర్సీలతో హాట్ టాపిక్‌గా మారింది. వీకెండ్ వచ్చేసింది. ఈ వారం ఎలిమినేషన్ నామినేషన్స్‌లో రష్మీ దేశాయ్, దల్జీత్ కౌర్, కోయినా మిత్రా, షెహనాజ్ గిల్ ఉన్నారు. డబుల్ ఎలిమినేషన్‌లో భాగంగా మొదటి కంటెస్టెంట్‌గా దల్జీత్ కౌర్ ఎలిమినేట్ అయింది. ఇక రెండో కంటెస్టెంట్‌గా కోయినా మిత్రా ఇవాళ ఎపిసోడ్‌లో ఎలిమినేట్ కానుంది.

ఇది ఇలా ఉండగా దల్జీత్ కౌర్ ఎలిమినేషన్‌కు గురి కావడం పట్ల నెటిజన్లు తీవ్రంగా స్పందించారు. హౌస్‌లో ఉన్న మంచి వ్యక్తుల్లో ఒకరైన దల్జీత్‌ను ఇలా అర్ధాంతరంగా బయటికి పంపించడం కరెక్ట్ కాదని బిగ్ బాస్‌పై మండిపడుతున్నారు. ఆమెను వైల్డ్ కార్డు ఎంట్రీతో మరోసారి హౌస్‌లోకి పంపించాలంటూ కామెంట్స్ చేస్తున్నారు.

దల్జీత్ కౌర్‌కు సోషల్ మీడియాలో విపరీతమైన ఫాలోయింగ్ ఉంది. ‘ఇస్ ప్యార్ కో క్యా నామ్ దూ’ సీరియల్‌తో ఆమె మంచి గుర్తింపు తెచ్చుకున్నారు. బిగ్ బాస్ హౌస్‌లో ఇన్ని రోజులు ఫెయిర్ ప్లేయర్‌గా ప్రేక్షకుల మన్ననలు పొందిన ఆమెను ఇలా ఎలిమినేట్ చేయడం ఎవ్వరికీ కూడా నచ్చలేదని చెప్పాలి. ఏది ఏమైనా బిగ్ బాస్ అంటేనే.. ఏదైనా జరగొచ్చు. చూడాలి రాబోయే రోజుల్లో దల్జీత్ మళ్ళీ హౌస్‌లోకి తిరిగి వచ్చినా ఆశ్చర్యపోనక్కర్లేదు.