Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

ఎలాంటి అసంతృప్తి లేదు…హరీశ్‌రావు

, ఎలాంటి అసంతృప్తి లేదు…హరీశ్‌రావు

తెలంగాణ మంత్రివర్గంలో తనకు చోటు దక్కకపోవడంపై ఎలాంటి అసంతృప్తి లేదని హరీశ్‌రావు స్పష్టం చేశారు. తనకు మంత్రి పదవి దక్కకపోవడంపై ఎలాంటి రాద్ధా౦తం చేయాల్సిన అవసరం లేదని హరీశ్‌రావు అన్నారు. కేసీఆర్ ఆయా ప్రాంతాలు, సామాజిక సమీకరణలను దృష్టిలో పెట్టుకుని కేబినెట్ ఏర్పాటు చేశారని హరీష్ రావు తెలిపారు. కేసీఆర్ తనకు ఏ బాధ్యత అప్పగించినా నిర్వహిస్తానని స్పష్టం చేశారు. ఈ విషయ౦పై సోషల్‌మీడియాలో దుష్ప్రచారం చేయొద్దని సూచించారు. తన పేరిట ఎలాంటి గ్రూపులు, సేనలు లేవని స్పష్టం చేశారు. కొట్లాడి సాధించుకున్న తెలంగాణ కేసీఆర్ నేతృత్వంలో బంగారు తెలంగాణగా మారుతోందన్నారు. కేసీఆర్ అప్పగించిన బాధ్యతలను మంత్రులు పూర్తిస్థాయిలో నెరవేర్చి ప్రజల ఆకాంక్షలను తీర్చాలని సూచించారు.